ഇസ്‌ലാമിൽ ജാതിസമ്പ്രദായം ഉണ്ടെന്നോ? ആര് പറഞ്ഞു? കർണ്ണാടക സർക്കാരോ? ആരാണ് കർണാടക സർക്കാർ?

ഇസ്‌ലാമിൽ ജാതി സമ്പ്രദായം ഉണ്ടെന്നോ?

ആര് പറഞ്ഞു?

ഇസ്‌ലാമോ മുസ്ലിംകളോ പറയുന്നില്ല, സമ്മതിക്കുന്നില്ല ഇസ്‌ലാമിൽ ജാതി സമ്പ്രദായം ഉണ്ടെന്ന്.

കർണ്ണാടകയിൽ മാത്രം മുസ്ലിംകൾക്കിടയിൽ 99 ജാതികൾ ഉണ്ടെന്ന് എങ്കിൽ എന്തിൻ്റെ അടിസ്ഥാനത്തിൽ ആര് നിശ്ചയിച്ചു?

ആര്, എന്തിൻ്റെ അടിസ്ഥാനത്തിലാണ് ഇങ്ങനെ ഇസ്ലാമിലും മുസ്‌ലിംകൾക്കിടയിലും ജാതിയും ജാതിസമ്പ്രദായവും ഉണ്ടെന്ന് പറയുന്നത്?

പൗരോഹിത്യം വരെ ഇല്ലാത്ത, പൗരോഹിത്യത്തെ വരെ എന്തെങ്കിലും കാര്യങ്ങൾ തീരുമാനിക്കാൻ സമ്മതിക്കാത്ത ഇസ്‌ലാം അങ്ങനെ പുറമേ നിന്നുള്ള ആരെങ്കിലും പറയും പോലെയും നിശ്ചയിക്കും പോലെയും ആണോ?

താൽക്കാലികമായയി അവിടവിടെ എന്തിൻ്റെയൊക്കെയോ സ്വാധീനഫലമായി ഇന്ത്യയിൽ കാണുന്ന ചില സംഗതികളെ സ്ഥിരമായി ഇസ്ലാമിലും മുസ്‌ലിംകളിലും ഉള്ള സംഗതിയായി വരുത്താമോ ?

ലോകത്തെ എല്ലാ മനുഷ്യരെയും ഒരുപോലെ കാണുന്ന മതം ഇസ്‌ലാം എന്നിരിക്കെ ഇസ്‌ലാമിൽ ജാതിയുണ്ടെന്നോ?

വിശ്വാസവ്യത്യാസത്തിൻ്റെതല്ലാത്ത ഒരു വ്യത്യാസവും മനുഷ്യർക്കിടയിൽ ദർശിക്കാത്ത മതം ഇസ്‌ലാം ജാതിസമ്പ്രദായം സമ്മതിക്കുമോ?

എല്ലാവർക്കും ഒരൊറ്റ വിശ്വാസം, ഒരേതരം ആരാധനാനുഷ്ഠാന രീതികൾ, ഒരൊറ്റ ആദർശവാക്യം, ഒരൊറ്റ ഗ്രന്ഥം, ഒരൊറ്റ പ്രവാചകൻ, ഒരൊറ്റ ദിശ നിശ്ചയിക്കുന്ന മതം ഇസ്‌ലാം എന്നിരിക്കെ പ്രത്യേകിച്ചും.

അങ്ങനെയുള്ള ഇസ്‌ലാമിൻ്റെ പ്രമാണങ്ങളിൽ എവിടെയും ഇല്ലാത്ത ജാതിസമ്പ്രദായം എങ്ങിനെ ഇന്ത്യയിലും കർണാടകയിലും മാത്രം ഉണ്ടാവും, ഉണ്ടെന്ന് വരുത്താനാവും?

ഇസ്‌ലാമിൽ ജാതിസമ്പ്രദായം ഉണ്ടെന്ന് ഏതെങ്കിലും സർക്കാരാണോ തീരുമാനിക്കേണ്ടത്?

അതെങ്ങിനെ ഒരു പ്രമാണമനുസരിച്ചും ഇസ്‌ലാമിൽ ഇല്ലാത്ത ജാതി കർണാടകയിലും മറ്റെവിടെയും ഉണ്ടാവും, ഉണ്ടെന്ന് വരുത്താനാവും? 

