പേടിക്കുന്നവനാണ് ശക്തി കാണിക്കുക.

യഥാർഥത്തിൽ ഭർത്താക്കന്മാർ ഭാര്യമാരെയാണ് പേടിക്കുന്നത്. 

പേടിക്കുന്നവനാണ് ശക്തി കാണിക്കുക. 

പേടിയാണ് അധികാരമായും പീഢനമായും മാറുക. 

നിൽക്കക്കള്ളിയില്ലാത്ത നിസ്സഹായതയാണ്, അതുകൊണ്ടുള്ള ഒളിച്ചോട്ടവും അധൈര്യവും മറച്ചുപിടിക്കലുമാണ് അധികാരം, കോപം, പീഢനം.

*****

ബഹുമാനിച്ചു കൊണ്ടേ ഇഷ്ടപ്പെടാൻ സാധിക്കൂ. 

ഇഷ്ടം സ്വാഭാവികമായും ബഹുമാനമായി മാറും. 

ബഹുമാനമെന്നാൽ പേടിയല്ല. 

അർഹിച്ചത് നൽകുകയാണ് ഇഷ്ടവും ബഹുമാനവും. 

ബഹുമാനിക്കാതെ ഇഷ്ടപ്പെടാനും ഇഷ്ടപ്പെടാതെ ബഹുമാനിക്കാനും സാധിക്കില്ല. 

സ്നേഹമെന്ന വാക്ക് ഇതിന് വേണ്ടിയൊന്നും ഉപയോഗിക്കാതിരിക്കുക.

*****

കൂടെയുള്ളവരെ മാനിക്കാത്തവൻ, അംഗീകരിക്കാത്തവൻ യഥാർഥത്തിൽ സ്വന്തത്തെ തന്നെയാണ് മാനിക്കാത്തത്, അംഗീകരിക്കാത്തത്. 

അവൻ സ്വയം ഒരു തടവറയിലാണ്. 

ആ തടവറയുടെ ഭിത്തികളുടെ ശക്തിയാണ്, മുരുമുരുപ്പാണ് അവൻ്റെ അഹങ്കാരവും ധാർഷ്ട്യവുമായി തോന്നുന്നത്. 

അവൻ ശരിക്കും പരാജയപ്പെടുന്നവൻ.

*****

ഒരു സോറി പറഞാൽ വലിയൊരു സ്വർഗ്ഗം കിട്ടുമെങ്കിൽ സോറി പറയുന്നതാണ് നല്ലത്. 

തോറ്റുകൊണ്ട് ജയിക്കുക. 

നൂറ് ശതമാനം ശരിയായിരിക്കേയും നിങൾ തോൽക്കും, തോൾക്കേണ്ടിവരും. 

പക്ഷേ, അത് ദീർഘദൂരത്തിൽ വിജയിക്കാനെന്ന് കരുതി തോൽക്കണം. 

നഷ്ടപ്പെട്ടു നേടണം. 

ഇര നഷ്ടപ്പെട്ടു തന്നെ മീൻപിടിക്കണം.