നല്ല ബോധമുള്ളവർ വോട്ട് വരെ ചോർത്തി നാട് ഭരിക്കുന്നു. ബാക്കിയുള്ളവരെല്ലാം ബോധമില്ലാത്തവരാണ്.

 നല്ല ബോധമുള്ളവർ വോട്ട് വരെ ചോർത്തി നാട് ഭരിക്കുന്നു.

ബാക്കിയുള്ളവരെല്ലാം ബോധമില്ലാത്തവരാണ് എന്നതാണ് അവർക്ക് കിട്ടിയ ന്യായവും ഭാഗ്യവും.

അവർ ഇന്ത്യാക്കാരെ മുഴുവൻ മണ്ടന്മാരാക്കി കൊണ്ടിരിക്കുകയാണല്ലോ?

നാശം വിലകൊടുത്തു വാങ്ങുന്ന മണ്ടൻമാർക്ക് ശരിക്കും ബുദ്ധിയുള്ളവർ മണ്ടന്മാരാണെന്നും വരും.

ബലിയാടുകളെ എപ്പോഴും കിട്ടുമല്ലോ?

ബലിയാടുകളെ ഉണ്ടാക്കുന്നതിൽ ഇവർക്കുള്ള മിടുക്ക് വേറെ തന്നെയാണല്ലോ?

ഒളിഞ്ഞിരുന്ന് വ്യക്തിത്വം മറച്ച്, പിതൃത്വം ഏറ്റെടുക്കാതെ പലപേരുകളിൽ പലതും ചെയ്യുന്ന സംഘങ്ങൾക്ക് അങ്ങനെ പലതും തോന്നാം, തോന്നിപ്പിക്കാം, ചെയ്യാം, ചെയ്യിപ്പിക്കാം.

അങ്ങനെ എത്രയെല്ലാം ഫോട്ടോകൾ, ആരുടെയെല്ലാം പേരുകൾ അധികാരം കയ്യിലുള്ളവർക്ക്, അതും അക്രമങ്ങളും കലാപങ്ങളും മാത്രം അധികാരത്തിനുള്ള വഴിയും ആദർശവും ആക്കിയവർക്ക് ഒരുക്കാനും ഉണ്ടാക്കാനും സാധിക്കും?

ചുരുങ്ങിയത് ഒന്ന് ചിന്തിക്കുക: 

വോട്ട് കളവ് ആരോപണത്തിൽ നിന്നും ശ്രദ്ധ തിരിച്ചുവിടുകയും രക്ഷപ്പെടുകയും ആരുടെആവശ്യമാണ്?

മുസ്ലിംകൾക്ക് ഇന്ത്യയിൽ ഒരു രാഷ്ട്രീയ പാർട്ടിയുണ്ടോ? 

മുസ്ലിംകൾക്ക് ഇന്ത്യയിൽ രാഷ്ട്രീയനേട്ടം ഉണ്ടാക്കാനുണ്ടോ, ആക്രമണങ്ങൾ നടത്തി അധികാരം നേടാനും നിലനിർത്താനും ഉണ്ടോ?

പിന്നെ എന്ത് ലക്ഷ്യവും നേട്ടവും കൊതിച്ചാണ് മുസ്ലിംകൾ ഇത്തരം ആക്രമണങ്ങൾ നടത്തേണ്ടത്, നടത്തുന്നു എന്ന് പറയാൻ സാധിക്കുന്നത്?

ശരിയാണ്, അക്രമവും ആക്രമണവും നടത്തിയവരെ അപലപിക്കും, അപലപിക്കണം, കഠിനമായി ശിക്ഷിക്കണം.

പക്ഷേ, കാള പ്രസവിച്ചെന്ന് കേട്ട് മുസ്ലിംകൾ മുസ്ലിംകളെ തന്നെ നിർബന്ധമായും കുറ്റപ്പെടുത്തണം, അപലപിക്കണം എന്നാണോ?

ചത്തത് കീചകനെങ്കിൽ കൊന്നത് ഭീമൻ തന്നെ എന്ന് പറയും പോലെ എവിടെ എന്ത് ആക്രമണങ്ങൾ നടന്നാലും മുസ്ലിംകളാണ് പ്രതികൾ എന്ന് വിധിപറയുന്നതാണോ അപലപിക്കൽ?

അങ്ങനെ മുസ്ലിംകളാണ് പ്രതികൾ എന്ന് വിധിപറയുന്നതിലൂടെയും നേട്ടം ലക്ഷ്യമിടുന്ന, നേട്ടമുണ്ടാക്കുന്ന വിഭാഗം ഏതാണ്?

മക്കാ മസ്ജിദ്, മാലേഗാവ്, അജ്മീർ ആക്രമണ സമയത്തും ഇങ്ങനെയൊക്കെ തന്നെയായിരുന്നില്ലേ ആദ്യം നടന്നത്?

അറിയണം കുറുക്കന്മാരാണ് കോഴിക്കൂടിന് കാവൽ നിൽക്കുന്നത്.

ഗുണഭോക്താക്കൾ കുറുക്കന്മാരാണ്.

കുറുക്കന്മാരാണല്ലോ അവർക്ക് വേണ്ടത് കിട്ടാൻ വേണ്ടത്  കോഴിക്കൂടിന് ചുറ്റും ചെയ്യുക, ചെയ്യിപ്പിക്കുക?