മരണം. വേദനയല്ല

1. മരണം വേദന, വേദനിപ്പിക്കുന്നത്  

എന്ന് പേടിപ്പിച്ചതാര്?

മരണത്തിനു വേദനയില്ല. 

വേദന മരിക്കാതിരിക്കാൻ, ജീവിക്കാൻ.

*********

2. മരിച്ചാൽ വേദനിക്കുന്നത്

മരിച്ചവനല്ല; മരിക്കാത്തവർ.

അല്ലെങ്കിലും മരിക്കാത്തവന്നും

ജീവിക്കാനുമാണ് വേദന. പോരാട്ടം.

********

3. ഓരോ നിമിഷവും മരിക്കുന്നത് തെളിവ്.

മരിച്ചാൽ വേദനിച്ചവനും വേദനിക്കുന്നവനും ഇല്ല.

രോഗം വേദന; മരണം വേദനയല്ല. 

അപകട മരണത്തിൽ വേദനയെ ഇല്ല.

********

4. കെട്ടിയിടുമ്പോഴും കെട്ടിനിൽക്കുമ്പോഴും ഉള്ള

'ഞാൻ' മാത്രമേ ഉള്ളൂ. അതിനാൽ വേദനയും.  

കെട്ടഴിഞ്ഞാൽ ഞാനും ഇല്ല, വേദനയും ഇല്ല.

********

5. മരണം കെട്ടഴിയലാണ്.

'നൂറ്' നൂറ് ഒന്നുകൾ ആവുക.

കെട്ടഴിയൽ വേദനയല്ല. കെട്ടിയിടലും 

കെട്ടിനിൽക്കലും ആണ് അദ്ധ്വാനം, വേദന.

********

6. ഉണ്ടായ, ഉണ്ടായിരുന്ന "ഞാൻ"?

കെട്ടുണ്ടായതിനു ശേഷം, വളർച്ചക്കനുസരിച്ച്, 

ഉണ്ടായി വളർന്നത്, 

കെട്ടില്ലാതാവുമ്പോൾ ഇല്ലാതാവുന്നത്. 

*********

7. ഈ 'ഞാൻ' മുൻപേ ഉണ്ടായിരുന്നില്ല.

ജനിച്ചിട്ടുമില്ല; ജീവബോധം മാത്രമല്ലാതെ. 

ജനിക്കാത്തവൻ പിന്നെങ്ങിനെ 

മരിക്കും, പുനർജനിക്കും?

********

8. ശരിയാണ്. പുനർജനിക്കും.

പക്ഷെ ഞാനല്ല. തുല്യ അളവിൽ എന്തും ഏതും. 

പൂവും പുഴുവും കാക്കയും പൂച്ചയും. 

******

9. മരണം. ജീവിതത്തിന്റെ മെത്ത, കൃഷിയിടം.

ജീവിതം. മരണത്തിന്റെ മെത്ത, കൃഷിയിടം.

പരസ്പരം വളർത്തുന്നത്, തളിർപ്പിക്കുന്നത്.