ജയ് ശ്രീറാം വിളിയും അല്ലാഹു അക്ബർ വിളിയും.

സ്ഥാനം തെറ്റി സമയം തെറ്റി വരുന്ന എല്ലാം തിന്മ. 

ആവശ്യത്തിന് സ്ഥാനത്ത് സമയത്ത് വരുന്നത് നന്മ, ഭക്ഷണം, മരുന്ന്. 

അനാവശ്യവും അസ്ഥാനവും മരുന്നിനെയും ഭക്ഷണത്തെയും വരെ തിന്മയും വിഷവും ആക്കും. 

പിന്നെയാണോ സ്ഥാനംതെറ്റി സമയംതെറ്റി വരുന്ന ജയ് ശ്രീറാം വിളിയും അല്ലാഹു അക്ബർ വിളിയും തിന്മയല്ലാതാവുന്നത്?

ജീവരക്തം ജീവരക്തമാകുന്നത് അതുള്ളിൽ ഒഴുകുമ്പോൾ. 

അതേ രക്തം പുറത്തൊഴുകിയാൽ വൃത്തികേട്, ഭീതിജനകം. 

ഇതുപോലെ തന്നെ വിശ്വാസങ്ങൾ. ഇതേപോലെ തന്നെ ജയ് ശ്രീറാം വിളിയും അല്ലാഹു അക്ബർ വിളിയും.

അതുള്ളിലിരിക്കേണ്ടത്. 

ഓരോരുത്തൻ്റെയും ബോധ്യതയും സാധ്യതയും പോലെ. 

പുറത്ത് പറയാൻ മാത്രമുള്ള ബോദ്ധ്യതയും വ്യക്തതയും ആർക്കുമില്ല. 

എന്നിരിക്കെ ഉള്ളിലിരിക്കേണ്ടത് പുറത്തൊഴുക്കി അക്രമവും വിഭജനവും ഉണ്ടാക്കുന്ന മത രാഷ്ടീയ നേതൃത്വം വെറും പിശാചുക്കൾ. 

ധർമ്മം എന്ന പഞ്ചസാരപ്പേരിട്ട് അവർ അധർമ്മം എന്ന മുളക്പൊടി കാറ്റിൽ പറത്തി ചുറ്റുപാടുള്ള മുഴുവർക്കും വേദനയും എരിച്ചിലും മാത്രം നൽകുന്നു.