മനുഷ്യനെ സൃഷ്ടിച്ച ദൈവത്തിന് പൈസ കൊടുക്കാനോ?

എന്തായാലും മരിക്കും. 

ജീവിക്കുന്നവനും ജീവിപ്പിക്കുന്നവനും മരിക്കും. 

എന്തായാലും മരിക്കുമെന്നറിഞ്ഞിട്ടും 'ഞാനും ' 'നീയും' ഇല്ലാത്തതും നിൽനിൽക്കാത്തതും എന്നറിഞ്ഞിട്ടും 

എന്തിന് ജീവിക്കുന്നു? 

എന്തിന് ജീവിപ്പിക്കുന്നു? 

ചോദ്യമുണ്ട്. 

ഉത്തരമില്ല.

*******

മനുഷ്യനെ സൃഷ്ടിച്ചതിന് പൈസയും ചിലവും കൊടുക്കാനോ? 

എങ്ങിനെയാണാവോ നിങൾ ദൈവത്തെ കാണുന്നത്?

മനുഷ്യൻ്റെത് മാത്രമായ, മനുഷ്യന് വേണ്ടി മനുഷ്യൻ ഉണ്ടാക്കിയെടുത്ത, അളവുകോലും വിലയുമാണോ ആത്യന്തികനായ ദൈവത്തിന് ബാധകമായത്?

ഇതൊക്കെയാണ്, ഇങ്ങനെയൊക്കെയാണ് പുരോഹിത പണ്ഡിത വിഭാഗം വലിയ ന്യായവും യുക്തിയും പോലെ പറഞ്ഞു പറ്റിക്കുക. 

ആരോടും ചോദിക്കാതെ, ആരും ചോദിക്കാതെ, ആവശ്യപ്പെടാതെ, അങ്ങനെ ചോദിക്കാനും ആവശ്യപ്പെടാനും ആരും ഇല്ലാതിരിക്കെ ദൈവം ദൈവത്തിൻ്റെ ഇഷ്ടത്തിന് എന്തൊക്കെയോ എങ്ങനെയൊക്കെയോ ഉണ്ടാക്കിയതിന് ദൈവത്തിന് വിലയോ? 

ദൈവത്തിൻ്റെ ലോകത്ത് അല്ലെങ്കിലും എന്ത് വില, എന്ത് പൈസ?

എല്ലാം ദൈവത്തിൻ്റെതായ ലോകത്ത് വിലയും പൈസയും ഉണ്ടോ, ഉണ്ടാവുമോ, ഉണ്ടാവാൻ പാടുണ്ടോ?