പാകിസ്ഥാനിലെ 16% ഹിന്ദുക്കൾക്ക് എന്ത് പറ്റി?

പാകിസ്ഥാനിലുണ്ടായിരുന്ന പതിനാറ് ശതമാനം ഹിന്ദുക്കൾക്ക് എന്ത് പറ്റി?

വലിയൊരു തെറ്റിദ്ധാരണ ഉണ്ടാക്കുന്ന ചോദ്യമാണ് ഇത്.

വലിയൊരു തെറ്റിദ്ധാരണയും വലിയൊരു തെറ്റായ പ്രചാരണവും ഇക്കാര്യത്തിൽ കൊണ്ടുപിടിച്ച് നടക്കുന്നുമുണ്ട്, നടത്തുന്നുമുണ്ട്.

യഥാർഥത്തിൽ ഇന്ത്യാ-പാകിസ്ഥാൻ വിഭജനസമയത്ത് പാക്കിസ്ഥാനിൽ ഹിന്ദുക്കൾ 16 ശതമാനം ഉണ്ടായിരുന്നുവോ?

ഉണ്ടായിരുന്നു. ശരിയാണ്.

പിന്നെ, എങ്ങിനെയാണ് ഇപ്പോൾ നാം ഇപ്പോൾ കാണുന്നതും അറിയുന്നതും പോലെ പാക്കിസ്ഥാനിൽ ഹിന്ദുക്കൾ ഒന്നര ശതമാനമായി കുറഞ്ഞത്?

പാക്കിസ്ഥാനിൽ കൂട്ടക്കൊലയും കൂട്ടമതപരിവർത്തനവും നടന്നിട്ടാണോ? 

വിഭജനത്തിന് ശേഷമുള്ള പാക്കിസ്ഥാനിൽ അങ്ങനെയൊക്കെ കൂട്ടക്കൊലയും കൂട്ടമതപരിവർത്തനവും നടന്നെങ്കിൽ അതൊക്കെയും വാർത്തയാവില്ലേ? 

പഴയ കാലം പോലെയല്ലല്ലോ സ്വാതന്ത്ര്യത്തിന് ശേഷമുള്ള ഇന്ത്യാ-പാക്കിസ്ഥാൻ കാലം?

പ്രത്യേകിച്ചും ഇന്ത്യയും പാക്കിസ്ഥാനും പരസ്പരം അങ്ങോട്ടും ഇങ്ങോട്ടും ശ്രദ്ധിച്ച് കുറ്റങ്ങൾ കണ്ടെത്താൻ മാത്രം നോക്കിയിരിക്കുന്ന കാലമല്ലേ സ്വാതന്ത്ര്യാനന്തര, വിഭജനാനന്തര കാലം?

രണ്ട് യുദ്ധങ്ങൾ പാക്കിസ്ഥാനും ഇന്ത്യക്കും ഇടയിൽ നടന്ന കാലം. 

പോരാത്തതിന് ഐക്യരാഷ്ട്രസഭയും അന്താരാഷ്ട്ര വാർത്താമാധ്യമങ്ങളും ഇന്ത്യൻ വാർത്താമാധ്യമങ്ങളും ഏറെയുള്ള, അവയെല്ലാം ജാഗരൂകരായി നിന്ന കാലം.

എങ്കിൽ വീണ്ടും അതേ ചോദ്യം ഉയരും.

വിഭജനസമയത്ത് പതിനാറ് ശതമാനം ഉണ്ടായിരുന്ന പാകിസ്ഥാനിലെ ഹിന്ദുക്കൾക്ക് എന്ത് പറ്റി?

ഉത്തരം ഒന്നേയുള്ളൂ.

ബംഗ്ലാദേശ് വിഭജനത്തിന് മുൻപാണ് പാകിസ്താനിൽ 16 ശതമാനം ഹിന്ദുക്കൾ ഉണ്ടായിരുന്നത്. 

