അനാവരണം ചെയ്തുനോക്കൂ. ഉള്ളി പൊളിച്ചത് പോലെയാവും.

പ്രണയ വേളയിൽ സ്ത്രീയെ കുറിച്ച് പുരുഷനും പുരുഷനെ കുറിച്ച് സ്ത്രീയും ധരിക്കുന്നതും സങ്കൽപ്പിക്കുന്നതും എത്രമാത്രം ഇല്ലാത്തത്, ഉള്ളുപൊള്ളയായത്!! 

അനാവരണം ചെയ്തുനോക്കൂ. ഉള്ളി പൊളിച്ചത് പോലെയാവും. ഉള്ളിലൊന്നും ഇല്ലാതെ. 

ഈ 'ഞാൻ ' തന്നെ എത്രമാത്രം ഇല്ലാത്തത്, ഉള്ളുപൊള്ളയായത്!!

*****

സ്വന്തം പ്രശ്നങ്ങൾ സ്വയം നെയ്തെടുക്കുന്നവർ. 

മറ്റുള്ളവർ ഉണ്ടാക്കിയതാണ് ആ പ്രശ്നങ്ങളെന്ന് ആരോപിച്ച്  സ്വയം ആശ്വാസം കണ്ടെത്തുന്നവർ. 

സ്വയം നെയ്ത വലക്കുള്ളിൽ തന്നെ തടവ് പുള്ളികളാകുന്നവർ. 

എല്ലാറ്റിൽ നിന്നും സ്വയം മാറിനിന്ന് ഒരു ദ്വീപായി ഒറ്റപ്പെടുന്നവർ.