മോഡി മാപ്പ് പറഞ്ഞേനെ. എല്ലാ വിശ്വാസികളെയും പോലെ മോഡിയും ഒരു ഇര മാത്രം.

മോഡി മാപ്പ് പറഞ്ഞേനെ. 

മനസ്സാക്ഷി സൂക്ഷിക്കുന്നുവെങ്കിൽ. 

സ്വന്തം മനസ്സാക്ഷിയുമായി സംവദിക്കുന്ന ആളായിരുന്നുവെങ്കിൽ. 

അത്രക്ക് കളവുകളും അബദ്ധങ്ങളും പൊള്ളയായ വാഗ്ദാനങ്ങളുമാണ് അദ്ദേഹം ഉടനീളം നടത്തിയത്, നടത്തിക്കൊണ്ടിരിക്കുന്നത്. 

പക്ഷേ, രക്ഷയില്ല. 

അദ്ദേഹത്തിന് മാപ്പ് പറയാൻ സാധിക്കില്ല. 

കാരണം, അദ്ദേഹവും അടിമയാണ്. 

പാർട്ടിയുടെയും മതത്തിൻ്റെയും അടിമ. 

അദ്ദേഹവും തൻ്റെ മനസ്സാക്ഷിയെ എന്നോ പാർട്ടിക്കും മതത്തിനും വിറ്റുകഴിഞ്ഞ ആളാണ്.

മോഡിയും ഒരു ഇര മാത്രമാണ്. 

തൻ്റെ പാർട്ടിയുടെയും ഉപബോധ മനസ്സിൽ കയറിയ തെറ്റായ വിശ്വാസങ്ങളുടെയും ഇര മാത്രം.

മനസ്സാക്ഷി വിൽക്കുകയും നഷ്ടപ്പെടുകയും ചെയ്യുക എന്നത് രാഷ്ടീയപ്രവർത്തനത്തിലെ ഏറ്റവും ആദ്യം നടക്കുന്ന, ഏറ്റവും ആദ്യം നടക്കേണ്ട പരിപാടിയും ഉടമ്പടിയും. 

ഏറെക്കുറെ എല്ലാം ദൈവത്തെ ഏല്പിച്ചു മനസ്സാക്ഷിയെ പൊതിഞ്ഞുവെക്കുന്ന  മതവിശ്വാസത്തിലും അതങ്ങനെ തന്നെ.

*******

എല്ലാ വിശ്വാസികളും ആ വിശ്വാസത്തിൻ്റെയും മതത്തിൻ്റെയും ഇരകളാണ്. 

പക്ഷേ, ഹിന്ദു അങ്ങനെയല്ല, 

ഹിന്ദു അങ്ങനെയല്ലായിരുന്നു. 

ഹിന്ദു ഇക്കാലമത്രയും മതവിശ്വാസത്തിൻ്റെ ഇരകളല്ലായിരുന്നു. 

പക്ഷേ ഈയടുത്ത കാലത്ത് ഇന്ത്യയിൽ മിക്കയിടങ്ങളിലും ഹിന്ദു എന്നെങ്ങിനെയോ വിളിക്കപ്പെടുന്നവർ ബിജെപിയുടേയും ആർഎസ്എസിൻ്റെയും ഇരകളാണ്. 

ഹിന്ദു എന്നതിനെ മതമാക്കി അവതരിപ്പിച്ചു കൊണ്ട് ഹിന്ദുവും ഇരകളാക്കപ്പെടുന്നു.

******