ജീവിതം ശൂന്യതയുടെമേലുള്ള അടയിരിപ്പാണ്.

ജീവിതം, 

അതാരുടെതായാലും 

ശൂന്യതയുടെമേലുള്ള 

അടയിരിപ്പാണ്. 

ഒന്നുമില്ലെന്നറിഞ്ഞുകൊണ്ട്, 

എന്തെങ്കിലും അർത്ഥം 

കൃത്രിമമായുണ്ടാക്കാനുള്ള 

അടയിരിപ്പ്. 

ജോലിയും അധികാരവും 

സാഹിത്യവും ചിന്തയും 

പ്രശസ്തിയും ഒക്കെയായി.

******

അങ്ങനെ, പ്രത്യേകിച്ചും

ഓരോ പുരുഷനും 

ഗൗരവം നടിച്ച് 

അടയിരിക്കുന്നത് 

താനനുഭവിക്കുന്ന 

ശൂന്യതയുടെ പുറത്താണ്. 

കവിതയും അധികാരവും 

ചിന്തയും ജോലിയും ഒക്കെയായ്.

*****

പൂക്കുന്നു, കായ്ക്കുന്നു, 

മൂക്കുന്നു, പഴുക്കുന്നു, 

ചീയുന്നു, ഇല്ലാതാവുന്നു. 

ഇത്ര തന്നെ, 

ഇത് പോലെതന്നെ 

മനുഷ്യജീവിതവും. 

ഒരു സ്ഥിരതയുമില്ല, 

ഒന്നും സ്ഥിരമായില്ല. 

ഈ ഞാൻ നീ ബോധവും 

സ്ഥിരമല്ല, 

സ്ഥിരമായുള്ളതല്ല.