രാമൻ്റെയും സീതയുടെയും കഥയുണ്ട്. ശരിയാണ്.

രാമൻ്റെയും സീതയുടെയും കഥയുണ്ട്. 

ശരിയാണ്. 

ഇന്ത്യയുടെ എല്ലാ ഭാഗങ്ങളിലും വ്യത്യസ്തമായ കോലത്തിൽ രാമൻ്റെയും സീതയുടെയും കഥയുണ്ട്. 

ഇന്ത്യക്ക് പുറത്തും രാമൻ്റെയും സീതയുടെയും കഥ വ്യത്യസ്തമായ കോലത്തിൽ ഉണ്ട്. 

ശ്രീലങ്കയിലും ഇൻഡോനേഷ്യയിലും വരെയുണ്ട് ഈ കഥ.

കഥയും കഥാരീതിയും കഥാഗതിയും എങ്ങിനെയും ആവട്ടെ. 

എല്ലായിടത്തും കഥാപാത്രങ്ങൾക്ക് കാര്യമായും പേരുകൾ രാമനും സീതയും തന്നെ

അൽഭുതം തോന്നും. 

ഇത്രമാത്രം എങ്ങിനെ എന്തുകൊണ്ട് രാമൻ്റെയും സീതയുടെയും കഥ ഇന്നത്തെ ഇന്ത്യ മുഴുക്കെയും അതിന് പുറത്തും വ്യതസ്തമായ കോലത്തിലാണെങ്കിലും എത്തി എന്നത് ശരിക്കും അൽഭുതപ്പെടുത്തേണ്ട കാരൃം തന്നെയാണ്. 

കാരണം ഇന്നത്തെ ഇന്ത്യ ഇതേ കോലത്തിൽ മുൻപൊരിക്കലും ഉണ്ടായിരുന്നില്ല. 

രാമൻ്റെയും സീതയുടെയും കഥ ഇന്ത്യ മുഴുവനും മാത്രമല്ല ഇന്ത്യക്ക് പുറത്തും എത്തിയത് ഇസ്ലാമും ക്രിസ്തുമതവും ബുദ്ധമതവും രൂപപ്പെട്ടതും പ്രചരിച്ചതും പോലെ അധികാരത്തിൻ്റെ തണലിലായിരുന്നില്ല. 

അധികാരത്തിന് വേണ്ടി ഇക്കാലത്തെ രാഷ്ടീയ പാർട്ടി രാമനെ ഉപയോഗപ്പെടുത്തുന്നതിന് മുൻപ് തന്നെ രാമൻ ഇന്ത്യയുടെ എല്ലാ മൂലയിലും എത്തിയിട്ടുണ്ട്. 

അങ്ങനെ രാമൻ മുൻപേ ഇന്ത്യയുടെ എല്ലാ മൂലയിലും എത്തിയിട്ടുണ്ട് എന്നത് കൊണ്ട് മാത്രമാണ് ഇന്നത്തെ അധികാരരാഷ്ട്രീയത്തിന് രാമനെ ഇവ്വിധം ഉപയോഗപ്പെടുത്താൻ സാധിക്കുന്നതും.

പോരാത്തതിന് ഇന്നത്തേത് പോലെ സാമൂഹ്യ മാദ്ധ്യമങ്ങളോ വാർത്താവിനിമയ സൗകര്യങ്ങളോ പുസ്തകങ്ങളോ  മറ്റ് മാധ്യമങ്ങളോ ഇല്ലാതിരുന്ന കാലത്താണ് ഇന്നത്തെ ഇന്ത്യയുടെ എല്ലാ മൂലയിലും ലോകത്തെ തന്നെ പല മൂലയിലും രാമൻ്റെയും സീതയുടെയും കഥ എത്തിയത് എന്നോതോർക്കണം. 

ശരിക്കും അൽഭുതം തോന്നേണ്ടതാണ്. പ്രത്യേകിച്ചും അധികാരം സ്ഥാപിച്ച മതം പറഞ്ഞുണ്ടാക്കിയതല്ല, അങ്ങനെയല്ല, അങ്ങനെയൊരു നിർബന്ധ വിശ്വാസം പോലെയല്ല രാമൻ്റെയും സീതയുടെയും കഥ എല്ലായിടത്തും എത്തിയത് എന്നോർക്കുമ്പോൾ.