ഒരു പുരുഷനും തന്ത പട്ടം ആഗ്രഹിക്കുന്നില്ല.

ശരിക്കും പറഞ്ഞാൽ ഒരു പുരുഷനും തന്ത പട്ടം ആഗ്രഹിക്കുന്നില്ല.

പകരം, തന്ത പട്ടം പുരുഷന്റെ മേല്‍ നിര്‍ബന്ധമായും വന്ന്പെടുന്നതും കെട്ടിവെക്കുന്നതുമാണ്.

ഒരുപക്ഷേ, തന്ത പട്ടം കുറ്റബോധം പോലെ പേറിനടക്കുന്നതും.... 

പുരുഷന്റെ മേല്‍ നിര്‍ബന്ധമായും തന്ത പട്ടം കെട്ടിവെക്കുന്നതിനാണ് വിവാഹം. അങ്ങനെ കുറ്റബോധം പോലെ പേറിനടക്കാനും... 

വിവാഹം പുരുഷന് വേണ്ടിയല്ല.

സ്ത്രീക്ക് വേണ്ടി പുരുഷനെ കെട്ടിയിടാന്‍ മാത്രമാണ് വിവാഹം.

സാമൂഹ്യ വ്യവസ്ഥിതി ആകമാനം സ്ത്രീക്ക് വേണ്ടിയാണ്. സ്ത്രീയെയും സ്ത്രീ പ്രസവിക്കുന്ന കുട്ടികളേയും സംരക്ഷിക്കാൻ മാത്രമാണ്. അതിൽ വിവാഹവും.

പുരുഷനെ വ്യവസ്ഥിതിയുടെ മേല്‍ ഭാഗത്ത് കാണുന്നു എന്ന് മാത്രം.

ഒരു പക്ഷേ പുരുഷൻ നിശ്ചയിക്കുന്നതാണ് വ്യവസ്ഥിതിയെന്ന് തോന്നുന്നത് പോലെ. പുരുഷമേധാവിത്വ വ്യവസ്ഥിതി എന്ന പോലെ പുരുഷനെ വ്യവസ്ഥിതിയുടെ മേല്‍ ഭാഗത്ത് കാണുന്നു എന്ന് മാത്രം. 

ഭാരം ഇല്ലാത്തതും ഉള്ളുപൊള്ളയായതും മേല്‍ഭാഗത്ത് പൊങ്ങിയും പാറിയും നില്‍ക്കുകയും സാധാരണം. വളരേ സാധാരണം. അത് പോലെയാണ് പുരുഷനും വ്യവസ്ഥിതിയുടെ മേല്‍ഭാഗത്ത് പൊങ്ങിയും പാറിയും നില്‍ക്കുന്നത്.

പുരുഷൻ അങ്ങനെ പൊങ്ങി നില്‍ക്കുന്നത് മാത്രമാണ്.

അങ്ങനെമേല്‍ ഭാഗത്താണ് എന്ന ഒരുതരം സ്വയംഭോഗ സുഖം അനുഭവിക്കുന്നത് മാത്രമാണ് പുരുഷൻ. അധികാരം എന്ന് തോന്നുന്നതിന്റെ ആത്മരതിയില്‍ ഏര്‍പ്പെട്ടു കൊണ്ട്‌ .

പക്ഷേ, പുരുഷൻ അങ്ങനെ മേല്‍ഭാഗത്ത് പൊങ്ങിയും പാറിയും നില്‍ക്കുന്നത് കൊണ്ടുള്ള സുഖവും സുരക്ഷിതത്വം അനുഭവിക്കുന്നത് യാഥാര്‍ത്ഥത്തില്‍ സ്ത്രീ മാത്രമാണ്. കീഴെ നിന്ന് തണല്‍ അനുഭവിക്കുന്നത് സ്ത്രീ മാത്രമാണ്.

കീഴെയാണെന്ന തോന്നല്‍ മാത്രം ഉണ്ടാക്കിക്കൊണ്ട് യാഥാര്‍ത്ഥത്തില്‍ വെയില്‍ കൊള്ളാതെ മേലെ ഇരിക്കുന്നത് അവളാണ്.

കനമുള്ളത് കീഴെ തന്നെ ഇരിക്കുന്നു.

കീഴെയാണ് ശ്രമിക്കാതെ സ്ഥിരം ഇരിക്കാവുന്ന കനമുള്ളതിന്റെ ഉയരം.

മുകളിലെ ഉയരം സ്ഥിരമല്ല.

മുകളിലെ ഉയരം വല്ലാത്ത ശ്രമവും കൃത്രിമത്വവും ആവശ്യമുള്ളതാണ്

മുകളിലെ ഉയരം ഏത് സമയവും നഷ്ടപ്പെടുന്നതുമാണ്.

അങ്ങനെ എപ്പോഴും നഷ്ടപ്പെടുന്നമെന്ന, തന്റെ ശൂന്യത പുറത്ത് വരും എന്ന തോന്നലാണ് പുരുഷനെ കൂടുതൽ അധികാരം കാണിക്കാൻ വീണ്ടും പ്രേരിപ്പിക്കുന്നത്.