കോൺഗ്രസ് ഇനിയങ്ങോട്ട് വളരില്ല. എന്തുകൊണ്ട്?

കോൺഗ്രസ് ഇനിയങ്ങോട്ട് വളരില്ല. 

എന്തുകൊണ്ട്?

ഇന്ത്യയിൽ ഏറ്റവും എളുപ്പത്തിൽ വളരാനാവുന്ന ഏക ആദർശം വെറുപ്പ്, അസൂയ, വിദ്വേഷം എന്നിവ മാത്രമായിക്കഴിഞ്ഞിരിക്കുന്നു എന്നതിനാൽ. 

രാഹുൽ ഈശ്വർ പറഞ്ഞതാണ് ശരി. ഭരണകൂട പാർട്ടിക്ക് മുസ്‌ലിംകൾക്കെതിരെ കളവുകൾ ഉണ്ടാക്കൽ നിർബന്ധമാകുന്നത് പോലും അതുകൊണ്ടാണ്.

കോൺഗ്രസിനെ ന്യായീകരിക്കാൻ ഉദ്ദേശിച്ചില്ലെങ്കിലും ഇന്ത്യയിലെ ഭരണകൂടപാർട്ടിയും പരിവാരങ്ങളും മുസ്‌ലിംകൾക്കെതിരെ കളവുകൾ ഉണ്ടാക്കുന്നു എന്ന് രാഹുൽ ഈശ്വറിന് പറയേണ്ടിവന്നത് അതുകൊണ്ടാണ്. 

കളവുകൾ ഉണ്ടാക്കാനും കളവുകൾ ഉണ്ടാക്കി കലാപങ്ങൾ ഉണ്ടാക്കാനും, ആ വഴിയിൽ വെറുപ്പും വിഭജനവും ഉണ്ടാക്കി അധികാരം നേടാനും കോൺഗ്രസ്സിന് സാധിക്കില്ല. പക്ഷേ, ഭരണകൂടപാർട്ടിക്ക് കഴിയും, കഴിഞ്ഞിട്ടുണ്ട്.

എന്ന ഒരൊറ്റ കാര്യം കൊണ്ട് തന്നെ കോൺഗ്രസ് ഇനിയങ്ങോട്ട് വളരില്ല. തെറിപറഞ്ഞ് വളരുന്നവനെ തെറിപറഞ്ഞുതന്നെ നേരിടാൻ മാത്രം തരംതാണതാവാൻ കോൺഗ്രസ്സിന് പാർട്ടിയെന്ന നിലക്കാവുന്നില്ല.

നിലവിലെ ഭരണകൂടപാർട്ടിയുടെ തുറുപ്പുചീട്ട് കളവുകൾ തന്നെ ആണ്. എത്രയും തരംതാണതാവുക എന്നതാണ്. 

തരംതാഴ്ചയും അതുണ്ടാക്കുന്ന തെരുവിലെ മേൽക്കോയ്മയും മേൽവിലാസവും തന്നെയാണ് വിവരവും നിലവാരമില്ലാത്ത കെയ്യൂക്കാണ് യഥാർത്ഥ കരുത്ത് എന്ന് കരുതുന്ന ജനതയെ സംബന്ധിച്ചേടത്തോളം അവരിലെ അടക്കിവെച്ച മൃഗീയതയെ തൊട്ടുണർത്താനാവുന്ന യഥാർത്ഥ വളർച്ച.

അതുകൊണ്ട് കളവുകൾ ഉണ്ടാക്കി കലാപങ്ങൾ ഉണ്ടാക്കുക. 

കലാപങ്ങൾ ഉണ്ടാക്കി, വെറുപ്പും വിഭജനവും ഉണ്ടാക്കി ഉണ്ടാവുന്ന അന്യസമുദായ വെറുപ്പിനെ തങ്ങൾക്കുള്ള ജനപിന്തുണയാക്കുക. 

അങ്ങനെയുണ്ടാവുന്ന ജനപിന്തുണ വെച്ച്, ചെറിയ വായയിൽ വലിയ വർത്തമാനം പറഞ്ഞ് അധികാരം നേടുക, നിലനിർത്തുക.  

അവരത് തെളിയിച്ചതാണ്. ഇപ്പോഴും അവരത് തെളിയിച്ചുകൊണ്ടിരിക്കുന്നതാണ്.

