ഭരണാധികാരികളിൽ ആരാണിവിടെ പാവകളല്ലാത്തത്?

ഭാരതീയതയിലും ഹൈന്ദവതയിലും 

വിശ്വസിക്കുന്നു, അഭിമാനം കണ്ടെത്തുന്നു. 

പക്ഷേ, ഇവിടെയുള്ള 

രാഷ്ട്രീയത്തേയും 

രാഷ്ട്രീയ നേതൃത്വത്തെയും 

കാണുമ്പോൾ തനിയേ 

അരാജകവാദിയായിപ്പോകുന്നു.

******

വ്യാജൻമാർ നാട് ഭരിക്കുമ്പോൾ 

ആ നാട്ടിലെ സത്യസന്ധമാർ എന്താവും? 

അവർ വ്യാജന്മാരും 

രാജ്യദ്രോഹികളും ആവും.

******

ഭരണാധികാരികളിൽ 

ആരാണിവിടെ പാവകളല്ലാത്തത്? 

ഇല്ലാത്ത സർട്ടിഫിക്കറ്റും 

വിദ്യാഭ്യാസവും 

ഉണ്ടെന്ന് പറയുന്നവരോ? 

എല്ലാവരും 

അവരവരുടെ പാർട്ടികളുടെ 

പാവകൾ തന്നെ. 

വായാടികൾ ആയത് കൊണ്ടും, 

വെറും വാചകക്കസർത്ത് 

നടത്തുന്നത് കൊണ്ടും 

ആരും പാവകൾ ആവാതിരിക്കില്ല.

******

മിക്കവാറും ഭരണാധികാരികൾ 

നാട്ടിലെ കുഴപ്പങ്ങൾ ഇല്ലാതാക്കാൻ ശ്രമിക്കും. 

കുഴപ്പങ്ങൾ ഇല്ലാതാക്കി വളരും, 

നാടിനെ വളർത്തും. 

വളരേ ചുരുക്കം ഭരണാധികാരികൾ 

നാട്ടിൽ കുഴപ്പങ്ങൾ ഉണ്ടാക്കും. 

അത്തരം ചില ഭരണാധികാരികൾ 

വളരുന്നതും നിലനിൽക്കുന്നതും 

കുഴപ്പങ്ങൾ കൊണ്ട് മാത്രം, 

നാടിനെ നശിപ്പിച്ച് കൊണ്ട് മാത്രം.

*******

സ്ഥാനവും വരുമാനവുമാണ് 

പ്രധാനമെങ്കിൽ, 

സത്യവും മാർഗവും കൈവിട്ടുപോകും. 

വിവരക്കേടിൻ്റെ ആളായി നിന്നാൽ 

വിവരക്കേട് കമ്മിറ്റിയിലെ 

മെമ്പറും പ്രസിഡൻ്റുമാവും. 

വിവരംകെട്ട സമൂഹത്തിന് കൂട്ട്നിന്നാൽ 

ആ വിവരംകെട്ട സമൂഹത്തിൻ്റെ 

നേതാവും പ്രസിഡൻ്റുമാവും. 

സംഗതി എളുപ്പമാണ്.

******

എല്ലാറ്റിലും എല്ലായിടത്തും 

തൻ്റെ ചിത്രം വേണമെന്നും 

ഉണ്ടെന്നും ഉറപ്പുവരുത്തുന്ന 

ഭരണാധികാരി, 

നാടിൻ്റെ പല വിവരങ്ങളും  

ചോർന്നു പോകുന്നതും 

ഭരണപരാജയവും 

അറിയാതെ പോകുന്നുവോ, 

അവയുടെ ഉത്തരവാദിത്തം 

ഏറ്റെടുക്കാതെ പോകുന്നുവോ?

*****

നിങൾ തന്നെ ഒന്നോർത്തു നോക്കൂ... 

എപ്പോഴെങ്കിലും നിങ്ങൾക്ക് പോലും ഭരണാധികാരിക്കും ഭരണകൂടത്തിനും എതിരേ ശരിക്കും പറയേണ്ട വ്യക്തമായ വാക്കുകളും വാർത്തകളും ഇത് പോലെ forward ചെയ്യാനും പറയാനും സാധിക്കുന്നുണ്ടോ?

ഇല്ല.

എന്നാൽ ഭരണാധികാരിക്കും ഭരണകൂടത്തിനും എതിരേ ന്വായമായും നിൽക്കുന്നവർക്കെതിരെയോ 

എത്രയുമെത്രയും..

എന്താണ് കാരണം?

നമ്മളും നമ്മളറിയാതെ ഭരണാധികാരിയുടെയും ഭരണകൂടത്തിൻ്റെയും  കെണിയിലും അജണ്ടയിലും വീണിരിക്കുന്നു. 

അത്ര തന്നെ. 

നമ്മളത് പുറത്ത് സമ്മതിക്കില്ലെങ്കിലും ...

എന്തുകൊണ്ടോ ഭരണം കൊണ്ടും പ്രവൃത്തി കൊണ്ടും വാക്കുകൾ കൊണ്ടും ഇത്രയൊക്കെ മോശമായിട്ടും ഭരണാധികാരിയെയും ഭരണകൂടത്തേയും വിമർശിക്കാൻ നാവ് പൊങ്ങില്ല .....

ഭരണാധികാരിയും ഭരണകൂടവം വ്യാജവാർത്തകൾ സത്യത്തേക്കാൾ ഭംഗിയോടെ, വിശ്വാസ്യത ഉണ്ടാക്കി പ്രചരിക്കുന്ന നാടാണ് നമ്മുടെ നാട്. 

ഭരണാധികാരിയും ഭരണകൂട പാർട്ടിയും തന്നെ അതിന് നേതൃത്വവും നൽകുന്നു.

******

പട്ടികള്‍ പരസ്പരം ഉണര്‍ത്തുന്നു. 

'എന്ത് ക്രൂരതകളും കുറ്റങ്ങളും ചെയത് അധികാരവും സ്ഥാനവും സൂക്ഷിക്കുക. അല്ലേല്‍ ഏതെങ്കിലും പട്ടിയല്ലാത്തവന്‍ അവിടെ വന്നിരിക്കും'. 

അങ്ങനെ ഇപ്പോൾ എല്ലാ സ്ഥാനങ്ങളിലും പട്ടികള്‍ മാത്രം.