അസാധാരണത്വം കൃത്രിമമാണ്, അഭിനയമാണ്.

സാധാരണക്കാരാവുകയായാണ് പ്രധാനം.

സാധാരത്വം സൂക്ഷിക്കുന്നു എന്നതായിരിക്കണം ഏറ്റവും പ്രധാനമായ സംഗതി.

സാധാരണക്കാരാണ് എന്നത് തന്നെയായിരിക്കട്ടെ ആരുടെയും എപ്പോഴുമുള്ള വിശേഷണവും പ്രത്യേകതയും. 

സാധാരണത്വത്തിലാണ് ആരുടെയും മഹത്വം. 

സാധാരണമാണ്, സാധാരണമായിരിക്കണം ദൈവം, ദിവ്യത്വം. എല്ലാവർക്കും എല്ലായിടത്തും എപ്പോഴും ഒരുപോലെ.

അസാധാരണത്വം കൃത്രിമമാണ്, അഭിനയമാണ്.

അസാധാരണത്വം അഭിനയം കൊണ്ടാണ്, ഏറെ നിലനിൽക്കാത്തതാണ്.

അസാധാരണത്വം ഏറെ ശ്രമിച്ച് മാത്രം നിലനിൽക്കുന്നതാണ്, തീർത്തും താൽകാലികമാണ്. 

എല്ലാവരും ആദ്യാവസാനം സാധാരണതയിൽ നിന്നാണ്.

എല്ലാവരും ആദ്യാവസാനം സാധാരണതയിൽ മാത്രം നിലനിൽക്കുന്നു, തിരിച്ചെത്തുന്നു.

*******

ഏതോ കാലത്തെ ഏതോ ചിലർ മാത്രം ദൈവത്തിൻ്റെ പ്രവാചകർ, അവതാരങ്ങൾ എന്ന വാദവും വിശ്വാസവും ദൈവത്തെ കുറ്റപ്പെടുത്തലാണ്, ചുരുക്കലാണ്. 

അത് ദൈവത്തിൻ്റെ പേരിൽ നടത്താവുന്ന ഏറ്റവും കുറ്റാരോപണമാണ്. 

ഉണ്ടെങ്കിലുള്ള ദൈവം എല്ലാവർക്കും എപ്പോഴും എവിടെയും ഒരുപോലെ. 

ഉണ്ടെങ്കിലുള്ള ദൈവം എല്ലാവരിലും എവിടെയും ഒരുപോലെ.