കോൺഗ്രസ്സിന് കളവുകൾ ഉണ്ടാക്കാനും പറയാനും ഭരണകൂടപാർട്ടിയെ പോലെ സാധിക്കില്ല. 

എന്തുകൊണ്ടെന്നാൽ... 

കോൺഗ്രസ്സ് പാർട്ടിയുടെ ജനിതകം വർത്തമാനകാല ഭരണകൂടപാർട്ടിയുടെത് പോലെയല്ല. 

"തൻ്റെ തന്തയല്ല എൻ്റെ തന്ത" എന്നത് കോൺഗ്രസ്സിന് ഒരു പാർട്ടിയെന്ന നിലക്ക് 'കരിമ്പിന് കമ്പ് കേട്' എന്നത് പോലെ തടസ്സമാകുന്നു

കളവുകൾ വെച്ച് കലാപങ്ങൾ ഉണ്ടാക്കാനും കലാപങ്ങളിലൂടെ അന്യസമുദായ വെറുപ്പിനെ ഉണ്ടാക്കി അതിനെ കോൺഗ്രസ്സിനുള്ള ജനപിന്തുണയാക്കാനും കോൺഗ്രസ്സിന് അതിൻ്റെ ജനിതകസ്വഭാവം വെച്ച് സാധിക്കില്ല. 

അതുകൊണ്ട് തന്നെ ഇന്ത്യയിൽ ഇതിനകം ശക്തിയുക്തം വേരോടിക്കഴിഞ്ഞ വെറുപ്പ് രാഷ്ട്രീയത്തോട് മത്സരിച്ച് കോൺഗ്രസ്സിന് ഇനിയങ്ങോട്ട്  വളരാനും ജയിക്കാനും സാധിക്കില്ല. 

അവ്വിധത്തിൽ കുറ്റവാളിമനസ്സുള്ള ഒരു വലിയ വിഭാഗത്തിന് എന്ത് തെമ്മാടിത്തവും ചെയ്യാനുള്ള അനുമതിയും അവസരവും നൽകിയതിൻ്റെ ഫലവും ആഘോഷവും കൂടിയാണ് ഇപ്പോഴത്തെ ഭരണകൂടപാർട്ടി അനുഭവിക്കുന്ന അധികാരം, മേൽക്കോയ്മ. 

ജനങ്ങളുടെ ബോധനിലവാരം എത്രകണ്ട് താഴ്തിപ്പിടിച്ച് നിലനിർത്തുന്നുവോ അത്രകണ്ട് ഭരണകൂടപാർട്ടിയുടെ അധികാരവും മേൽക്കോയ്മയും നിലനിൽക്കും. 

അതാണ് ഭരണകൂടപാർട്ടി സമയാസമയങ്ങളിൽ അത്തരം വെറുപ്പ് വിഷയങ്ങൾ ഇട്ടുകൊടുത്തുകൊണ്ട് ഉറപ്പിക്കുന്നതും

അത് കോൺഗ്രസ്സിന് അപ്പടി സാധിക്കില്ല. 

അക്കാര്യത്തിൽ കോൺഗ്രസ്സിന് പാർട്ടിയെന്ന നിലക്ക് പരാജയപ്പെടുക മാത്രമേ നിർവാഹമുള്ളൂ.

കളവുകൾ ഉണ്ടാക്കിപ്പറഞ്ഞ്, കളവുകളെ സത്യത്തേക്കാൾ വലിയ സത്യമായി പ്രതിഷ്ഠിച്ച്, ഏതെങ്കിലും ഒരു പ്രത്യേക വിഭാഗത്തിനെതിരെ വെറുപ്പും അസൂയയും വിദ്വേഷവും ഭീതിയും ഉണ്ടാക്കി മറുപക്ഷത്ത് വേറൊരു വിഭാഗത്തെ ഏകീകരിക്കാനും സംഘടിപ്പിക്കാനുമായി ഒരു പാത്യേകവിഭാഗം കോൺഗ്രസ്സിന് അപ്പുറത്തും ഇപ്പുറത്തും ഇല്ല.

കോൺഗ്രസ്സിന് ഇന്ത്യയെ മുഴുവൻ ഒരുമിച്ചാണ് കൊണ്ടുനടക്കേണ്ടത്. സ്വയം വളരാനും ശക്തിപ്പെടുത്താനും പാർട്ടിയെന്ന നിലക്ക് മറന്നുപോയ കോൺഗ്രസ്സ് അതും മറന്നുപോയിരുന്നു. 

