പ്രണയം: ആദ്യമാദ്യം കിരീടമെന്ന് തോന്നും. പിന്നെപ്പിന്നെ കുരിശാവും.

ആദ്യമാദ്യം കിരീടമെന്ന് തോന്നും. 

പിന്നെപ്പിന്നെ കുരിശാവും. 

പ്രണയം, വിവാഹം. 

ആ പ്രണയം വെച്ച്, 

ആ വിവാഹം വെച്ച്

ഒരാണും പെണ്ണും 

ജീവിതകാലം മുഴുക്കെ 

ഒരുമിച്ച് ജീവിക്കാൻ 

തീരുമാനിക്കുന്നത്. 

മഹാഅബദ്ധം. 

പിന്നെയവർ എങ്ങിനെയൊക്കെയോ

ഒരുമിച്ചു ജീവിക്കുന്നത്. 

മഹാത്ഭുതം. 

ഭൂരിപക്ഷത്തിനും 

അവർ പോലുമറിയാത്ത, അവരാരും 

പ്രത്യക്ഷത്തിൽ സമ്മതിക്കാത്ത 

ലൈംഗികത മാത്രം കാരണമായുണ്ടാവുന്ന 

പ്രണയം, തീരുമാനം, വിവാഹം. 

പിന്നെപ്പിന്നെ 

ലൈംഗികത കൊണ്ട് മാത്രം 

മുന്നോട്ട് പോകാത്ത 

പ്രണയം, തീരുമാനം, വിവാഹം.

******

അതേ...

അതാണ്, അവിടെയാണ് 

ശരിയായ തിരിച്ചറിവും മോക്ഷവും.

ഒന്നുമില്ല, 

ഒരു കുന്തവുമില്ല ജീവിതത്തിൽ, 

അല്ലെങ്കിൽ ജീവിതം കൊണ്ട് 

എന്നറിയുന്നതാണ് 

യഥാർത്ഥ തിരിച്ചറിവും മോക്ഷവും.