നേതാവാവണമെങ്കിൽ നിലവിലുള്ളതിനെ മുറുകിപ്പിടിക്കണം.

നേതാവാവണമെങ്കിൽ നിലവിലുള്ളതിനെ മുറുകിപ്പിടിക്കണം. 

നിലവിലുള്ളതിനെ ചലിപ്പിക്കുന്ന ആളാവണം.

നിലവിലുള്ളതിനെ നിലനിർത്താനും ചലിപ്പിക്കാനും അതിൻ്റെ നേതാവാവാനും വേണ്ടി വേണ്ടതും വേണ്ടാത്തതും ചെയ്യുന്ന ആളാവണം. വേണ്ടതും വേണ്ടാത്തതും കണ്ടില്ലെന്നു, നടിക്കുന്ന ആളാവണം. 

ഒന്നുകിൽ നിലവിലുള്ള രാഷ്ട്രീയത്തിൻ്റെ, അല്ലെങ്കിൽ മതത്തിൻ്റെ കൂടെനിൽക്കണം. 

ചിന്തിക്കുന്നവർ ഒറ്റക്കെയാവൂ. 

അവർക്ക് നേതാക്കളാവാൻ സാധിക്കില്ല. 

കാരണം, അവർ നിലവിലുള്ളതിനെയും നേതാക്കളെയും ചോദ്യം ചെയ്യുന്നവരാണ്. 

നിന്നിടം പോരെന്ന് തോന്നുന്നവരാണവർ. 

നിന്നിടത്തെ ചോദ്യം ചെയ്ത്, 

നിന്നിടം വിട്ട്,

സൂചിയെ പോലെ കടന്നുപോകുന്നവർ. 

പിന്നിൽ വരുന്ന നൂലുകൾക്ക് നിൽക്കാൻ വഴിയുണ്ടാക്കുന്നവർ.

ജീവിക്കുമ്പോൾ ആരെയും കൂടെ കിട്ടാത്തവർ.

ജീവിച്ചു കടന്നുപോയാൽ പിന്നിൽ വരുന്ന വലിയ നേതാക്കൾക്കും പുരോഹിതൻമാർക്കും ജീവിതവഴി ആവുന്നവർ.