കാരണം, ആയിടക്ക് കോൺഗ്രസ്സ് എന്നാൽ അധികാരം കയ്യാളുന്ന വെറുമൊരുപാർട്ടിയെന്നും, അധികാരം കൊതിച്ചുമാത്രം നിലകൊള്ളുന്ന കുറേആളുകളുടെ കൂട്ടം എന്നുമായി മാറിപ്പോയത് കൊണ്ട്.

ഇന്ത്യയെ സ്നേഹിക്കുന്ന, ഇന്ത്യയെ അർബുദമായി ബാധിക്കാത്ത ഏതൊരു പാർട്ടിക്കും ഇന്ത്യയെ മുഴുവനും മാത്രമേ ഒരുമിച്ച് കൊണ്ടുനടക്കാൻ സാധിക്കൂ.

കോൺഗ്രസ്സിന് ഇന്ത്യയിൽ ഏതെങ്കിലുമൊരു വിഭാഗത്തെ മാത്രമല്ല കൊണ്ടുനടക്കേണ്ടത്. 

കോൺഗ്രസ്സിന് ഇന്ത്യയെന്നാൽ ഏതെങ്കിലും ഒരു വിഭാഗമല്ല. 

കോൺഗ്രസ്സിനെ സംബന്ധിച്ചേടത്തോളം ഇന്ത്യയെന്ന ശരീരത്തിൻ്റെ ഏത് ഭാഗവും  പ്രധാനമാണ്. ഇന്ത്യയെന്ന ശരീരത്തിന് അതിൻ്റെ ഏത് ഭാഗവും ഒരുപോലെ പ്രധാനമാണ് എന്നതിനാൽ.

ഇന്ത്യയെന്ന ശരീരത്തിൻ്റെ ഏത് ഭാഗത്തിന് വേദന വന്നാലും രോഗംബാധിച്ചാലും അത് ഇന്ത്യയെന്ന ശരീരത്തിന് മുഴുവൻ രോഗം ബാധിക്കുന്നത് പോലെയാണ്, വേദനിക്കുന്നത് പോലെയാണ്. 

സാധാരണഗതിയിൽ അതുവെച്ച് ഇന്ത്യയെന്ന ശരീരം മുഴുവൻ ഉറങ്ങാതെയാവും.

ഏത് ചെറിയ ഭാഗത്തിന് വരുന്ന അർബുദവും ഫലത്തിൽ ആ ശരീരത്തെ മുഴുവൻ ബാധിക്കുന്ന അർബുദമാണ്. അത് ഇന്ത്യയെന്ന ശരീരത്തെ ഉള്ളിൽ നിന്നും ആഭ്യന്തരമായും നശിപ്പിക്കും. 

സ്വയം അർബുദകോശങ്ങളായി വളരുന്ന പാർട്ടിക്ക് ഇതൊന്നും ബാധകമല്ല. 

സ്വയം അർബുദകോശങ്ങളായി വളരുന്ന പാർട്ടിക്ക് വളർത്തേണ്ടത് ശരീരത്തെയല്ല. 

ശരീരത്തെ വളർത്തുന്നു എന്ന പേരിൽ അവർക്ക് വളർത്തേണ്ടത് നാശത്തെയാണ്. നാശം തന്നെയായ അർബുദത്തെയും അർബുദകോശങ്ങളെയുമാണ്.

അതുകൊണ്ട് തന്നെ, ഇന്ത്യക്കാരെ മുഴുവൻ ഒരുമിച്ച് ആരോഗ്യപരമായി കൊണ്ടുനടക്കേണ്ട കോൺഗ്രസ്സിന് താത്കാലികലാഭം മുൻനിർത്തി ഇന്ത്യക്കാർക്കിടയിൽ വെറുപ്പും അസൂയയും വിദ്വേഷവും വിഭജനവും ഉണ്ടാക്കി ഇന്ത്യയെ ഒരു രോഗിയാക്കിക്കൂട. 

കോൺഗ്രസ്സിന് പ്രത്യക്ഷത്തിലും പരോക്ഷത്തിലും വെറുപ്പ് രാഷ്ട്രീയത്തെ ആദർശവും ആയുധവും ആക്കി കളിക്കാൻ പറ്റില്ല.