ഇന്ത്യ മുൻകൈ എടുത്ത് നടത്തിയ ബംഗ്ലാദേശ് വിഭജനത്തിന് ശേഷം വെറും ഒന്നര ശതമാനം മാത്രമേ പാക്കിസ്ഥാനിൽ ഹിന്ദുക്കൾ ഉണ്ടായിരുന്നുള്ളൂ. 

അതിപ്പോഴും അങ്ങനെ തന്നെയുണ്ട്. 

എല്ലാവരും അറിയുന്നത് പോലെ ബംഗ്ലാദേശ് വിഭജനത്തോടെ ബാക്കി ഹിന്ദുക്കൾ ബംഗ്ലാദേശിലായി. 

ശരിയാണ്. നാമെല്ലാവരും ഒരുപോലെ അറിയുന്നത് പോലെ ബംഗ്ലാദേശിൽ നിന്ന് ഒരു കുറേ ഹിന്ദുക്കൾ ഇന്ത്യയിലേക്ക് കുടിയേറി വന്നിട്ടുണ്ട്. പല കാരണങ്ങൾ കൊണ്ടും. അതിലധികവും പട്ടിണിയും കഷ്ടപ്പാടും കൊണ്ട്. അതുകൊണ്ട് തന്നെ അങ്ങനെ ബംഗ്ലാദേശിൽ നിന്നും ഇന്ത്യയിൽ വന്നവരിൽ മുസ്ലിംകളും ഉണ്ട് 

അതുകൊണ്ടാണ് അസമിൽ NRC ലിസ്റ്റ് തയാറാക്കിയപ്പോൾ ഇന്ത്യൻപൗരത്വ രേഖകൾ ഇല്ലാത്ത ഹിന്ദുക്കൾ ലക്ഷക്കണക്കിന് NRCക്ക് പുറത്തായി അസമിൽ ഉണ്ടായത്. കുറേ മുസ്ലിംകളും ഉണ്ടായത് പോലെ. അത് പരിഹരിക്കാനും അവരിലെ ഹിന്ദുക്കളെ ഇന്ത്യൻ പൗരന്മാർ ആക്കാനും കൂടിയാണല്ലോ പൗരത്വ ഭേദഗതി നിയമം (CAA) പുതുതായി കൊടുവരേണ്ടി വന്നത്.

ഓർക്കണം, അസമിലും പശ്ചിമ ബംഗാളിലും  NRC ലിസ്റ്റ് തയ്യാറാക്കുന്നതിന് മുൻപ് തന്നെ കുറേ അധികം പേർ പൗരത്വരേഖകൾ ഉണ്ടാക്കിയിട്ടുണ്ടാവാം. 

എന്നിട്ട് പോലുമാണ് ഇന്ത്യൻപൗരത്വ രേഖകൾ ഇല്ലാത്ത ഹിന്ദുക്കൾ അസമിൽ മാത്രം ലക്ഷക്കണക്കിന് NRCക്ക് പുറത്തായത്. 

പാക്കിസ്ഥാനിൽ ഹിന്ദുക്കൾ കുറഞ്ഞു എന്നുള്ള ബാക്കി പ്രചാരണങ്ങൾ മുഴുവൻ നാം ഓരോരുത്തരെയും തെറ്റിദ്ധരിപ്പിച്ച, അതും പറഞ്ഞ് വർഗീയതയും വിഭജനവും വെറുപ്പും ഉണ്ടാക്കാൻ മാത്രം നടന്ന ബോധപൂർവമായ തെറ്റായ പ്രചരണം.

അല്ലാതെ പാക്കിസ്ഥാനിൽ മാത്രം ആരുമറിയാതെ ഹിന്ദുക്കൾ എങ്ങിനെ കുറയാനാണ്?

ഇന്ത്യയിൽ നടന്നത്ര പോലും ഹിന്ദു മുസ്ലീം വർഗ്ഗീയ ലഹളകൾ പാക്കിസ്ഥാനിൽ നടന്നതായി അറിവില്ല.

