ജീവിതം മൈനസുകളുടെത് മാത്രമാവും.

ലക്ഷ്യമില്ലാതെ പാഴായിപ്പോകുന്ന  ജീവിതത്തെ പറ്റി ആവലാതിപ്പെടാതിരിക്കുക.  

പകരം പാഴായിപ്പോകുന്ന പ്രാപഞ്ചികതയില്‍ നിഴലിട്ട് ആശ്വാസം നേടുക.

******

അര കൂട്ടണം അര ഒന്നല്ല. 

പകരം മൈനസ് രണ്ട്.

നിങൾക്ക് ഒരു ഒന്ന് വേണമെങ്കിൽ ഒരു ഒന്ന് തന്നെ പൂർത്തിയാക്കുക, ഒരു മുഴവൻ ഒന്ന് കണ്ടെത്തുക. അല്ലാതെ കുറേ അരകൾ അല്ല. കുറേ പകുതികൾ അല്ല.

അറിഞ്ഞും അറിയാതെയും കുറേ അരകൾ ആണ് നിങൾ മിക്കവാറും പൂർത്തിയാക്കുന്നത്. ഒരു മുഴുവൻ ഒന്നല്ല. 

പാതിവഴിയിൽ ഉപേക്ഷിക്കുന്ന ശ്രമങ്ങൾ ആണ് മിക്കവാറും നിങൾ നടത്തുക. ജീവിതം മുഴുവൻ. 

അങ്ങനെ കുറേ പാതിശ്രമങ്ങൾ. 

മുഴുവൻ ശ്രമങ്ങൾ എന്ന് നിങൾ അറിയാതെ തെറ്റിദ്ധരിക്കുന്ന, വിളിക്കുന്ന കുറേ പാതിശ്രമങ്ങൾ. കുറേ അരകൾ.

രണ്ട് അരകൾ, അല്ലെങ്കിൽ ഒരു കുറേ അരകൾ ഒന്നിച്ചുചേർന്നാൽ ഒരു മുഴുവൻ ഒന്ന് വരില്ല, ഉണ്ടാവില്ല. 

കോഴിമുട്ട വിരിയാൻ വേണ്ടതിൻ്റെ പകുതി ദിവസങ്ങൾ പോര. തുടർച്ചയായ മുഴുവൻ ദിവസങ്ങൾ തന്നെ വേണം. അല്ലെങ്കിൽ നിങ്ങളുടെ മുട്ട നശിച്ച് വെറുതെ ആയിപ്പോകും.

ഒരു ഒന്ന് കിട്ടാൻ ഒരു ഒന്ന് തന്നെ പൂർണമായും വേണം. പൂർണദൂരം തന്നെ നിങൾ നടക്കണം.

കണക്കിൽ അര കൂട്ടണം അര ഒന്ന് എന്ന് നിങ്ങൾക്ക് ഉത്തരം വന്നേക്കും, തന്നേക്കും.

പക്ഷേ പ്രായോഗിക ജീവിതത്തിൽ മിക്കവാറും രണ്ട് അരകൾ ഒന്നല്ല. അരയും അരയും കൂട്ടിയാൽ ഒന്ന് വരില്ല.

പ്രായോഗിക ജീവിതത്തിൽ അര കൂട്ടണം അര ഒന്നല്ല. 

ഇത് മിക്കവാറും ആരും അറിയാതെ പോകുന്ന, എന്നാൽ എല്ലാവരേയും നിരാശപ്പെടുത്തുന്ന അറിവ്. ആരും ശ്രദ്ധിക്കാത്ത അറിവ്.

പ്രായോഗിക ജീവിതത്തിൽ അര കൂട്ടണം അര മൈനസ് രണ്ടാണ്. 

രണ്ട് അരകൾ കൊണ്ട് രണ്ടിന് വേണ്ട അധ്വാനവും സമയവും പോകും. 

ഒരു ഒന്ന് കിട്ടുകയും ഇല്ല. 

ശരിക്കും എത്തേണ്ടിടത്ത് എത്തില്ല.

തുടങ്ങിയ ഇടത്ത് തന്നെ ഉണ്ടാവും.

കാരണം മറ്റൊന്നുമല്ല. 

ബോംബെയിൽ പോകേണ്ട നിങൾ യാത്ര തുടങ്ങി എത്ര പ്രാവശ്യം പകുതിക്ക് വെച്ച് മടങ്ങി തിരിച്ചുവന്നാലും ഒരു പ്രാവശ്യം ബോംബെയിൽ എത്തില്ല.

ഒരു പ്രാവശ്യം അര ചെയ്ത് പാതിവഴിയിൽ വെച്ച് മടങ്ങി തിരിച്ചെത്തുമ്പോൾ ഓരോരുത്തനും ഒരു മുഴുവൻ ഒന്നിന് വേണ്ട സമയവും അധ്വാനവും ചിലവാക്കും. 

അങ്ങിനെ, എത്രയും അരകൾ ചെയ്യുന്നുവോ അത്രയും ഒന്നുകളുടെ സമയവും അധ്വാനവും ചിലവാകും. 

ഓരോ പ്രാവശ്യവും പാതിവഴിയിൽ വെച്ച് മടങ്ങുന്നതിനാൽ അത്രയും ഓരോന്നുകൾ പൂർത്തിയാവുകയും ഇല്ല. 

അത്രയും മൈനസ് ഒന്നുകൾ ഉണ്ടായിക്കൊണ്ടിരിക്കുകയും ചെയ്യും.

ജീവിതം മൈനസുകളുടെത് മാത്രമാവും.