കോൺഗ്രസ്സിന്  സ്ഥിരമായി വെറുക്കേണ്ട, വെറുപ്പ് രാഷ്ട്രീയം കളിക്കേണ്ട അങ്ങനെയൊരു പ്രത്യേകവിഭാഗം ഇന്ത്യയിൽ എതിർഭാഗത്ത് ഇല്ല. 

ഏറ്റവും എളുപ്പത്തിൽ വളരാനാവുന്ന ഏക ആദർശം വെറുപ്പ്, അസൂയ, വിദ്വേഷം മാത്രമാണ് എന്ന് വന്നിരിക്കുന്നത് കൊണ്ട് 'ഒരുമിച്ച് കൊണ്ടുനടക്കാൻ ഉദ്ദേശിക്കുന്നവർ അറംപറ്റിപ്പോവുക, വിഭജിക്കാനും നശിപ്പിക്കാനും ഉദ്ദേശിക്കുന്നവർ ആകാശംമുട്ടെ വളരുക' എന്നതാണ് ഇന്ത്യയിലെ പുതിയ മുദ്രാവാക്യം. 

വലതുപക്ഷ ഫാസിസ്റ്റ് പാർട്ടി മാത്രമല്ല വെറുപ്പ് രാഷ്ട്രീയം കൊണ്ടും അസൂയ വളർത്തിയും വിദ്വേഷവും വെറുപ്പും ഭീതിയും ജനിപ്പിച്ചും വളർന്ന, വളരാൻ ശ്രമിച്ച ഇന്ത്യയിലെ ഏക പാർട്ടി. 

വെറുപ്പ് രാഷ്ട്രീയം കളിക്കുന്നതിലും, തങ്ങൾക്ക് വേണ്ടപ്പോഴൊക്കെ സന്ദർഭവും ഊഴവും നോക്കി അപ്പപ്പോൾ അവിടവിടെ അസൂയ വളർത്തുന്നതിലും ഭീതിയും വിദ്വേഷവും പടർത്തുന്നതിലും കലാപങ്ങൾ അഴിച്ചുവിടുന്നതിലും ഏറ്റവും വിജയിച്ച പാർട്ടിയാണ് വലതുപക്ഷ ഫാസിസ്റ്റ് പാർട്ടിയെന്ന് മാത്രമേ പറയാൻ സാധിക്കൂ. 

അതും വർത്തമാനകാല സാഹചര്യത്തിൽ.

എല്ലാ രാഷ്ട്രീയ പാർട്ടികളും സാധിക്കുമെങ്കിൽ ഏറിയും കുറഞ്ഞും നടത്തുന്ന, നടത്തനുദ്ദേശിക്കുന്ന രാഷ്ട്രീയം അസൂയയുടെയും വെറുപ്പിൻ്റെയും വിദ്വേഷത്തിൻ്റെയും ഭീതിയുടെയും തന്നെയായിരിക്കും. കോൺഗ്രസ്സ് പാർട്ടിയെന്ന നിലക്ക് ഒരുപക്ഷേ ഒരളവോളം അതിന് അപവാദമാകുമെന്ന് മാത്രം.

അല്ലാതെ ജനങ്ങളെ സേവിക്കേണ്ട, രക്ഷിക്കേണ്ട എന്തെങ്കിലും പ്രത്യേശാസ്ത്രവും ആദർശവും രാഷ്ട്രീയദർശനവും നിലവിൽ ഇന്ത്യയിലെ ഒരു പാർട്ടിക്കും കാര്യമായില്ല. കോൺഗ്രസ്സിനും ഇല്ല.

പക്ഷേ, പ്രത്യേശാസ്ത്രത്തിനും ആദർശത്തിനും രാഷ്ട്രീയദർശനത്തിനും പകരമായി വെറുപ്പും വിദ്വേഷവും അസൂയയും ഭീതിയും പടർത്താൻ ഇന്ത്യയിൽ വലതുപക്ഷ ഫാസിസ്റ്റ് പാർട്ടിക്കും അവരുടെ മറ്റ് വിഭാഗങ്ങൾക്കും മാത്രമേ മുനയും ശത്രുവും ഉള്ളൂ എന്ന് മാത്രം. 

