അല്ലെങ്കിലും പൊതുജനത്തിന് മുട്ട വെറും കല്ലാണെന്ന്‌ തോന്നും.

 വഴിമദ്ധ്യേ വഴിപോക്കന്‍ ഇങ്ങനെയും പറഞ്ഞു.

'അല്ലെങ്കിലും പൊതുജനത്തിന് മുട്ട വെറും കല്ലാണെന്ന്‌ തോന്നും. 

കല്ല് പോലെ തോന്നുന്ന മുട്ടയെ മുട്ടയെന്ന് മനസിലാക്കി അടയിരുന്ന് കുഞ്ഞാക്കിയാലേ ജനങ്ങൾക്ക് കാര്യം മനസ്സിലാവൂ.. 

അങ്ങനെ മുട്ടയെ മുട്ടയെന്ന് മനസിലാക്കാനും അടയിരുന്ന് കുഞ്ഞാക്കാനും വളരേ വളരേ ചിലര്‍ മാത്രം. പരമഹംസന് ഒരു വിവേകാനന്ദന്‍. മുഹമ്മദിന് ഒരു അബൂബക്കര്‍. രാമന് ഒരു ലക്ഷ്മണ്‍, അല്ലെങ്കിൽ ഒരു ഹാനുമാന്‍, കൃഷ്ണന് ഒരര്‍ജ്ജുനന്‍, ബുദ്ധന് ഒരു ആനന്ദന്‍. 

അല്ലെങ്കിൽ പൊതുജനം ആ മുട്ടകളെ ചവിട്ടിപ്പൊട്ടിച്ച് കളയും. 

എന്നിട്ട് പറയും അവ വെറും വൃത്തികേടെന്ന്. ബാഹ്യമായ കാഴ്ചയില്‍ അപ്പോളത് വൃത്തികേടും ആയിരിക്കും. 

മുട്ട നല്‍കിയവന്‍ ഭ്രാന്തന്‍ എന്നും പറയും... 

ഏത് കാലത്തും...

കാട് പിടിച്ചു കിടക്കുന്നത് തൊട്ടമാണെന്ന് മനസിലാക്കുന്നവർ വളരേ ചുരുക്കം.

അതിനാല്‍ തന്നെ ഗുരു എപ്പോഴും പൊതുജനത്തിന് വെറും കാടാണ്. വെറും ഭ്രാന്തന്‍.'