ഹിന്ദുമതം എന്നൊരു മതം എവിടെ?

ഹിന്ദുമതം എന്നൊരു മതം എവിടെ? 

ഹിന്ദുമതം എന്നൊരു മതം ഉണ്ടായിരുന്നില്ല. 

ഉണ്ടായിരുന്നിട്ടില്ലാത്ത ഹിന്ദുമതവും ഉണ്ടായിരുന്നിട്ടില്ലാത്ത ഹിന്ദുമതവിശ്വാസികളും ഹിന്ദുമതത്തിൻ്റെ പേരിൽ ശരിയും തെറ്റുമായ എന്തെങ്കിലും കാര്യങ്ങൾ ചെയ്തിട്ടുണ്ടാവുമോ? 

ഇല്ല.

രാജ്യങ്ങൾ കീഴടക്കിയിട്ടുണ്ടാവുമോ?

ഇല്ല. 

മതപരിവർത്തനം നടത്തിയിട്ടുണ്ടാവുമോ?

ഇല്ല.

എന്നിരിക്കെ, ഹിന്ദുമതം എന്നത് തന്നെ ഇല്ലാത്തതാണ് എന്നിരിക്കെ,  മേൽപറഞ്ഞതൊന്നും ഹിന്ദുമതവും ഹിന്ദുമതവിശ്വാസികളും ചെയ്തിട്ടില്ല എന്നത് വലിയൊരു അവകാശവാദവും മേൻമയുമായി അവതരിപ്പിക്കാമോ? 

അങ്ങനെയൊക്കെ ചെയ്യാൻ ഹിന്ദുമതം എന്നൊരു മതവും അങ്ങനെയൊരു മതത്തിൻ്റെ വിശ്വാസികളും ഉണ്ടായിരിക്കേണ്ടതില്ലേ?

എലിയെ പിടിക്കാത്ത പൂച്ച പാലും തട്ടിമറിക്കുന്നില്ല.

ഇവിടെയുണ്ടായിരുന്നത് പ്രത്യേക വിശ്വാസവും മാർഗ്ഗദർശനംവും നിയമാവലികളും ഉണ്ടായിരുന്ന, ഏകീകരിക്കപ്പെട്ട ഹിന്ദു എന്ന് വിളിക്കപ്പെട്ടിരുന്ന ഒരു മതമായിരുന്നില്ല. 

പകരം കുറേ ജാതികൾ ആയിരുന്നു. വ്യത്യസ്ത വിഭാഗങ്ങൾ. 

അവർണ്ണനും സവർണ്ണനും. 

വ്യത്യസ്തമായ കോലത്തിൽ അടിമകളും യജമാനരും പോലെ.

കൃത്യമായും ഏകീകരിക്കുന്ന ചരടിലല്ലാതെ ചിതറിക്കിടന്ന, ഒന്നാണെന്ന് തോന്നിയിട്ടില്ലാത്ത അങ്ങിങ്ങ് പരന്നുകിടന്ന ജനതകൾ.

പരസ്പരം ഇകഴ്ത്തിയും അകറ്റിയും അടിമകളാക്കിയൂം പോരടിച്ച കുറേ ജാതികളും വിഭാഗങ്ങളും. 

അവരുടെ കൃത്യതയില്ലാത്ത കുറേ വിശ്വാസങ്ങളും കുറേ വഴികളും. 

വഴികളെന്ന് അവകാശപ്പെടാത്ത വഴികൾ.

ഹിന്ദു എന്ന മതം ഉണ്ടായിരുന്നുവെന്ന് ഏത് ഗ്രന്ഥത്തിലും വേദത്തിലും ആണുള്ളത്? 

ഹിന്ദു എന്ന മതം ഉണ്ടായിരുന്നുവെന്ന് ഒരു ഗ്രന്ഥത്തിലും വേദത്തിലും ഇല്ല.

ഹിന്ദുമതം എന്നത് ഇപ്പോൾ ഈയടുത്ത് ഉണ്ടാവുകയാണ്. 

ഹിന്ദുമതം എന്നതിനെ ഇപ്പോൾ ഈയടുത്ത് ഉണ്ടാക്കുകയാണ്. 

എങ്ങിനെ? 

എതിർഭാഗത്ത് മതം ഉളളവർ വന്നപ്പോൾ. 