അല്ലാതെ വേറൊരു  പാർട്ടിക്കും വെറുപ്പും വിദ്വേഷവും അസൂയയും ഭീതിയും പടർത്താൻ വേണ്ടത്ര ശക്തമായ, മുഖവും മുനയുമായ ശത്രുവിനെ കിട്ടാനില്ല.

വലതുപക്ഷ ഫാസിസ്റ്റ് പാർട്ടിക്ക് അങ്ങനെയൊരു മുഖവും മുനയുമായ വലിയൊരു ശത്രുവിനെ തുടക്കം മുതലേ കിട്ടിയിട്ടുണ്ട്. 

അതിനായി വലതുപക്ഷ ഫാസിസ്റ്റ് പാർട്ടിയും പരിവാരങ്ങളും ഒരുക്കിയെടുത്ത അറവുമൃഗം പോലെയാണ് മുസ്‌ലിംകളും ഇസ്‌ലാമും ഇന്ത്യയിൽ. 

മുസ്‌ലിംകളും ഇസ്‌ലാമും കഴിഞ്ഞാൽ ലിസ്റ്റിൽ ക്രിസ്ത്യാനികളും സിഖുകാരും ബുദ്ധരും ജൈനരും ആയ ഒട്ടനവധി ചെറുചെറു വിഭാഗങ്ങൾ വേറെയുമുണ്ട് അവർക്ക്.

അവർ നിശ്ചയിക്കുന്ന ഊഴവും സമയവും പോലെ നക്കിയും ഞെക്കിയും മുക്കിയും ശ്വാസംമുട്ടിച്ചും കൊല്ലാൻ വേണ്ടവർ. 

അതുവരെ തീറ്റയും വെള്ളവും കൊടുത്ത് വളർത്തി ഒരുക്കി നിർത്തപ്പെടുന്നവർ.

പക്ഷേ മുസ്ലിംകളും ഇസ്‌ലാമും അങ്ങനെ പെട്ടെന്നൊന്നും കഴിയുന്ന ചെറിയ ഇരയല്ല എന്നത് കൊണ്ട് മറ്റാർക്കും നിലവിൽ വല്ലാതെ പേടിക്കാനില്ല. വെള്ളവും തീറ്റയും കഴിച്ചങ്ങനെ കഴിയാം.

വലതുപക്ഷ ഫാസിസ്റ്റ് പാർട്ടിക്ക് വയറുനിറക്കാൻ വേണ്ട ഒരുവലിയ ഇരയായി മുസ്ലിംകളും ഇസ്‌ലാമും ഒരുകുറേ കാലത്തേക്കായുണ്ട് എന്നവർക്ക് സമാധാനിക്കാം. 

മാത്രമല്ല, രാഹുൽ ഈശ്വർ പറഞ്ഞത് പോലെ ദളിതനും പറയനും പുലയനും ഈഴവനും നായരും നമ്പൂതിരിയും ഒക്കെ മാത്രമായ (യഥാർത്ഥത്തിൽ ഇല്ലാത്ത) ഹിന്ദുവിനെ ഹിന്ദുവാക്കാനും ഹിന്ദുവായി ഏകോപിപ്പിച്ച് നിർത്താനും വലതുപക്ഷ ഫാസിസ്റ്റ് പാർട്ടിക്ക് എപ്പോഴും അപ്പുറം ചൂണ്ടിക്കാണിച്ച് പേടിപ്പിക്കാനും വെറുപ്പും വിദ്വേഷവും അസൂയയും ഉണ്ടാക്കിയെടുക്കാനും എതിർഭാഗത്ത് ഒരു ശത്രു സ്ഥിരമായി വേണം. 

അതുകൊണ്ട് പൂച്ചയെ പോലെ ഇരയെ പൂർണമായും കൊല്ലാതെ നിലനിർത്തി അവരങ്ങനെ അവർക്ക് വേണ്ടപ്പോഴൊക്കെ തട്ടിക്കളിക്കും.

വലതുപക്ഷ ഫാസിസ്റ്റ് പാർട്ടി വളർത്തിയ വെറുപ്പ് മതാധിഷ്ഠിതമായ വെറുപ്പ് ആണെന്ന വ്യത്യാസമേയുള്ളൂ.

