അവൾ മരിച്ചു. എന്തിന്‌ ജീവിച്ചു? ഒരുത്തരവുമില്ല.

 അവൾ മരിച്ചു. ജനിച്ചത് പോലെ പൊട്ടത്തിയും ചട്ടച്ചിയും അപസ്മാരരോഗിയും ഒക്കെയായി. 55 ാം വയസ്സില്‍. എന്തിന്‌ ജീവിച്ചു? ഒരുത്തരവുമില്ല.

*****

എൻ്റേതെന്ന് പറയാവുന്ന, എനിക്ക് അധികാരവും നിയന്ത്രണവും ഉള്ള 'ഞാൻ' ഇല്ല. ഞാൻ ഇല്ലെങ്കിൽ പിന്നെ 'എൻ്റേതും' 'എനിക്കും' എന്നത് എങ്ങിനെ ഉണ്ടാവും?

******

സൃഷ്ടി, സ്ഥിതി, സംഹാരം. ഇവയില്‍ എവിടേയും പിശാചുണ്ടെന്ന് ആരും അവകാശപ്പെടുന്നില്ല. പിന്നെ, എന്തിന്‌ എവിടെനിന്ന് വന്നു ഈ പിശാച് എന്ന സങ്കല്പം? ദൈവത്തെ ഉണ്ടാക്കാനും മാർക്കറ്റ് ചെയ്യാനും ദൈവകല്പനകൾ ഉണ്ടാവാൻ പശ്ചാത്തലം ഒരുക്കാനും ഒരു പിശാചോ?