ഒരു മുന്നാ-മാപിനി വേണം. ഓരോരുത്തനിലും ഒളിഞ്ഞുകിടക്കുന്ന മുന്നയെ അറിയാൻ.

ഒരു മുന്നാ-മാപിനി വേണം. 

എത്രത്തോളം മൂന്ന ഓരോരുത്തനിലും ഒളിഞ്ഞുകിടക്കുന്നു എന്നളന്നറിയാൻ. 

കേരളത്തിൽ പ്രത്യേകിച്ചും ഇന്ത്യയിൽ പൊതുവെയും ഈ മുന്നാ-മാപിനി വേണം. 

എന്നിട്ട് വേണം തൊട്ടടുത്തും അയൽവാസിയിലും കൂട്ടുകാരനിലും വരെയുള്ള അപകടം മണത്തറിയാൻ. 

പുറത്ത് പറയാൻ മടിക്കേണ്ടിവരുന്നത്ര മോശമാണ് ഈ മുന്നാസംഘവും അവർ പ്രതിനിധാനം ചെയ്യുന്ന വിചാരവും വികാരവും ഒപ്പം അവർ ചെയ്യുന്ന പണികളും. 

എന്നറിയുന്നവരാണ് ഓരോ മുന്നയും. അതുകൊണ്ട് തന്നെ അവർ ആവുന്നത്ര അവസരം കാത്ത് ഒളിഞ്ഞുകിടക്കുകയാണ്.

ഒറ്റക്കവർ താൻ ഈ സംഘത്തിൽപെട്ടവനാണെന്ന്  പറയില്ല. 

എന്നാലോ, തങ്ങളുടേതായ കൂട്ടത്തെ കിട്ടിയാൽ, അധികാരം ഉണ്ടെന്നായാൽ അവർ നായ്ക്കളെ പോലെ പെരുമാറും, കടിച്ചുകീറും.

*******

വെറും കുറ്റവാളി മനസ്സുള്ള ഒരു വലിയ വിഭാഗത്തിന് എന്ത് തെമ്മാടിത്തരവും ചെയ്യാനുള്ള അനുമതിയും അവസരവും നൽകിയതിൻ്റെ ഫലവും ആഘോഷവും കൂടിയാണ് ഇപ്പോഴത്തെ ഭരണകൂട പാർട്ടി അനുഭവിക്കുന്ന അധികാരം, മേൽക്കോയ്മ.

*******

സനാതനം, ദേശസ്നേഹം, ആർഷഭാരതം എന്നൊക്കെ വെറുതേ പേരിട്ടാൽ മതി. 

സനാതനം, ദേശസ്നേഹം, ആർഷഭാരതം എന്നതൊക്കെ കുറ്റവാളി മനശ്ശാസ്ത്രത്തെ തുറന്നുവിടുന്നതിൻ്റെയും കൊടുംകുറ്റവാളികളെ കയറൂരിവിടുന്നതിൻ്റെയും പേരാണ്. 

ഇത്തരം പേരുകളിട്ടാൽ എന്ത് തെമ്മാടിത്തവും ചെയ്യാമെന്നതാണ് വർത്തമാനകാല സമവാക്യം.