രോഗിയെ ഒരുക്കാനും ചികിത്സിക്കാനുമല്ല ബുദ്ധിമുട്ട്.

രോഗിയെ ഒരുക്കാനും ചികിത്സിക്കാനുമല്ല ബുദ്ധിമുട്ട്. 

രോഗിക്ക് ചുറ്റുപാടുള്ളവരെ ഒരുക്കാനും ചികിത്സിക്കാനുമാണ് യഥാർഥത്തിൽ അതിനേക്കാൾ ബുദ്ധിമുട്ട്. 

രോഗിയെ രോഗിയെന്ന് തൊന്നിപ്പിക്കാതെ ചികിത്സിക്കാൻ ചുറ്റുപാടുള്ളവരെ പ്രാപ്തരാക്കാനാണ് ബുദ്ധിമുട്ട്. 

ചുറ്റുപാടുള്ളവർക്ക് മനസ്സിലാവുന്നത് അതുപോലെ രോഗിക്ക് മനസ്സിലാവില്ലെന്ന് ചുറ്റുപാടുള്ളവരെ മനസ്സിലാക്കിക്കൊടുക്കാനാണ് ബുദ്ധിമുട്ട്.

രോഗിക്ക് ബാധകമായത് പലതും അതുപോലെ തന്നെ ചുറ്റുപാടുള്ളവർക്ക് ബാധകമല്ലെന്നും ചുറ്റുപാടുള്ളവർക്ക് ബാധകമായത് പലതും അതുപോലെ തന്നെ രോഗിക്ക് ബാധകമല്ലെന്നും ചുറ്റുപാടുള്ളവരെ ബോധ്യപ്പെടുത്താനാണ് ബുദ്ധിമുട്ട്.     

****

ചിലരങ്ങനെയാണ്. 

അവരെ എല്ലാവരും കേൾക്കണം, പരിചരിക്കണം. 

ആരെയും അവർ കേൾക്കില്ല, പരിചരിക്കില്ല. 

അവർക്ക് അവർ മാത്രം വിഷയം. 

ചുറ്റുപാട് അവർക്ക് വേണ്ടി എന്ത് ചെയ്യുന്നു, ചെയ്യുന്നില്ല എന്നത് മാത്രം അവർക്ക് വിഷയം. 

അവർ ചുറ്റുപാടിന് വേണ്ടി ചെയ്യുന്നതും ചെയ്യാത്തതും അവർക്ക് വിഷയമല്ല. 

*****

സ്വന്തം മനസ്സാക്ഷി കൊണ്ട് പ്രാപഞ്ചികതയുടെ മനസ്സാക്ഷിയെ അന്വേഷിക്കുക, അറിയുക, കാണുക. 

അതിനുള്ള ദൂരം കടക്കുക. 

അതാവണം, അതിനാവണം ചിന്ത, പ്രാർത്ഥന, പ്രകീർത്തനം, പൂജ, ധ്യാനം.