എനിക്കെൻ്റെ രാജ്യമാണ് എൻ്റെ പാർട്ടി.

എനിക്കെൻ്റെ രാജ്യമാണ് എൻ്റെ പാർട്ടി. 

ഇന്ത്യയിൽ ഒരുകുറേ പേർക്ക് അവരുടെ പാർട്ടിയാണ് അവരുടെ രാജ്യം. 

സ്വന്തം പാർട്ടിയോടുള്ള സ്നേഹമാണ് അവർക്ക് അവരുടെ രാജ്യസ്നേഹം. 

സ്വന്തം പാർട്ടി പറയും പോലെയും നിശ്ചയിച്ചത് പോലെയും മാത്രമാണ് അവർക്ക് അവരുടെ രാജ്യസ്നേഹം. 

സ്വന്തം പാർട്ടി പറയും പോലെയും നിശ്ചയിച്ചത് പോലെയും അല്ലാത്തത് മുഴുവൻ അവർക്ക് രാജ്യദ്രോഹം.

രാജ്യത്തിന് വേണ്ടി രാജ്യം പറയും പോലെ പാർട്ടി എന്നതല്ല, പകരം പാർട്ടിക്ക് വേണ്ടി, പാർട്ടി പറയും പോലെ രാജ്യം എന്നതാണ് അവരുടെ രാജ്യസ്നേഹം.

സ്വന്തം പാർട്ടി വിഷത്തെ തേനെന്ന്  വിളിച്ചാൽ അവർക്ക് വിഷമാണ് ആണ് തേൻ. 

പിന്നീടങ്ങോട്ട് അവർ തേനിനെ വിഷമാക്കി ഏല്ലായിടത്ത് നിന്നും തൂത്തെറിയും

സ്വന്തം  പാർട്ടിയെയും നേതാക്കളെയും ആരെങ്കിലും വിമർശിച്ചാൽ അവരേയവർ രാജ്യദ്രോഹികൾ എന്ന് വിളിക്കും. 

അവർ യഥാർത്ഥ രാജ്യസ്നേഹത്തെ രാജ്യദ്രോഹമെന്ന് വിളിക്കും.

എന്നിട്ടോ? 

അവരുടേ പാർട്ടിയുടെയും നേതാക്കളുടെയും യഥാർത്ഥ രാജ്യദ്രോഹത്തെ രാജ്യസ്നേഹമെന്നും അവർ പേരിട്ട് വിളിക്കും.

*******

രാജ്യം ജനങ്ങൾക്ക് വേണ്ടിയാണ്. 

അല്ലാതെ ജനങ്ങൾ രാജ്യത്തിന് വേണ്ടിയല്ല. 

ജനങ്ങൾ തീരുമാനിച്ചുണ്ടാക്കിയ രാജ്യമാണുള്ളത്. 

രാജ്യം തീരുമാനിച്ചുണ്ടാക്കിയ ജനങ്ങളല്ല ഉള്ളത്. 

രാജ്യം സൃഷ്ടാവല്ല. 

രാജ്യം ജനങ്ങൾക്ക് വേണ്ടിയായാൽ ആ രാജ്യത്തെ ജനങ്ങൾ രാജ്യത്തിന് വേണ്ടിയും ആവും.