എല്ലാറ്റിനും രാജ്യസ്നേഹമെന്ന പേരിട്ടാൽ മതിയാവും

സ്ഥാനവും വരുമാനവുമാണ് പ്രധാനമെങ്കിൽ സത്യവും സന്മാർഗവും കൈവിട്ടുപോകും.

വിവരക്കേടിൻ്റെ ആളായി നിന്നാൽ വിവരക്കേട് കമ്മിറ്റിയിലെ മെമ്പറും പ്രസിഡൻ്റുമാവും. 

വിവരംകെട്ട സമൂഹത്തിന് കൂട്ട്നിന്നാൽ ആ വിവരംകെട്ട സമൂഹത്തിൻ്റെ നേതാവും പ്രസിഡൻ്റുമാവും. കുറേ കൂടി എളുപ്പമാണ്.

****

ഭരണകൂടത്തെയും ഭരണകൂടതീരുമാനങ്ങളെയും എതിർക്കുന്നതും തിരുത്താൻ ശ്രമിക്കുന്നതും രാജ്യദ്രോഹമെന്ന് ചിത്രീകരിക്കുന്നവർ പറയാതെ പറയുന്നത് നാട്ടിൽ പ്രതിപക്ഷം പാടില്ലെന്നാണ്. പ്രതിപക്ഷമെന്നാൽ രാജ്യദ്രോഹമെന്നാണ്. അവർ ജനാധിപത്യത്തെത്തന്നെ  രാജ്യദ്രോഹമായി കാണുന്നുവെന്നാണ്.

****

രാജ്യസ്നേഹികൾ (???) പട്ടാളത്തെയും സ്വകാര്യവൽക്കരിക്കുമോ? ആർക്കറിയാം? 

എല്ലാറ്റിനും രാജ്യസ്നേഹമെന്ന പേരിട്ടാൽ മതിയാവും. വിരുദ്ധശബ്ദത്തിന് രാജ്യദ്രോഹമെന്നും. 

എങ്കിൽ പഞ്ചസാര മുളകും മുളക് പഞ്ചസാരയും ആകും.