തമ്മിലടിപ്പിക്കുന്നത് വിദേശികളാണോ? അതല്ല, നമ്മുടെ ആളുകൾ തന്നെയോ?

ഇപ്പോൾ നമ്മളെ തമ്മിലടിപ്പിക്കുന്നത് വിദേശികളാണോ, അതല്ല നമ്മെ ഭരിക്കുന്ന നമ്മുടെ ആളുകൾ തന്നെയാണോ?

ഒന്ന് ചിന്തിച്ചു നോക്കു.....

******

നമ്മളെ തമ്മിലടിപ്പിക്കുന്നതല്ലാത്ത ഒരു വിഷയവും നമ്മളെ ഭരിക്കുന്നവർക്ക് പറയാനേ ഇല്ല.

******

നമ്മുടെ നാട്ടുകാരായ നമ്മുടെ ഭരണകർത്താക്കളും ഭരണകൂടവും തന്നെ നമ്മെ ഭിന്നിപ്പിക്കുന്നതിൽ മുൻകൈ എടുത്താൽ വേലി തന്നെ വിളവ് തിന്നുന്നത് പോലെയാവില്ലേ?

എന്നിട്ട്, വെറും വെറുതെ ശ്രദ്ധ തിരിച്ചുവിടാൻ മാത്രം എന്തിനും പുറത്തേക്ക് കൈചൂണ്ടിയിട്ട് എന്ത് കാരൃം?

പാവപ്പെട്ട, വിവരംകെട്ട ജനങ്ങളെ പറ്റിക്കുന്ന കോലത്തിൽ...

******

ബാത്ത് റൂമിൽ വഴുക്കി വീണാലും വിദേശം, അയൽവാസി.

സ്വയം മദ്യപിച്ച് കാപാലികനായി, ഉത്തരവാദിത്തബോധമില്ലാതെ പെരുമാറുക. 

സ്വന്തം മാതാവിനെ വരെ തല്ലുക. 

ചെയ്യേണ്ടതൊന്നും ചെയ്യാതിരിക്കുക.

എന്നിട്ട് എന്ത് ചോദ്യം വന്നാലും കൈകൾ അയൽപക്കത്തേക്കും പുറത്തേക്കും ചൂണ്ടുക. പ്രത്യേക ഭരണകൂട രീതി.

*******

ഒരു മകനെന്ന നിലക്കും പിതാവും സഹോദരനും ഭർത്താവും എന്ന നിലക്കും ചെയ്യാവുന്ന ഒന്നും ചെയ്യാതിരിക്കുക. 

എന്നിട്ട് ആരെങ്കിലും  ചോദ്യം ചെയ്യുമ്പോൾ ഉത്തരമായി വിദേശത്ത് ചൂണ്ടി, അയൽപക്കത്തെ കാണിച്ച്, ആരെയൊക്കെയോ കുറ്റം പറഞ്ഞ് രക്ഷപ്പെടുക.

*****

ഒരു ഭരണകൂടം അമ്പേ പരാജയപ്പെടുന്നുവെന്ന് മനസ്സിലാകുന്നതെപ്പോൾ? 

ആ ഭരണകൂടം സ്വന്തം നാട്ടുകാരെ തമ്മിൽ തല്ലിക്കുമ്പോൾ.