ഇസ്‌ലാമിൽ ജാതി സമ്പ്രദായം ഉണ്ടെങ്കിൽ അക്കാര്യം വ്യക്തമാക്കേണ്ടത് ഇസ്‌ലാം തന്നെയല്ലേ, ഖുർആൻ തന്നെയല്ലേ?

ഖുർആൻ അസന്ദിഗ്ധമായി പ്രഖ്യാപിക്കുന്നതാകട്ടെ: "നാം നിങ്ങളെ ഒരാണിൽ നിന്നും പെണ്ണിൽ നിന്നും സൃഷ്ടിച്ചു. പിന്നീട് നിങ്ങളെ ഗോത്രങ്ങളും വർഗ്ഗങ്ങളും ആക്കിയത് നിങൾ പരസ്പരം തിരിച്ചറിയാൻ മാത്രം. അല്ലാഹുവിങ്കൽ നിങ്ങളിൽ ഏറ്റവും ഉൽകൃഷ്ടൻ നിങ്ങളിൽ സൂക്ഷ്മബോധം കൂടുതലായുള്ളവൻ മാത്രം." (ഖുർആൻ)

ജാതി എന്നാൽ എന്താണെന്നറിയാത്തത് കൊണ്ടാണോ ഇങ്ങനെ ഇസ്ലാമിലും മുസ്‌ലിംകളിലിലും ജാതിസമ്പ്രദായം ഉണ്ടെന്ന് ധരിക്കുന്നത് പറയുന്നത്? 

ജാതി എന്നാൽ അഭിപ്രായ വ്യത്യാസം കൊണ്ടോ വിശ്വാസവ്യത്യാസം കൊണ്ടോ വ്യാഖ്യാനവ്യത്യാസം കൊണ്ടോ ഉണ്ടാകുന്ന വ്യത്യസ്ത ഗ്രൂപ്പുകൾ അല്ല. 

പകരം ജന്മം കൊണ്ട് മാത്രമുണ്ടാകുന്ന, ഒരു പ്രത്യേകതരം തൊഴിലിൽ തന്നെയായിരിക്കണം എന്ന് നിശ്ചയിക്കുന്ന സമ്പ്രദായമാണ് ജാതിസമ്പ്രദായം. 

ജാതി നിർബന്ധിതമാണ്, തെരഞ്ഞെടുപ്പല്ല.

അങ്ങനെയൊന്ന് ഇസ്‌ലാമിൽ ഇല്ല. 

ഇസ്‌ലാം തന്നെയും ജന്മം കൊണ്ടല്ല, തെരഞ്ഞടുപ്പ് കൊണ്ടാണ്.

അല്ലെങ്കിൽ, തങ്ങളെ പോലെ തന്നെയാണ് മറ്റുള്ളവരും എന്ന് വരുത്തിതീർത്ത് സായൂജ്യം അടയാനുള്ള ശ്രമമാണോ ഇസ്‌ലാമിൽ ജാതിയും ജാതിസമ്പ്രദായവും ഉണ്ടെന്ന് വരുത്തുന്നത്?

മുസ്‌ലിംകൾ ജീവിക്കുന്ന ഒരു ലോകത്തും മുസ്‌ലിംകൾക്കിടയിൽ  ജാതികളെയും ജാതിസമ്പ്രദായത്തെയും കാണാൻ സാധിക്കില്ല. 

മുസ്‌ലിംകൾക്കിടയിൽ പാർട്ടികൾ ഉണ്ട്.

ശരിയാണ്. 

അങ്ങനെയുള്ള അവാന്തരവിഭാഗങ്ങൾ ഒട്ടേറെയുണ്ട് ഇസ്‌ലാമിലും മുസ്‌ലിംകൾക്കിടയിലും. 

പക്ഷേ ജന്മം കൊണ്ട് കൈവരുന്ന, തിഞ്ഞെടുപ്പില്ലാത്ത ജാതി ഇല്ല ഇസ്‌ലാമിലും മുസ്‌ലിംകൾക്കിടയിലും.

ഇസ്‌ലാം തന്നെയും ഒരോരുത്തൻ്റെയും തെരഞ്ഞെടുപ്പ് മാത്രമാകേണ്ട സംഗതിയാണ് എന്നിരിക്കെ ഇസ്‌ലാമിൽ തെരഞ്ഞെടുക്കാൻ കഴിയാത്ത ജാതിയും ജാതിസമ്പ്രദായവും എങ്ങനെ ഉണ്ടാവും?

