അധികാരം നേടുന്നവൻ മനസ്സാക്ഷിയെ വിൽക്കുന്നു.

 പൂക്കുന്നു, 

കായ്ക്കുന്നു, 

മൂക്കുന്നു, 

പഴുക്കുന്നു, 

ചീയുന്നു, 

ഇല്ലാതാവുന്നു. 

ഇത്ര തന്നെ, 

ഇത് പോലെതന്നെ 

മനുഷ്യജീവിതവും. 

ഒരു സ്ഥിരതയുമില്ല, 

ഒന്നും സ്ഥിരമായില്ല. 

ഈ ഞാൻ നീ ബോധവും 

സ്ഥിരമല്ല, 

സ്ഥിരമായുള്ളതല്ല.

******

മനസ്സാക്ഷിയുടെ ലോകത്ത് 

വിജയിക്കുന്നവൻ 

സമൂഹത്തിൻ്റെയും അധികാരത്തിൻ്റെയും ലോകത്ത് 

പരാജയപ്പെടുന്നു. 

അധികാരം നേടുന്നവൻ

മനസ്സാക്ഷിയെ വിൽക്കുന്നു. 

അധികാരമില്ലാത്തുവന് 

മനസ്സാക്ഷിയെ വിൽക്കേണ്ടി വരുന്നില്ല.

******

അപരിചിതയായിരിക്കാൻ കഴിഞ്ഞാൽ 

എല്ലാം എപ്പോഴും 

പുതിയത് തന്നെയായിരിക്കും. 

എല്ലാം സ്വയം 

പുതിയതായിത്തീരും.

******

കാലേക്കൂട്ടി മനസ്സിലാക്കാനുള്ള 

ബോധവും ബുദ്ധിയുമൊന്നും 

തീവ്രതയും അസഹിഷ്ണുതയും മാത്രം 

ആയുധമാക്കുന്നവർക്ക്, 

പ്രത്യേകിച്ചും പൗരോഹിത്യത്തിന് 

ഉണ്ടാവില്ല.