അപ്പോഴാണ് ഓരോരുത്തരും വ്യത്യസ്തവും അപൂർവ്വവും ആവുന്നത്.

എല്ലാവർക്കും വേണ്ടി, എല്ലാ കാലത്തേക്കും വേണ്ടി ആർക്കും എല്ലാം (ഒരുപക്ഷേ ഒന്നും തന്നെ) പറഞ്ഞുവെക്കാൻ സാധിക്കില്ല, സാധിക്കേണ്ടതില്ല. 

അതിനാൽ തന്നെ അച്ചട്ട് പോലെ മുൻ കടന്നുപോയ ആരെയും അനുസരിക്കരുത്, അനുസരിക്കാൻ പറ്റരുത്. 

അപ്പോഴാണ് ഓരോരുത്തരും അവരുടെ വ്യക്തിത്വം കാണിക്കുന്നത്. 

അപ്പോഴാണ് ഓരോരുത്തരും വ്യത്യസ്തവും അപൂർവ്വവും ആവുന്നത്. 

പറ്റുന്നുവെങ്കിൽ മാത്രം, പറ്റുന്നത്ര മാത്രം എന്തും സ്വീകരിക്കുക. 

******

ജീവിതം ജീവിതത്തിൻ്റെ സ്വഭാവം കൊണ്ട് അനിശ്ചിതമാണ്. 

എന്നുവെച്ച് നമ്മളായി ജീവിതത്തെ ഒന്നുകൂടി അനിശ്ചിതമാക്കേണ്ടതില്ല. 

അതുകൊണ്ടാണല്ലോ നമ്മൾ നമ്മുടേതായ ശ്രദ്ധയും കരുതലും മുൻകരുതലും എടുക്കുന്നത്. 

ആരും പ്രയാസവും അപകടവും ആഗ്രഹിക്കില്ലല്ലോ?

******

മതേതരത്വവും സഹിഷ്ണുതയും പുറംപൂച്ചിന് പറയുന്ന മതതീവ്രവാദിയുടെ ഉള്ളിലെ അസഹിഷ്ണുത എങ്ങനെ വെളിപ്പെടും? 

അവൻ ആരെയെല്ലാം സഹിച്ചാലും, സ്വസമുദായത്തിൽ നിന്നുള്ള വേറിട്ട ചിന്താഗതിക്കരനെ സഹിക്കില്ല. 

ബന്ധുവായാലും സുഹൃത്തായാലും അയൽവാസിയായാലും, വീട്കൂടലിനും മക്കളുടെ കല്യാണത്തിനും വരെ വേറിട്ട് ചിന്തിക്കുന്നവനെ അവഗണിക്കും. 

കണ്ടില്ലെന്ന് നടിച്ച് തമാസ്കരിക്കും, അങ്ങനെ തമസ്കരിക്കാൻ മറ്റുള്ളവരോട് ആവശ്യപ്പെടും.

വിശ്വാസം മാറുന്നവന് വധശിക്ഷ എന്ന മതവിധി അവൻ്റെ ഉള്ളിൽ അതിന് രഹസ്യമായി ന്യായവും കരുത്തും നൽകും