വിശ്വാസ വ്യാഖ്യാനങ്ങളിൽ ഉള്ള വ്യത്യാസം കൊണ്ടുള്ള പാർട്ടികൾ മാത്രമേ ഇസ്ലാമിലും മുസ്‌ലിംകൾക്കിടയിലും ഉള്ളൂ.

മുസ്‌ലിംകൾക്കിടയിൽ അവാന്തരവിഭാഗങ്ങൾ ഉണ്ടെങ്കിലും എല്ലാ അവാന്തരവിഭാഗങ്ങൾക്കും അല്ലാഹുവും ഖുർആനും മുഹമ്മദ് നബിയും പരലോക വിശ്വാസവും ആരാധനാനുഷ്ഠാനകാര്യങ്ങളും ഒന്ന് തന്നെയാണ്. 

അവർക്കിടയിൽ എല്ലാ കാര്യങ്ങളും വിവാഹവും സാമ്പത്തിക ഇടപാടുകളും നടക്കുന്നുണ്ട്, ചുരുങ്ങിയത് മതപരമായി ഒന്നും നിഷിദ്ധമല്ല. 

അല്ലറചില്ലറ തീവ്രതകൾ പ്രാദേശികമായി മാത്രം ഉണ്ടാവുന്നുണ്ടെങ്കിൽ ഉണ്ടാവും എന്ന വ്യത്യാസം മാത്രം. 

പക്ഷേ മുസ്‌ലിംകൾക്കിടയിൽ ഉള്ളത് ജാതികൾ അല്ല. പാർട്ടികൾ ആണ്. മാറിക്കളിക്കാവുന്ന പാർട്ടികൾ

ഉണ്ടെന്ന് പറയുന്ന പാർട്ടി-വിശ്വാസ-വ്യത്യാസം എപ്പോഴും മാറാവുന്നതും ഉപേക്ഷിക്കാവുന്നതും മാത്രം. 

ഇന്ത്യയിൽ നാം കാണുന്ന ജാതിസമ്പ്രദായം അങ്ങനെ മാറാനും ഉപേക്ഷിക്കാനും സാധിക്കില്ല. തെരഞ്ഞെടുപ്പ് ഇല്ലാത്തത്.

വ്യാഖ്യാനപരമായ അഭിപ്രായവ്യത്യാസം മാത്രമാണ് മുസ്ലിം പാർട്ടികൾക്കിടയിൽ ഉള്ളത്

ചിലരുടെ വാൽ നിലവിൽ തന്നെ ജാതിസമ്പ്രദായം കൊണ്ട് മുറിഞ്ഞതായത് കൊണ്ട് മറ്റുള്ളവരുടെയും മുറിഞ്ഞ് തന്നെ കിടക്കട്ടെ എന്ന് കരുതി മറ്റുള്ളവരുടെ വാലും ബോധപൂർവ്വം മുറിക്കുകയാണോ മുസ്‌ലിംകൾക്കിടയിൽ ജാതികളും ജാതിസമ്പ്രദായവും ഉണ്ടെന്ന് സമർത്ഥിച്ചുകൊണ്ട് ചെയ്യാൻ ശ്രമിക്കുന്നത്?

ഇസ്‌ലാമിൽ ജാതി ഇല്ലെന്നത് പകൽ വെളിച്ചം പോലെയുള്ള കാര്യം. 

ഇസ്‌ലാമിൽ മനുഷ്യരെല്ലാവരും ഒരുപോലെ എന്നതും പകൽ പോലെ വ്യക്തം.

പള്ളിയിൽ എല്ലാവരും ഒരുപോലെ. 

ശഹാദത്ത് കലിമയും ഹജ്ജും നിസ്കാരവും സക്കാത്തും നോമ്പും അതുപോലെയുള്ള എല്ലാ വിശ്വാസ അനുഷ്ഠാന കാര്യങ്ങളും ലോകത്തെല്ലായിടത്തുമുള്ള എല്ലാ മുസ്‌ലിംകൾക്കും ഒരുപോലെ ബാധകം.

ആർക്കും എങ്ങനേയും ഇമാം (നേതാവ്) ആകാം, നേതൃത്വത്തിലേക്ക് വരാം. 

അപ്പോഴും പുരോഹിതനും തന്ത്രിയും മാധ്യവർത്തിയും ഇല്ല.

ഇന്ത്യയിൽ നിലനിൽക്കുന്ന ജാതീയത വേറൊരു കോലത്തിൽ മുസ്‌ലിംകൾക്കിടയിൽ സാമുദായികമായി സംഭവിച്ചത് ഇസ്ലാമുമായി ഒരു ബന്ധവും ഉള്ളതല്ല. 

