ജീവിക്കുന്നു എന്നുറപ്പിക്കാൻ ജീവിതം.

ഇതാണ് 'ഞാൻ', അതാണ് 'ഞാൻ' എന്ന ധാരണ, 

എന്ന് വരുത്തിത്തീർക്കാനുള്ള നിൻ്റെ  ശ്രമം, 

അത് തന്നെ നിന്നെ കുടുക്കുന്നു. 

സ്വയം സ്ഥാപിച്ച് തിരിച്ചറിയാനുള്ള ശ്രമങ്ങൾ തന്നെ 

ഫലത്തിൽ നിൻ്റെ ജീവിതവും ജീവിതത്തിൽ ചെയ്യുന്ന ഏല്ലാ തൊഴിലുകളും...

****

നിങൾ എങ്ങിനെ സങ്കല്പിക്കുന്നുവോ അങ്ങനെയാണ് നിങ്ങളുടെ ദൈവം. 

നിങൾ എങ്ങിനെ പ്രാപിക്കുന്നുവോ അങ്ങനെ തന്നെ നിങ്ങൾക്ക് ദൈവത്തെ പ്രാപിക്കാം. 

നിഷേധിച്ചും വിശ്വസിച്ചും ദൈവത്തെ പ്രാപിക്കാം.

വേണ്ടെന്ന് വെച്ചാലും നിങൾ ദൈവത്തോടൊപ്പം തന്നെ.

എല്ലാം ഒരുപോലെ ശരി. 

നിങ്ങളുടെ വഴി മാത്രമാണ് ശരിയെന്ന് പറയാതിരുന്നാൽ മാത്രം മതി. 

അങ്ങനെ 'മാത്രം' പറഞാൽ അത് മാത്രം തെറ്റ്.

******

ദൈവം നിങ്ങളിലേക്ക് ചുരുങ്ങും. 

അതുകൊണ്ട് ദൈവത്തെ എങ്ങിനെയും കാണാം, സങ്കല്പിക്കാം, പ്രാപിക്കാം. 

ദൈവത്തിലേക്ക് എങ്ങിനെയും വികസിക്കാം. 

അതുകൊണ്ട് ദൈവത്തെ എങ്ങിനെയും കാണാതിരിക്കാം, സങ്കല്പിക്കാതിരിക്കാം.

*****

മരിക്കാനും മരിക്കുന്നതിലുമല്ല യഥാർഥത്തിൽ ആർക്കും പേടിയും വിഷമവും. 

'ഞാൻ' ഇല്ലാതാവും എന്നതിലാണ്. 

'ഞാൻ' ഇല്ലാതാവും എന്ന് കരുതിപ്പോകുന്നതിനാലാണ്. 

'ഞാൻ' തുടരുന്നതാണെങ്കിൽ മരിക്കാനെന്തിന് വിഷമിക്കണം, പേടിക്കണം?

****

തിന്നുക, കുടിക്കുക, ഉറങ്ങുക - ജീവിതം. 

അങ്ങനെ തിന്നാനും കുടിക്കാനും ഉറങ്ങാനും വേണ്ടി എന്തൊക്കെയോ അറിയുക, പഠിക്കുക, പറയുക ചെയ്യുക - ജീവിതം. 

ജീവിക്കുന്നു എന്നുറപ്പിക്കാൻ ജീവിക്കുക - ജീവിതം.

*****

യഥാർഥത്തിൽ ഇല്ലാത്ത ഒന്നിനെ, യഥാർഥത്തിൽ ഇല്ലാതിരുന്ന ഒന്നിനെ ഒന്നുകൂടെ ഇല്ലാതാക്കുന്നു മരണം.