കുട്ടിക്കുരങ്ങന്മാരെക്കൊണ്ട് ചുടുചോറ് വാരിപ്പിക്കുക.

"(വിശ്വാസികളായ) വൃത്തിയുള്ളവരല്ലാതെ അത് തൊടരുത്" (ഖുർആൻ). 

എന്താണാവോ വൃത്തി? 

ആർത്തവം, മൂത്രം, കീഴ്വായു, ശുക്ലം എന്നിവ പോകുന്നത് വൃത്തികേട്. 

ശേഷം സാധാരണ പോലെ കഴുകിയാലും അവ പോയ മനുഷ്യൻ വൃത്തികേട്. 

അറബിയിലുള്ള ഖുർആൻ തൊടാൻ പാടില്ല. 

പരിഭാഷയായ ഖുർആൻ തൊടാം. 

അതെന്തേ? 

അറബിഭാഷ സവർണഭാഷയോ?

****

കുട്ടിക്കുരങ്ങന്മാരെക്കൊണ്ട് ചുടുചോറ് വാരിപ്പിക്കുക. 

പുരോഹിതന്മാർ ഒന്നുമറിയാത്ത വിശ്വാസികളെക്കൊണ്ട് ചെയ്യിപ്പിക്കുന്നത്. 

വെള്ളത്തലപ്പാവും വെള്ളവസ്ത്രവും പാണ്ഡിത്യമാണെന്ന് ധരിക്കുന്ന മഹാഭൂരിപക്ഷം കുട്ടിക്കുരങ്ങൻമാർക്ക് വേറെന്ത് വിധി? വേറെന്ത് വഴി? 

അവർക്ക് ചുടുചോറാണെന്ന് അറിയാനുള്ള ബോധവുമില്ല.

*****

ഒരു മനുഷ്യനും മനുഷ്യൻ മാത്രമായല്ലാതെ മതവിശ്വാസിയായി ജനിക്കുന്നില്ല. 

ജനനം കൊണ്ട് മതം നിശ്ചയിക്കുന്ന സർക്കാർ രീതി നിർത്തണം. 

മാതാപിതാക്കളുടെ മക്കളായി ജനിച്ചത് കൊണ്ട് ആരും അതാത് മതവിശ്വാസി ആവില്ല. 

എന്നത് എല്ലാ മതക്കാരും ഒരുപോലെ അംഗീകരിക്കുന്ന, എല്ലാവർക്കും ഒരുപോലെ മനസ്സിലാവുന്ന കാര്യം. 

എന്നിട്ടും???

*****

ആരാൻ്റെ ചിലവിൽ, ആരാൻ്റെ ചിന്തയിൽ, ആരാൻ്റെ അധ്വാനത്തിൽ നിൻ്റെ സ്വാതന്ത്ര്യം നടക്കില്ല. 

നിൻ്റെ സ്വാതന്ത്ര്യം നിൻ്റെ തന്നെ ഉത്തരവാദിത്തത്തിൽ.

സ്വാതന്ത്ര്യം മാത്രമില്ല; ഉത്തരവാദിത്വത്തോടെയല്ലാതെ. 

ചിന്തയിൽ മാറാത്തവർക്ക് പ്രയോഗത്തിൽ എങ്ങിനെ സ്വാതന്ത്ര്യം?

*****

വെറും വാക്കുകൾ വെറുതെ.

ഉള്ളു പൊള്ളയായ വെറും വാക്കുകൾ വെറുതെ മുകളിൽ പൊങ്ങിക്കിടക്കും. 

ഉള്ളു പൊള്ളയായ വെറും വാക്കുകൾ

ഏറിയാൽ ഏറെ ശബ്ദവും ഉണ്ടാക്കും...

*****

ഭൂരിപക്ഷം പണ്ഡിതന്മാരും പുരോഹിതന്മാരും ജനങ്ങളുടെ പൈസ അനാവശ്യമായി തിന്നുന്നു. 

എന്നിട്ടവർ ദൈവത്തിൻ്റെ വഴിയിൽ നിന്ന് അവരെ തടയുകയും ചെയ്യുന്നു. (ഖുർആൻ)

*****

അനന്തരസ്വത്തിനെ നിങൾ (കണ്ണടച്ച്) മൂക്ക്മുട്ടെ തിന്നുന്നു (നീതിയും അനീതിയും തെറ്റും ശരിയും നോക്കാതെ). 

പണത്തെ നിങൾ അങ്ങേയറ്റം കെട്ടിപ്പുണർന്ന് സ്നേഹിക്കുന്നു." (ഖുർആൻ).