അങ്ങനെ കർണ്ണാടകയിൽ ഉണ്ടെന്ന് പറഞ്ഞ ഏതെങ്കിലും ജാതിയുടെ പേര് ഇസ്‌ലാമിക ഗ്രന്ഥങ്ങളിലോ മുസ്‌ലിംലോകത്തോ കാണിക്കാൻ സാധിക്കുമോ?

ഇസ്ലാമിലും മുസ്ലിംകളിലും നിയമപരമായും ഇസ്‌ലാമിക വിശ്വാസപ്രകാരവും ജാതികൾ ഇല്ല, ഉണ്ടാവാൻ പറ്റില്ല, പാടില്ല. 

ഇനി മുസ്‌ലിംകൾക്കിടയിലും ഇസ്ലാമിലും ജാതികൾ ഉണ്ടാക്കാനാണ് ശ്രമമെങ്കിൽ അത് മുസ്ലിംകൾ തിരിച്ചറിയേണ്ടതും പ്രതിരോധിക്കേണ്ടതുമാണ്. 

വിവാഹവും കുടുംബവും പാരമ്പര്യവും സ്വത്തും ഓക്കെ അവരവർ പരിഗണിക്കുന്നത് പോലെ മാത്രം എന്നത് ജാതികൾ ഉണ്ടെന്ന് വരുത്താനുള്ള ന്യായവും മാനദണ്ഡവും അല്ല. 

അത് ജാതിസമ്പ്രദായത്തിലുള്ളത് പോലുള്ള തൊട്ടുകൂടായ്മയും ജാതിയും അല്ല.

"നാം നിങ്ങളെ ഒരാണിൽ നിന്നും പെണ്ണിൽ നിന്നും സൃഷ്ടിച്ചു. പിന്നീട് നിങ്ങളെ ഗോത്രങ്ങളും വർഗ്ഗങ്ങളും ആക്കിയത് നിങൾ പരസ്പരം തിരിച്ചറിയപ്പെടാൻ മാത്രം. അല്ലാഹുവിങ്കൽ നിങ്ങളിൽ ഏറ്റവും ഉൽകൃഷ്ടൻ നിങൾ സൂക്ഷ്മബോധം കൂടുതലായുള്ളവൻ മാത്രം." (ഖുർആൻ)

*******

മുസ്‌ലിംകൾ വിവാഹം ചെയ്യുമ്പോൾ ജാതിയും ജാതകവും നോക്കുന്നത് കണ്ടിട്ടുണ്ടോ?

ഇല്ല.

കാരണം മുസ്‌ലിംകൾക്ക് ജാതിയും ജാതകവും ഇല്ല.

സുന്നി, ഷിയാ മുജാഹിദ്, മദ്ഹബ് വ്യത്യാസം എന്നതൊക്കെ ജന്മം കൊണ്ടുണ്ടാവുന്ന ജാതികൾ അല്ല. 

സുന്നി, ഷിയാ മുജാഹിദ്, മദ്ഹബ് വ്യത്യാസം എന്നതൊക്കെ വിശ്വാസപരമായ വ്യാഖ്യാനപരമായ അഭിപ്രായവ്യത്യാസങ്ങൾ മാത്രമാണ്. ആർക്കും എപ്പോഴും അവനവൻ്റെ മനസ്സിലാക്കൽ പോലെ അങ്ങോട്ടും ഇങ്ങോട്ടും മാറാവുന്നത്.

പിന്നെ വിവാഹ സമയത്ത് കുടുംബ മഹിമ, സമ്പത്ത്, സൗന്ദര്യം, സ്വഭാവം, വിദ്യാഭ്യാസം എന്നിവ പരിഗണിക്കുന്നത്. 

അത് ജാതി നോക്കുമ്പോലുള്ള കാര്യങ്ങളല്ല. 

അതാത് ആളുകൾ അവരുടെ സൗകര്യം പോലെ നോക്കുന്നത്. മതപരമായ വിധിവിലക്കുകളുടെ അടിസ്ഥാനത്തിൽ അല്ല. 

ഡോക്ടറെയും എൻജിനീയരെയും ഐഎഎസുകാരെയും പരിഗണിക്കുന്നത് പോലെ മാത്രം.

