രണ്ട് ടീമും തോറ്റ്‌, രണ്ടും ജയിക്കുന്ന കളി.

ഏവർക്കും ഒരുപോലെ മനസ്സിലാവുന്ന

ഒരേയൊരു കലാസൃഷ്ടി. ഭക്ഷണം.

നല്ല പാചകം നല്ല ജീവിതം. 

നല്ല കലാകാരന്‍ നല്ല പാചകക്കാരന്‍.

********

രാഷ്ട്രീയം. 

വന്യമൃഗങ്ങള്‍ക്ക് 

മാൻപേടയുടെ കണ്ണിലെ 

ലാവണ്യവും നിഷ്കളങ്കതയും 

കാണാൻ എവിടെ സാവകാശം? 

എങ്ങിനെ അവര്‍ക്കത് ആസ്വദിക്കാനാവും?

*******

രോഗിയായ വൃദ്ധയെ 

ആശുപത്രിയിലേക്ക് എടുത്ത്കൊണ്ട്‌ പോയ 

ഓട്ടോഡ്രൈവർക്ക് 

ശവമായി തിരിച്ച് വന്നപ്പോൾ 

കാണാന്‍ പറ്റില്ല പോല്‍. 

എന്താ പറയുക?

*******

ഉള്ളതിന്റെ ഉടമസ്ഥത ഇല്ലായ്മക്ക്. 

ഇല്ലായ്മയുടെത് ഉണ്മക്ക്. 

കറുപ്പിന്റെത് വെളുപ്പിന്. 

വെളുപ്പിന്റെത് കറുപ്പിന്. 

പേരെന്ത് വിളിച്ചാലും

********

രണ്ട് ടീമും തോറ്റ്‌, 

രണ്ടും ജയിക്കുന്ന കളി. 

അതാണ് ദാമ്പത്യം. 

രണ്ടാളും തോറ്റ്, 

തോല്‍ക്കാത്തത് പോലെ നിന്ന്, 

രണ്ടാളും ജയിക്കുന്ന കളി.

******

പ്രണയം. 

പുരുഷൻ ശരീരത്തെ മാത്രം 

പ്രണയിക്കുന്നു, പ്രാപിക്കുന്നു. 

ഇത് വിവാഹിതയായ 

ഓരോ സ്ത്രീയും 

അറിയുന്നു, ഭയക്കുന്നു.