സാമ്പത്തിക മാന്ദ്യം. കുറേകാലമായ് കായ്ച്ചത്, ഇപ്പോൾ മൂത്ത്പഴുക്കുന്നു എന്നും മനസിലാക്കാമോ?

സാമ്പത്തിക മാന്ദ്യം.  

ഒരുവര്‍ഷംകൊണ്ടും 

ഒരാളെകൊണ്ടും മാത്രമോ? 

കുറേകാലമായ് കായ്ച്ചത്, 

ഇപ്പോൾ മൂത്ത്പഴുക്കുന്നു എന്നും 

മനസിലാക്കാമോ?

********

ആത്യന്തികനായ ആത്മീയവാദിയും 

ആത്യന്തികനായ ഭൗതികവാദിയും 

ഒരുപോലെ. 

രണ്ടാള്‍ക്കും ഒന്ന് മാത്രം. 

രണ്ടില്ലാത്ത, രണ്ടല്ലാത്ത ഒന്ന്.

********

അനുഭവിക്കാം, 

പക്ഷെ,

അന്യന്‍ നല്‍കുന്ന 

സുഖലോലുപതയുടെയും 

ആഢംബരത്തിന്റെയും 

സൗജന്യത്തിന്റെയും

പേരല്ല 

ആത്മീയത, അന്വേഷണം.

*******

സത്യം പറഞ്ഞ്‌ തുടങ്ങുമ്പോഴേക്കും 

കളവ് അധികാരം നേടിയിരിക്കും. 

കപടന്‍ കൈയടിച്ച് 

അധികാരത്തില്‍ 

കൂടെ ഇരിക്കുന്നുമുണ്ടാവും.

********

നിലപാടുള്ളവർ ഒറ്റപ്പെടും, 

വിമര്‍ശിക്കപ്പെടും, അവഗണിക്കപ്പെടും.

അപ്പോൾ പരിഹാരം? 

നിലപാട് ഇല്ലാതിരിക്കുക.