നമ്മൾ ഇല്ലാത്തത്ര ദൈവം.

ദൈവം തുടർച്ചയാണ്. 

ദൈവം എല്ലാ ഇടപെടലുകളുമാണ്. 

ദൈവം എല്ലാ ഇടപെടലുകളിലുമാണ്. 

ഉള്ളും പുറവും ദൈവം. 

നമ്മളായും, 

നമ്മൾ കളിക്കുന്ന കളിയായും, 

നമ്മുടെ കളിപ്പാട്ടമായും, 

നമ്മളുടെ ഉദ്ദേശമായും, 

നമ്മൾ ചെയ്യുന്ന കാര്യങ്ങളായും 

എല്ലാം ദൈവം. 

നമ്മൾ ഇല്ലാത്തത്ര ദൈവം.

ദൈവം മാത്രം ആവുന്നത്ര നമ്മളില്ല 

*****

ഒന്നുറപ്പിച്ച് പറയാം. 

എൻ്റെ അഹങ്കാരം ദൈവത്തിൻ്റെ അഹങ്കാരമാണ്. 

ഞാൻ വലുതാവുമ്പോൾ ദൈവമാണ് വലുതാവുന്നത്. 

എൻ്റെ അഹങ്കാരം ദൈവത്തെ വലുതാക്കലാണ്, 

എൻ്റെ അഹങ്കാരം ദൈവത്തിനുള്ള സ്തുതിയാണ്, പ്രകീർത്തനമാണ്.

***

നമ്മളും നമ്മൾ ചെയ്യുന്നതും മാത്രം.

ദൈവമില്ല.

ദൈവവും ദൈവം ചെയ്യുന്നതും മാത്രം.

നമ്മളില്ല. 

****

ഭൂരിപക്ഷം ആ ഒരു തുണിയും വെച്ച് നടക്കുന്നത് കൊണ്ട് അവരുടെ ആ തുണി വെച്ച് തന്നെ തുന്നിക്കൊടുക്കുന്നു എന്ന് മാത്രം. 

അവർക്ക് മനസ്സിലാവുന്ന അതേ വാക്ക് ഉപയോഗിക്കുന്നു എന്ന് മാത്രം. 

അതല്ലെങ്കിൽ ഇല്ലെന്നും ഉണ്ടെന്നും പറയുന്നതിന് ഒരേ അർത്ഥം. 

ഉള്ളതെന്തോ അതുണ്ട്. 

ഇല്ലാത്തതെന്തോ അതില്ല .

*****

നിർവ്വചനം ഇല്ലാത്തത് ദൈവം. 

എന്തും ആകാവുന്നത്. 

ഒന്നും ആവാത്തത്.

*****

രാജ്യത്തിന് സ്വാതന്ത്ര്യം കിട്ടിയെന്ന് വാദം. 

ശരിയാണ്, ശരിയാവാം. 

പക്ഷേ, വ്യക്തികൾക്ക് ആർക്കും സ്വതന്ത്ര്യം കിട്ടിയതായി കാണുന്നില്ല. 

സ്വാതന്ത്ര്യം ഓരോ വ്യക്തിക്കും കിട്ടേണ്ടതാണ്. 

സ്വാതന്ത്ര്യം രാജ്യത്തിന് കിട്ടുന്നതല്ല.