ഇന്ത്യയിൽ, ഈയടുത്ത കാലത്ത് ബാബരി മസ്ജിദ് വിഷയത്തിൽ പോലും നടന്ന വർഗ്ഗീയലഹളകളും കൂട്ടക്കൊലകളും ഒരു കുറെയാണ്.

********

എൻ്റെ വീട് നല്ലത് തന്നെ.

എൻ്റെ വീട് നന്നാക്കാൻ, നല്ലതാണെന്ന് പറയാൻ അയൽവാസി മോശമാണെന്ന് നിർബന്ധമായും വരേണ്ടതുണ്ടോ, അയൽവാസി മോശമാണെന്ന് പറയേണ്ടതുണ്ടോ? അയൽവാസിയെ നിർബന്ധമായും വെറുക്കേണ്ടത്തുണ്ടോ? 

അയൽവാസി മോശമാണെന്ന് വരുത്താൻ വേണ്ടി ഇല്ലാക്കഥകൾ പറയണം എന്നുണ്ടോ?

നല്ല വീട് നല്ല അയൽവാസി ബന്ധം കൂടിയുള്ള വീടാണ്. 

നല്ല വീട് അയൽവാസിയെ ശത്രുവായി കാണാത്ത, അങ്ങനെ ശത്രുവായി കാണൽ നിർബന്ധമില്ലാത്ത വീടാണ്.

ഇന്ത്യ നല്ലത് തന്നെ. 

ഇന്ത്യ എന്തുകൊണ്ടും നല്ലത് തന്നെ.

പക്ഷേ ഇന്ത്യ നല്ലതാവാനും നല്ലതെന്ന് പറയാനും മറ്റുള്ള രാജ്യങ്ങളുടെ കുറ്റം പറയുകയേ നിർവ്വാഹമുള്ളൂ എന്ന് വരുന്ന രാജ്യസ്നേഹം അസൂയയും വെറുപ്പും മാത്രം അടിസ്ഥാനമാക്കി കൃത്രിമമായി ഉണ്ടാക്കി എടുക്കുന്ന എന്തോ ഒരുതരം ഭ്രാന്തമായ വികാരം മാത്രമാണ്.

നല്ല രാജ്യം നല്ല അയൽരാജ്യ ബന്ധം കൂടിയുള്ള രാജ്യമാണ്. 

നല്ല രാജ്യം അയൽരാജ്യത്തെ ശത്രുവായി കാണാത്ത, അങ്ങനെ ശത്രുവായി കാണൽ നിർബന്ധമില്ലാത്ത രാജ്യമാണ്.

സ്വന്തം നാട്ടിലെ രാഷ്ട്രീയവും ഭരണവും അയൽവാസിയെ കുറ്റം പറയുന്നതിൽ കേന്ദ്രീകരിച്ച് മാത്രമാകരുത്. പകരം സ്വന്തം നാട്ടുകാരെ ഒരുമിച്ച് കൊണ്ടുപോകുന്നതിലും അവർക്ക് എളുപ്പവും ക്ഷേമവും നൽകുന്നതിലും ആയിരിക്കണം. ആശാരി മോശമാകും മ്പോൾ ഉപകരണത്തെ കുറ്റം പറയുന്നത് പോലെ എന്തിനും ഏതിനും മുസ്ലിം പാക്കിസ്ഥാൻ എന്ന് പറയുന്നതും പറയേണ്ടിവരുന്നതും നിങ്ങളുടെ അല്പത്തവും നിസ്സഹായതയും മാത്രമാണ്, പരാജയം മാത്രമാണ്. 

അങ്ങനെ നിങൾ ചെയ്യുമ്പോൾ മുസ്‌ലിംകളെയും പാകിസ്താനെയും നിങൾ വല്ലാതെ ഉള്ളിൻ്റെയുള്ളിൽ ബഹുമാനിക്കുകയും ആ ബഹുമാനത്തെ അസൂയയും വെറുപ്പുമാക്കി മാറ്റുകയുമാണ് ചെയ്യുന്നത്.