വിവാഹ സമയത്ത് നടത്തുന്ന ഈ പരിഗണനകൾ മാറിമാറി വരാവുന്നതും തീർത്തും വ്യക്തിനിഷ്ഠമായ/ കുടുംബനിഷ്ഠമായ തെരഞ്ഞെടുപ്പ് തീരുമാനങ്ങളിൽ വരുന്നതും മാത്രമാണ്. 

വർണ്ണാശ്രമം അതുപോലെയെല്ല. 

ജാതി ജന്മം കൊണ്ട് മാത്രം വരുന്നതും ഒരിക്കലും മാറാൻ സാധിക്കാത്തതും വ്യക്തിനിഷ്ഠമല്ലാതെ മാത്രം നടക്കുന്നതുമാണ്.

വർണാശ്രമം മനുസ്മൃതി കൃത്യമായി വിവരിക്കുന്നു. 

ഗീതയും അത് ശരിവെക്കുന്നു. 

വേറെയുള്ള വേദങ്ങൾ അവയൊക്കെയും വ്യത്യസ്തമായ രീതിയിൽ നേരിട്ടും അല്ലാതെയും ശരിവെക്കുന്നു.

ഋഗ്വേദം കൃത്യമായും നാല് ജാതികളെ നിർവ്വചിക്കുന്നു. 

ബ്രാഹ്മണൻ, ക്ഷത്രിയൻ, വൈശ്യൻ, ശൂദ്രൻ. 

ബാക്കി ജാതികളൊക്കെ അവയിൽ നിന്നും ഉരുത്തിരിഞ്ഞു വന്ന ശാഖോപശാഖകൾ.  

അതുകൊണ്ട് തന്നെയാണ് ജാതിസമ്പ്രദായം ഇവിടെ ഇത്രക്ക് കൃത്യമായി കണിശമായി നടപ്പായതും. 

ജാതി നോക്കാതെ വിവാഹം നടത്തുന്നവർ ഇവിടെ പൊതുവെ ഇല്ല.

വളരെ വിരളമായല്ലാതെ ഇല്ല. 

ഇതൊക്കെ തള്ളി നിഷേധിച്ച് ജീവിക്കുന്ന വളരെ കുറച്ചുപേരൊഴികെ.

********

സുന്നി ഷിയാ എന്നതൊക്കെ വ്യക്തിപരമായ തെരഞ്ഞെടുപ്പുകളാണ് അവ. ജന്മം കൊണ്ടുള്ളതല്ല.  

വല്ല നിലക്കും അച്ഛനും അമ്മയും ആയത് പോലെ മക്കൾ ഷിയയോ സുന്നിയോ മുജാഹിദോ ജമാഅത്തോ ശാഫിയോ ഹനഫിയോ ആയിപ്പോയാൽ തന്നെയും വളരുമ്പോൾ കുട്ടികൾക്ക് അഭിപ്രായം മാറുന്നുണ്ടെങ്കിൽ മാറാൻ സാധിക്കും.

അതുകൊണ്ടാണ് ഷിയാസുന്നികൾക്കിടയിൽ പരസ്പരം മാറ്റിയെടുക്കാനും സ്വാധീനിക്കാനും ഉള്ള മത്സരങ്ങളും മറ്റും നടക്കുന്നത്. 

രാജ്യങ്ങൾ തമ്മിലുള്ളത് വേറെ. 

മതപരമായി ഇസ്‌ലാമിൽ ജാതി ഇല്ലെന്നത് എന്ത്കൊണ്ടും വ്യക്തതയുള്ള കാര്യമാണ്. 

അഭിപ്രായവ്യത്യാസങ്ങൾ മൂർഛിച്ചാൽ ഒരു കൂട്ടർ മറ്റേ കൂട്ടരിൽ നിന്നും ഒഴിഞ്ഞുനിൽക്കുന്നതൊക്കെ ജാതീയമായ പ്രശ്നം പോലെയല്ല. ജന്മം കൊണ്ട്, സ്വയം തെരഞ്ഞെടുക്കാതെ സംഭവിക്കുന്നത് പോലെയല്ല. താൽക്കാലികമായ സംഗതികൾ മാത്രമാണ്.

രാഷ്ട്രീയ പാർട്ടികൾ തന്നെയും അഭിപ്രായവ്യത്യാസം കാരണം ഭിന്നിച്ചുപോയവരെ അകറ്റിനിർത്തുന്നത് പോലെയും മറ്റുമൊക്കെ തന്നെയേ അതുള്ളൂ.