ഇതുപോലുള്ള അസൂയയും വെറുപ്പും വളർത്തികൊണ്ട് തന്നെയാണ് ഒരുകാലത്ത് കമ്യൂണിസ്റ്റ് പാർട്ടിയും വളർന്നത്, വളരാൻ ശ്രമിച്ചത്.  

വ്യത്യാസം ഒന്ന് മാത്രം. 

കമ്യൂണിസ്റ്റ് പാർട്ടി വളർത്തിയ വെറുപ്പും അസൂയയും വിദ്വേഷവും മതാടിസ്ഥാനത്തിൽ ഉള്ളതായിരുന്നില്ല.

പകരം കമ്യൂണിസ്റ്റ് പാർട്ടി വളർത്തിയ, വളർത്താൻ ശ്രമിച്ച വെറുപ്പും അസൂയയും വിദ്വേഷവും സമ്പന്നർക്കെതിരെയുള്ളതായിരുന്നു. 

വിവരമില്ലാത്ത ദരിദ്രരുടെ ഇടയിൽ പെട്ടെന്ന് ചിലവാകുന്ന കാര്യമായിരുന്നു സമ്പന്നർക്കെതിരെയുള്ള  വെറുപ്പും അസൂയയും വിദ്വേഷവും. 

ദരിദ്രനും സമ്പന്നരായി മാറിയാൽ ഈ വെറുപ്പും അസൂയയും വിദ്വേഷവും നിലനിൽക്കില്ല എന്ന് മാത്രമല്ല, അങ്ങനെ സമ്പന്നനായി മാറിയ ദരിദ്രനും ഏതൊരു സമ്പന്നനെയും പോലെ ആകുമെന്ന് പലരും പല നേതാക്കളും മാറിവന്ന ജീവിതം കൊണ്ട് തെളിയിക്കുന്നതായും വന്നു.

പക്ഷേ മതാടിസ്ഥാനത്തിലുള്ള വെറുപ്പും അസൂയയും വിദ്വേഷവും കാലങ്ങളെ അതിജയിക്കും. അതാണ് വലതുപക്ഷ ഫാസിസ്റ്റുകൾ തെളിയിക്കുന്നത്.

മതാടിസ്ഥാനത്തിലുള്ള വെറുപ്പും അസൂയയും വിദ്വേഷവും എല്ലാവരിലും എല്ലാതരം ജനങ്ങളിലും ഒരുപോലെ ഫലിക്കും. ആത്മനാശവും ആഭ്യന്തര നാശവും പൂർണമായും സംഭവിക്കുന്നത് വരെ.qq

മതാടിസ്ഥാനത്തിലുള്ള വെറുപ്പും അസൂയയും വിദ്വേഷവും വിദ്യാഭ്യാസം കുറഞ്ഞവരിൽ ആ നിലക്കും കൂടിയവരിൽ ആ നിലക്കും നടക്കും. 

ദരിദ്രരിൽ അവരുടെ ദാരിദ്ര്യം കാരണം വളരെ എളുപ്പം നടക്കും മതാടിസ്ഥാനത്തിലുള്ള അസൂയ വെറുപ്പ്, വിദ്വേഷം.

സമ്പന്നർക്ക് അവരുടെ സാമ്പത്തിക, അധികാര അജണ്ട ദരിദ്രരിലൂടെ നടപ്പാക്കിയെടുക്കാൻ വേണ്ടപോലെ ഉപയോഗപ്പെടും മതാടിസ്ഥാനത്തിലുള്ള അസൂയ വെറുപ്പ്, വിദ്വേഷം. ഇന്ത്യയിൽ ഇപ്പോൾ കൃത്യമായും സംഭവിച്ചു കൊണ്ടിരിക്കുന്നത് പോലെ.

*******

കുറ്റവാളി മനസ്സുള്ള ഒരു വലിയ വിഭാഗത്തിന് എന്ത് തെമ്മാടിത്തരവും ചെയ്യാനുള്ള അനുമതിയും അവസരവും നൽകിയതിൻ്റെ ഫലവും ആഘോഷവും ആണ് ഇപ്പോഴത്തെ ഭരണകൂട പാർട്ടി അനുഭവിക്കുന്ന അധികാരം, മേൽക്കോയ്മ.

******

പറയുന്നത് കോൺഗ്രസ്സ് പാർട്ടി എന്ന നിലക്കാണ്. 

