അർജുനനെക്കൊണ്ട് യുദ്ധം ചെയ്യിച്ച കൃഷ്ണൻ അസ്വസ്ഥനും കലുഷനുമായിരുന്നില്ല.

കുറ്റപ്പെടുത്തി സംസാരിക്കുന്നവർക്ക്, 

അവരെ കുറ്റപ്പെടുത്തുന്നതായും തോന്നും.

ഒരു തരം പീഡിത മനസ്സ്.

പീഡിത മനസ്സുള്ളവർ കുറ്റപ്പെടുത്തി സംസാരിക്കും. 

********

പ്രയാസത്തിൽ സുഹൃത്തും ശത്രുവാണെന്നു തോന്നും.

പ്രയാസം അധികരിക്കും.

ശത്രുവിനെയും സുഹൃത്താക്കണമപ്പോൾ. 

എങ്കിൽ പ്രയാസം ലഘുവാകും.  

********

ജനങ്ങൾക്കു ബാധ്യത കൂട്ടുന്ന 

പരിഷ്കാരങ്ങളേ ഉണ്ടാവുന്നുള്ളു. 

ശമ്പള വർധനയാണേലും, പെൻഷൻ  കാര്യത്തിലായാലും, 

പെട്രോൾ വില വർധനയാണേലും.

*******

സർക്കാരിൽനിന്നു കിട്ടേണ്ട അവകാശങ്ങൾ. 

അവ എന്തുമാകട്ടെ. 

അതിനു ജനങ്ങൾ എന്ത് കുറ്റം ചെയ്തു?

ജനങ്ങള്ക്കുമില്ലേ അവകാശങ്ങൾ?

********

തൊഴിലാളിയുടെ അവകാശം 

മാത്രം പറഞ്ഞ പാർട്ടി പരാജയപ്പെടും.

ജനങ്ങളും രാജ്യസ്നേഹവും 

ബാധ്യതബോധവും കൂടി വിഷയമാകണം. 

******

വൃഥാവ്യയം, ആഡംബരം. നിവചനം തെറ്റും.

രണ്ടിലച്ചെടിക്ക് ഒരിലയും പ്രധാനം.

നൂറായിരം ഇലകൾ ഒരുമിച്ച് പൊഴിക്കുക 

വൻവൃക്ഷത്തിനു നിർബന്ധം.

*********

അർജുനനെക്കൊണ്ട് യുദ്ധം ചെയ്യിച്ച കൃഷ്ണൻ

അസ്വസ്ഥനും കലുഷനുമായിരുന്നില്ല.

പ്രതിബിംബിക്കുക മാത്രമായിരുന്നു. 

ചുറ്റുവട്ടത്തിനു വേണ്ടത്.  

*******

വസ്ത്രം നൽകിയ ധൈര്യം തന്നെ മായ.

അതിനാൽ ലോകം ഇത്രയ്ക്കു നടന്നു, വളർന്നു.

നഗ്നത മഹാഭൂരിപക്ഷത്തിനും വൈകൃതം. 

ശരീരം അവർക്കു ദേവാലയമല്ല.

*******

പ്രത്യക്ഷവും പരോക്ഷവും ഒന്ന്.

പേരിൽ ബോധമായാലും ഊർജമായാലും

ആത്മാവായാലും പദാർത്ഥമായാലും ശരി.

എന്തായാലും "ഞാനും" "എന്റേതും" ഇല്ല.