എതിർഭാഗത്ത് ക്രിസ്ത്യാനിയും മുസ്‌ലിമും ഉണ്ടായപ്പോൾ. 

എതിർഭാഗത്തെ വെച്ച് ഉണ്ടാവുകയാണ്, അതുവെച്ച് ഉണ്ടാക്കുകയാണ് ഹിന്ദു എന്ന ഐഡൻ്റിറ്റിയെ. 

എതിർഭാഗത്തെ കുറിച്ച് കളവ് പറഞ്ഞ് വെറുപ്പും ഭീതിയും ഉണ്ടാക്കിക്കൊണ്ടല്ലാതെ ഹിന്ദു എന്ന മതത്തെയും ഐഡൻ്റിറ്റിയെയും ഉണ്ടാക്കാൻ കഴിയില്ല. 

ഹിന്ദു എന്ന് ഇപ്പോൾ വിളിക്കുന്ന കുറേ വ്യത്യസ്തരായ ജനതയെ കളവ് പറഞ്ഞ് വെറുപ്പും ഭീതിയും ഉണ്ടാക്കിക്കൊണ്ടല്ലാതെ ഏകീകരിക്കാൻ കഴിയില്ല, അവർക്ക് ഹിന്ദു എന്ന ബോധം ഉണ്ടാക്കാൻ കഴിയില്ല. 

അല്ലാതെ പ്രത്യേകമായ ഏതെങ്കിലും ഹിന്ദുവിനെ ഹിന്ദുവാക്കുന്ന ഏതെങ്കിലും പ്രത്യേകമായ വിശ്വാസസംഹിതയോ മാർഗ്ഗദർശനരേഖകളോ വേദഗ്രന്ഥമോ നിയമാവലികളോ ഇല്ല. 

അങ്ങനെ ഏതെങ്കിലും പ്രത്യേക വിശ്വാസവും ആചാരവും അനുഷ്ടാനങ്ങളും വെച്ച് ഹിന്ദുവിനെ ഹിന്ദുവെന്ന് വിളിക്കാനും ഹിന്ദുവെ ഉണ്ടാക്കാനും ഏകീകരിക്കാനും സാധ്യമല്ല. 

അതുകൊണ്ട് തന്നെയാണ് വർത്തമാനകാലത്തെ ഹിന്ദുവിൻ്റെയും ഹിന്ദുത്വയുടെയും വാക്താക്കളെന്നു സ്വയം പറയുന്നവരും വിശേഷിപ്പിക്കുന്നവരും ഒരുകുറെ കളവുകൾ ഉണ്ടായിക്കൊണ്ടിരിക്കുന്നത്. 

അങ്ങനെയാണ് ഒരേറെ കളവുകൾ സത്യങ്ങളായി ഉണ്ടാക്കപ്പെട്ടുകൊണ്ടേയിരിക്കുന്നത്. 

വർത്തമാനകാല ഹിന്ദുമതത്തെ ഹിന്ദുമതം ആക്കുന്നത് കളവുകൾ മാത്രം, കളവുകൾ കൊണ്ട് മാത്രം. 

കളവുകൾ ഫലമാക്കുന്ന വെറുപ്പും ഭീതിയും കൊണ്ട് മാത്രം വർത്തമാനകാല ഹിന്ദുമതത്തെ ഉണ്ടാക്കുന്നു. 

വെറുപ്പും ഭീതിയും മൂലം ഉണ്ടാകുന്ന വിഭജനവും ഏകീകരണവും മാത്രം വർത്തമാനകാല ഹിന്ദുമതം, ഹിന്ദു ഐഡൻ്റിറ്റി എന്നത്.

അതുകൊണ്ട് തന്നെ ഹിന്ദു ഉണ്ടാവുന്നതും ഹിന്ദുത്വ ഉണ്ടാവുന്നതും കുറേ കഥകളിലെ കഥാപാത്രങ്ങളിൽ അഭിരമിച്ചുകൊണ്ട്, 

അതല്ലെങ്കിൽ ചരിത്രത്തിലെ കുറേ കഥാപാത്രങ്ങളെ കാണിച്ച് പേടിപ്പിച്ചുകൊണ്ടും, വെറുപ്പുണ്ടാക്കിക്കൊണ്ടും, പ്രതികാരദാഹം ഉണ്ടാക്കിക്കൊണ്ടും.