പരലോകവും പുനർജന്മവും ഉണ്ടായാലെന്ത്?

പരലോകവും പുനർജന്മവും ഉണ്ടായാലെന്ത്? 

ഒന്നുമില്ല 

ജീവിതം ഇക്കാണുന്നത് പോലെ പലതായി സ്വാഭാവികമായി തുടരും.. മാറി മാറി തുടരും. അത്രതന്നെ. 

എല്ലാ ലോകവും പരലോകം. 

എല്ലാ ജന്മവും പുനർജന്മം.

അത്രതന്നെ.

****

പുനർജന്മവും പരലോകവും ഉണ്ടാവുന്നുവെങ്കിൽ ഉണ്ടാവട്ടെ.

പക്ഷേ അത് ഇന്നിലെ എന്നെ ഇപ്പോലെ തന്നെ രക്ഷിക്കാനും ശിക്ഷിക്കാനും തന്നെ എന്ന് വരുമ്പോഴും പറയുമ്പോഴും ആണ് പ്രശ്നം.  

അതുകൊണ്ട് മാത്രമാണ് പലർക്കും ഇത്രയ്ക്ക് ശക്തിയുക്തം നിഷേധിക്ക്ണ്ടി വരുന്നത്.

*****

ഹിന്ദുവിനെ നോക്കൂ.

മരിച്ചവനെ കൊണ്ടുപോകുന്ന ഒരമ്പലമോ അമ്പലപ്പറമ്പോ ഇല്ല. 

മരിച്ചവന് വേണ്ടി പ്രാർത്ഥിക്കുന്ന ഒരിടമയ അമ്പലവുമില്ല. 

മരണത്തെ പ്രാർത്ഥനയിൽ നിന്നും പൂജാകർമ്മങ്ങളിൽ നിന്നും പൂർണമായും മാറ്റിനിർത്തുന്നു. 

ബലിതർപ്പണം പോലും ഒരു വ്യക്തിയെ കേന്ദ്രീകരിച്ചല്ല. മൊത്തം ജീവിതത്തേയും പ്രാപഞ്ചികതയേയും തന്നേയല്ലാതെ. 

കൗതുകകരം.

*******

സ്ഥല കാല മാനങ്ങൾക്കും ചിന്തകൾക്കും അളവുകോലുകൾക്കും അപ്പുറത്താണ് ഉണ്ടെങ്കിൽ ഉള്ള ദൈവം.

എന്നത് കൊണ്ട് തന്നെ ദൈവത്തിന് ബാധകമായത് നമുക്ക് അറിയില്ല, ബാധകമല്ല. 

നമ്മൾ നമുക്കാവുന്നത് പോലെ, എങ്ങനെയോ അങ്ങനെയായി ചിന്തിച്ചാലും ചെയ്താലും മതി. 

ആത്യന്തികനായ ദൈവത്തെ കുറിച്ച് പറയുന്ന എല്ലാം ഒരുപോലെ തെറ്റാണ്. 

എല്ലാം ഒരുപോലെ തെറ്റായത് കൊണ്ട് വേണമെങ്കിൽ എല്ലാം ഒരുപോലെ ശരിയെന്നും പറയാമെന്ന് മാത്രം. 

ഏതെങ്കിലുമൊന്ന് മാത്രം ശരിയാവുന്ന പ്രശ്നം ദൈവവും ആത്യന്തികവുമായി ബന്ധപ്പെട്ട കാര്യത്തിൽ ആപേക്ഷികലോക വീക്ഷണത്തിൽ നിന്ന് ഉണ്ടാവുകയില്ല.

*****

മഹാഭൂരിപക്ഷവും മുൻവിധികളുടെ ലോകത്ത് തന്നെ ജീവിക്കുന്നു.

അതാകുമ്പോൾ തലവേദന ഇല്ല.

ചിന്തിക്കേണ്ട.

ചെറുപ്പത്തിൽ ഉപബോധ മനസ്സിൽ കയറ്റി വെച്ചതിന് ന്യായവും ന്യായീകരണവും വ്യാഖ്യാനവും ഉണ്ടാക്കി ജീവിച്ചാൽ മതി.