പള്ളികൾ ഉളളത് കൊണ്ടല്ല ഇസ്‌ലാം. പകരം, ഇസ്‌ലാം ഉളളത് കൊണ്ട് പള്ളികൾ ആണ്.

ഒരു നാട്ടിലെ നാട്ടുകാർ മുഴുവൻ വിശ്വാസം മാറിയാൽ അവിടത്തെ ആരാധനാലയങ്ങളുടെ സ്വഭാവം മാറും. 

അതിന് കയ്യേറുക, കട്ടെടുക്കുക എന്നൊക്കെ എങ്ങനെയാണ്, എവിടെയാണ് അർത്ഥമുള്ളത്? 

അറബ് ലോകത്ത് ജനങ്ങൾ മുഴുവൻ വിശ്വാസപരമായി ഇസ്‌ലാമിലേക്ക് മാറിയപ്പോൾ ആരാധനാലയങ്ങളും മാറി ഇസ്ലാമിൻ്റേതായി, അത്രയേ ഉള്ളൂ... 

അങ്ങനെ മാറി മാറി തന്നെയല്ലേ ലോകം ഇങ്ങനെ ആയതും വളർന്നതും. 

അതിനെയൊക്കെ കയ്യേറൽ, കട്ടെടുക്കൽ എന്നൊക്കെ സന്ദർഭവും ചരിത്രവും മറച്ചുവെച്ച് പറയാമോ?

കയ്യേറലും കട്ടെടുക്കലും മാത്രം നടക്കുന്ന നമ്മുടെ വർത്തമാനകാല നാട്ടിൽ നിന്നും ചിന്തിക്കുമ്പോൾ പലർക്കും അങ്ങനെ തോന്നുന്നതിൽ വലുതായി അൽഭുതപ്പെടാനില്ല.

*******"

പള്ളികൾക്കടിയിൽ ക്ഷേത്രങ്ങളും ക്ഷേത്രങ്ങൾക്കടിയിൽ ബുദ്ധ-ജൈന മഠങ്ങളും ഉണ്ടെന്ന് വാദിച്ച് കലാപങ്ങൾ ഉണ്ടാക്കുന്ന നാട്.

ദൈവങ്ങൾ കെട്ടിടങ്ങളുടെ കീഴിൽ കുടുങ്ങിപ്പോകുന്നത്ര നിസ്സാരരായിപ്പോകുന്ന നാട്. 

ഭൂമിക്കടിയിൽ ശ്വാസംമുട്ടുന്ന ദൈവങ്ങളെ  രക്ഷിക്കാൻ ദൈവങ്ങളെക്കാൾ കരുത്തുള്ള രാഷ്ട്രീയനേതാക്കൾ വേണ്ടിവരുന്ന നാട്.

ദൈവങ്ങളെ ഭൂമിയുടെ അടിയിൽ നിന്നും രക്ഷിച്ചു ജീവിപ്പിക്കാൻ നാട്ടിൽ മുഴുക്കെയും കലാപങ്ങൾ അഴിച്ചുവിടേണ്ടി വരുന്ന നാട്.

********

പള്ളികൾ തകർക്കുന്നവർ അറിയാതെ പോകുന്ന കാര്യം. 

പള്ളികൾ ഉളളത് കൊണ്ടല്ല ഇസ്‌ലാം. 

പകരം, ഇസ്‌ലാം ഉളളത് കൊണ്ട് പള്ളികൾ ആണ്. 

മുസ്‌ലിംകൾക്ക് നിസ്കരിക്കാൻ പള്ളികൾ തന്നെ വേണമെന്നില്ല. 

മുസ്‌ലിംകൾക്ക് ഭുമിയിൽ എവിടെവെച്ചും നിസ്കരിക്കാം, ദൈവത്തെ വിളിക്കാം, പ്രാപിക്കാം.

അത്രക്ക് ലളിതമാണ്, നേരിട്ടുള്ളതാണ്, കെട്ടിക്കുടുക്കുകളും ഉപചാര ആചാരങ്ങൾ ഇല്ലാത്തതുമാണ് ഇസ്‌ലാം നിശ്ചയിച്ച ദൈവം, ദൈവവുമായുള്ള മനുഷ്യൻ്റെ ബന്ധവും ഇടപാടും.

പ്രകൃതിയുമായി നേരിട്ടെന്ന പോലെ.