കോൺഗ്രസ്സ് പാർട്ടി വല്ലാതെ കളവ് കളിച്ചിട്ടില്ല എന്ന കാര്യമാണ് 

കോൺഗ്രസ്സിലുള്ളവർ മുഴുവൻ സത്യസന്ധൻമരാണ് എന്ന വാദമല്ല ഈ പറയുന്നത്. 

പാർട്ടി എന്ന നിലക്ക് അണികൾക്ക് വലിയ ലക്ഷ്യവും ആദർശബോധവും നിഷ്ഠയും ആവേശവും കൊടുത്തിട്ടില്ലാത്ത കോൺഗ്രസ് പാർട്ടിയിൽ സത്യസന്ധതയില്ലാത്ത നേതാക്കളും പ്രവർത്തകരും ഒരേറെയുണ്ടായിരുന്നു, ഇപ്പോഴും ഒരേറെയാണ്,. 

പക്ഷേ അതൊക്കെയും ആ നേതാക്കളുടെയും പ്രവർത്തകരുടെയും വ്യക്തിപരമായ സത്യസന്ധതക്കുറവ് മാത്രമായിരുന്നു. കോൺഗ്രസ്സ് പാർടിയുടെതായിരുന്നില്ല.

അച്ചടക്കമുള്ള കേഡർ സ്വഭാവമുള്ള പാർട്ടിയല്ലാതിരുന്നത് കൊണ്ട് കോൺഗ്രസ്സിന് അത്തരം സത്യസന്ധതയില്ലാത്ത നേതാക്കളെയും പ്രവർത്തകരേയും അടക്കി നിയന്ത്രിച്ച് നിർത്താൻ കഴിഞ്ഞിരുന്നുമില്ല

വ്യക്തിപരമായി കോൺഗ്രസ്സിലുണ്ടായിരുന്ന ഒട്ടനവധി നേതാക്കളും സത്യസന്ധത ഉള്ളവരായിരുന്നില്ല. 

അങ്ങേയറ്റം അഴിമതിക്കാരായിരുന്നു. 

അവരിലധികവും കോൺഗ്രസ്സിൽ ഉണ്ടായിരുന്നതും നിന്നതും ആദർശബോധം കൊണ്ടോ രാജ്യസ്നേഹം കൊണ്ടോ ഒന്നുമായിരുന്നില്ല.

പകരം കോൺഗ്രസ്സ് ഒരു അധികാരപാർട്ടി ആയിരുന്ന കൊണ്ട് മാത്രമാണ് അവരൊക്കെയും കോൺഗ്രസ്സിൽ നിന്നത്. 

അതുകൊണ്ട് തന്നെയാണ് കോൺഗ്രസ്സിൽ നിന്നും അധികാരം പോയപ്പോൾ അവരിൽ മഹാഭൂരിഭാഗവും അടുത്ത മേച്ചിൽപ്പുറം തേടി അധികാരമുള്ള പാർട്ടിയിൽ ചേക്കേറിയത്. 

കോൺഗ്രസ്സിലെ നേതാക്കളുടെ വ്യക്തിപരമായ അഴിമതിയിലും സത്യസന്ധത ഇല്ലായകയിലും പിടിച്ച് തന്നെയാണ് ഇപ്പോഴത്തെ ഭരണകൂടപാർട്ടി കോൺഗ്രസിനെ പേടിപ്പിച്ചതും നേതാക്കളുടെ മൂർച്ചയെ ഇല്ലാതാക്കിയതും. 

പക്ഷേ കോൺഗ്രസ്സ് പാർട്ടി എന്ന നിലക്ക് അത്രക്ക് സത്യസന്ധതക്കുറവ് കാണിച്ചിരുന്നില്ല. 

അതുകൊണ്ട് തന്നെയാണ് എഴുപത് കൊല്ലം ഭരിച്ച പാർട്ടി ദരിദ്രമായതും വെറും പത്ത് കൊല്ലം മാത്രം ഭരിച്ച പാർട്ടി വെറും അഞ്ച് കൊല്ലങ്ങൾക്കിടയിൽ തന്നെ ലോകത്തെ തന്നെ ഏറ്റവും വലിയ സമ്പന്ന പാർട്ടിയായി മാറിയതും. ആരെയും എന്തിനെയും വിലക്ക് വാങ്ങാവുന്നത്ര സമ്പന്ന പാർട്ടിയായത്.