കാക്കക്കുഞ്ഞ് കരഞ്ഞാൽ കരച്ചിലല്ലേ?

കാക്കക്കുഞ്ഞ് കരഞ്ഞാൽ കരച്ചിലല്ലേ? 

കറുത്തവന്റേത് അപകർഷതയോ?

സ്ഥാനവും മാനവും ഉള്ള മയിലിന്റെതും 

കുയിലിന്റെതും മാത്രമോ കരച്ചിൽ?

********

ഒരു പരീക്ഷയുടെ അടിസ്ഥാനത്തിൽ എന്നേക്കുമായി 

തൊഴിലുകൾ പതിച്ചു കൊടുക്കേണ്ടതുണ്ടോ?

അങ്ങനെ തൊഴിൽ പതിക്കുന്നതും 

ഒരു ജാതി തിരിക്കൽ തന്നെയല്ലേ?

ജന്മം കൊണ്ടെന്നതിനു പകരം 

പരീക്ഷ കൊണ്ട് എന്ന അർത്ഥത്തിൽ   

അല്ലേൽ തൊഴിൽ കിട്ടാത്തവന് 

കിട്ടിയവന്റെ ശമ്പളത്തിൽ അവകാശം ഉണ്ടാവണം. 

********

തൊഴിൽവിതരണ ജാതീയത 

ഇല്ലാതെ കർമലോകമില്ല. പ്രധാനമന്ത്രിയും 

ചെയർമാനും സെക്രെട്ടറിയും സ്വീപ്പറും 

സ്റ്റിയറിങ്ങും ടയറും വേറെ വേറെ.

*******

ജാതി ചോദിക്കരുത് പറയരുത്

എന്നത് തിരുത്തണം. തൊഴിൽ ചോദിക്കരുത് 

പറയരുത് എന്നാക്കണം.

മാന്യത മനുഷ്യത്വത്തിനെന്നു വരേണം. 

********

ഏതു മതസ്ഥനായാലും

ജാതീയത ഉറങ്ങാതെ, ഉണർന്നു തന്നെ. 

തൊഴിൽ വിതരണത്തിനല്ല;

അളക്കാനും മാനിക്കാനും അവമതിക്കാനും.

*******

പരിചയപ്പെടുമ്പോഴേക്കും ജോലി അന്വേഷിക്കുന്നത്

ജാതി അന്വേഷിക്കുന്നത് പോലെതന്നെ.

തദടിസ്ഥാനത്തിൽ അളക്കാനും മാനിക്കാനും. 

*********

വ്യക്തിത്വം ചെയ്യേണ്ടി വരുന്ന 

ജോലിയുടേതും തസ്തികയുടേതും ആണെങ്കിൽ,  

അടിമയും തമ്മിൽ എന്ത് വ്യത്യാസം?

ജാതി ചോതിക്കേണം പറയേണം എന്നോ?