ദൈവം വെറുമൊരു പൊട്ടനാണെന്ന് വരുന്ന ആത്മീയത വേണ്ട.

ദൈവം വെറുമൊരു

പൊട്ടനാണെന്ന് വരുന്ന

ആത്മീയത വേണ്ട.

അങ്ങനെ

മറന്ന് പോകുന്ന ദൈവം,

ഓര്‍മിപ്പിക്കേണ്ടി വരുന്ന ദൈവം,

അപേക്ഷിക്കേണ്ടിയും 

കാല്‍പിടിക്കേണ്ടിയും വരുന്ന ദൈവം, 

പേടിക്കേണ്ടിയും

ആവശ്യപ്പെടേണ്ടിയും വരുന്ന ദൈവം,

അല്ലെങ്കിൽ ശിക്ഷിക്കുമെന്ന്

ഭീഷണിപ്പെടുത്തേണ്ടി വരുന്ന ദൈവം....

ആ ദൈവത്തിനപ്പുറമാണ്

യാഥാര്‍ത്ഥ ദൈവവും

സത്യവും ആത്മീയതയും.

എന്ത്‌ പേരിട്ട് വിളിച്ചാലും.... 

നമ്മിലൂടെ

നമ്മളായി വര്‍ത്തിക്കുന്ന,

ജീവിതം തന്നെയായി

വരുന്ന, വളരുന്ന 

ദൈവം മാത്രം.