നമ്മുടെ ഇംഗ്ലണ്ടും പോയി.

നമ്മുടെ ഇംഗ്ലണ്ടും പോയി.

കിട്ടിയ പെനാൽടി കളഞ്ഞവരെ കുറിച്ച് എന്ത് പറയാൻ?

ഇവർ ഇങ്ങനെയാണ്, എപ്പോഴും.

എന്നും ഏറ്റവും നല്ല ടീമുമായി വരും. ഏറ്റവും നന്നായി കളിക്കും 

ഫൈനലിനേക്കാൾ നല്ല മാച്ചും കളിയും ക്വാർട്ടറിൽ കളിക്കേണ്ടി വന്ന്, കളിച്ച് തോറ്റ് അവരങ്ങു പുറത്താകും.

സന്ധ്യയോളം വെള്ളം കോരി സന്ധ്യക്ക് കുടം ഉടക്കുന്ന അവരുടെ സ്ഥിരം പരിപാടി...

അല്ലെങ്കിലും എല്ലാവരും പറയും പോലെ നമ്മൾ പിന്തുണച്ചാൽ ആ ടീം പുറത്താകുന്നതാണോ? കോടാനുകോടികളിൽ നമ്മളും അങ്ങനെ പ്രസക്തമാകുന്നതാണോ?

അതുകൊണ്ട് ബെൽജിയം, ഹോളണ്ട്, ഇംഗ്ലണ്ട്. എല്ലാവരും ക്രമത്തിൽ പുറത്തായി.

ജർമ്മനിയും സപൈനും ബ്രസീലും എല്ലാം പോയി.

എന്തായാലും ഇനിയങ്ങോട്ട്, എല്ലാവരുടെയും സമ്മതത്തോടെ വളരേ വിദൂര സാധ്യതയുള്ള, എന്നാൽ ഇപ്പോൾ സാമാന്യം തെറ്റില്ലാത്ത സാധ്യത കാണുന്ന ക്രൊയേഷ്യ-മൊറോക്കോ ഫൈനൽ സ്വപ്നം കാണാം. 

എന്നിട്ട്?

മൊറോക്കോ കപ്പ് നേടുന്നതും സ്വപ്നം കാണാം. 

എന്തും സ്വപ്നം കാണാൻ ഒരു വിരോധവും ആർക്കും ഉണ്ടാവില്ലല്ലോ?

കപ്പ് നേടാൻ കൂടുതൽ സാധ്യത ഫ്രാൻസിന് തന്നെയാണെങ്കിലും...

സാധ്യത എന്തെങ്കിലും ആവട്ടെ... 

ആഗ്രഹം ഒരു ആഫ്രിക്കൻ രാജ്യമായ മൊറോക്കോ ആവട്ടെ. ഇതാദ്യമായി..... 

നിലവിൽ ഏഷ്യൻ രാജ്യങ്ങൾ ഒന്നും മത്സരത്തിന് ഇല്ലാത്ത സ്ഥിതിക്ക് പ്രത്യേകിച്ചും. 

മുൻപ് കൊറിയയിൽ വെച്ച് നടന്ന ലോകകപ്പിൽ കൊറിയ മൂന്നാം സ്ഥാനം നേടിയ നല്ല ഓർമ്മയുടെ ഓരം ചേർന്നു കൊണ്ട് ഇങ്ങനെയൊരു ആഗ്രഹം കൊണ്ടുനടക്കാൻ നല്ലൊരു കുളിരുണ്ട്