ഇന്ത്യ ഇനിയങ്ങോട്ട് ബിജെപി മാത്രമേ ഭരിക്കൂ.

ഇന്ത്യ ഇനിയങ്ങോട്ട് ബിജെപി മാത്രമേ ഭരിക്കൂ. 

ഇന്ത്യയെ ഇനിയങ്ങോട്ട് ബിജെപിക്ക് മാത്രമേ ഭരിക്കാൻ സാധിക്കൂ. 

ബിജെപിയെ ബിജെപി തന്നെ നശിപ്പിക്കാത്തിടത്തോളം കാലം പ്രത്യേകിച്ചും. 

ആർഎസ്എസ് പിന്നിലുള്ളത് കൊണ്ട് അതിന് സാധ്യതയും കുറവാണ്.

വല്ലവിധേനയും ഇനിയങ്ങോട്ട് ബിജെപി പ്രതിപക്ഷത്ത് വന്നാലോ? 

ആ പ്രതിപക്ഷത്ത് വരുന്ന ബിജെപിയെ ഒരു നിലക്കും പിടിച്ചുകെട്ടാൻ തട്ടിക്കൂട്ടി വരുന്ന ഒരലമ്പ് മുന്നണിക്കും സാധിക്കില്ല.

അത്രയ്ക്ക് ശക്തമായി വികാരംകൊള്ളുന്ന, എന്തും കാട്ടുംവിധം തെരുവിലിറങ്ങാൻ തയ്യാറായി ഓങ്ങിനിൽക്കുന്ന വലിയൊരു വിഭാഗം അണികൾ ബിജെപിക്കുണ്ട്. 

അത്രയ്ക്ക് എല്ലാ മേഖലയിലും ബിജെപിക്ക് നിയന്ത്രണവും ഉണ്ട്.

അധികാരം കൊണ്ടും അല്ലാതെയും പാർട്ടിയെ വളർത്തിയ, അണികളെ വളർത്തിയ, അണികൾക്കും പാർട്ടിക്കും കൃത്യമായ, വികാരംകൊള്ളാൻ മാത്രമുള്ള കരുത്തുള്ള ലക്ഷ്യവും ലക്ഷ്യബോധവും നൽകിയ ഏക പാർട്ടിയും ബിജെപി മാത്രമാണ്.

നിങ്ങളിൽ പാപം ചെയ്യാത്തവർ കല്ലെറിയട്ടെ എന്നത് അക്ഷരാർഥത്തിൽ പ്രാവർത്തികമാക്കി ആരുടെ നേരെയും കല്ലെറിയാൻ ധൈര്യമുള്ള, പാപം ചെയ്തിട്ടില്ലെന്ന് സ്വയം വരുത്തുംവിധം ഉറപ്പുള്ള, ആ നിലക്ക് സംശുദ്ധത ഉണ്ടെന്ന് വരുത്താൻ കഴിവുള്ള ഏക പാർട്ടിയും ബിജെപി മാത്രമാണ്.