ലോകത്തെല്ലായിടത്തും ആരാണ് പ്രശ്നക്കാർ?
ഇസ്‌ലാമും മുസ്ലിംകളും.
അതുകൊണ്ട് ഇന്ത്യയിലെയും പ്രശ്നക്കാർ ആരാണ്?
ഇസ്‌ലാമും മുസ്ലിംകളും.
ഇങ്ങനെയൊരു വല്ലാത്ത ന്യായവും ന്യായീകരണവും സാമാന്യവൽക്കരണവും ഇവിടെ വല്ലാതെ ഓടിനടക്കുന്നുണ്ട്.
ചത്തത് കീചകനാണോ? എങ്കിൽ കൊന്നത് ഭീമൻ തന്നെ എന്നും ഭീകരാക്രമണങ്ങൾ ആണോ? എങ്കിൽ അതിനുപിന്നിൽ മുസ്ലിംകൾ തന്നെ എന്നും ലളിതമായി ഉത്തരം നൽകുന്നത് പോലുള്ള സാമാന്യവൽക്കരണവും ന്യായം പറച്ചിലും.
വാർത്താമാധ്യമങ്ങളും അധികാരവും സ്വന്തമായുള്ളവർക്ക് ഇങ്ങനെയുള്ള വാർത്തകൾ ഉണ്ടാക്കുകയും എഴുന്നള്ളിക്കുകയും വളരെ എളുപ്പം.
അവരുടെ അധികാരത്തിലേക്കുള്ള ഏകവഴിയായും ആദർശമായും കൂടി അവരത് കണ്ട് കൊണ്ട് നടത്തുമ്പോൾ പ്രത്യേകിച്ചും.
അങ്ങനെ പിന്നാമ്പുറത്ത് അവർക്ക് വേണ്ട ബലിയാടുകളെ മുൻകൂട്ടി ഒരുക്കിനിർത്തി ഒളിഞ്ഞുനിന്ന് അവർ തന്നെ ഭീകരാക്രമണങ്ങളും കലാപങ്ങളും നടത്തിക്കൊണ്ട്.
പ്രത്യേകിച്ചും അധികാരവും വാർത്താമാധ്യമങ്ങളും സ്വന്തമായി ഇല്ലാത്ത പ്രതിയോഗികളെ കുറിച്ച് എന്തും കെട്ടിച്ചമച്ചുപറയാം എന്നതിനാൽ ഇതിങ്ങനെ അവർ തുടർന്നുകൊണ്ടേയിരിക്കുന്നു.
ആരെ വേണമെങ്കിലും രാഷ്ട്രഭരണകൂടങ്ങൾക്കും സാമ്രാജ്യത്വശക്തികൾക്കും കൊല്ലാം, തടവിലിടാം, ദ്രോഹികളാക്കി ചിത്രീകരിക്കാം എന്ന എളുപ്പമുള്ള സൂത്രവാക്യം എളുപ്പത്തിൽ നടപ്പിലാക്കിക്കൊണ്ട്.
കൊല്ലപ്പെട്ടവരുടെ കൈകളിൽ തങ്ങളവരെ കൊല്ലാൻ ഉപയോഗിച്ച അതേ ആയുധങ്ങൾ വെച്ചുകൊടുത്തുകൊണ്ട് തീവ്രവാദികളെന്നും ഭീകരവാദികളെന്നും വിളിക്കാം, വാർത്തയാക്കാം എന്ന എളുപ്പവിദ്യയോടെ.
എവിടെയെല്ലാം എത്രയെല്ലാം ഭീകരവാദികളും ഭീകരവാദി ഇങ്ങനെ ലോകത്താകമാനം ഉണ്ടാക്കപ്പെട്ടുകൊണ്ടേയിരിക്കുന്നു.
രാഷ്ട്രഭരണകൂട ഭീകരതക്കും സാമ്രാജ്യത്വഭീകരതക്കും മറയും ന്യായവും ന്യായീകരണവും ആവാൻ വേണ്ടിമാത്രം ഉണ്ടാക്കപ്പെടുന്ന ഭീകരവാദികളും തീവ്രവാദികളും.
ഏകപക്ഷീയമായി ആക്രമണങ്ങളും അനീതികളും മനുഷ്യാവകാശധ്വംസനങ്ങളും നടത്തിക്കൊണ്ടേയിരിക്കുന്നവർ നടത്തുന്ന എല്ലാവിധ ആക്രമണങ്ങളെയും മനുഷ്യാവകാശധ്വംസനങ്ങളെയും അനീതികളെയും മറച്ചുപിടിക്കാൻ ഈയൊരു "ചത്തത് കീചകനെങ്കിൽ കൊന്നത് ഭീമൻ തന്നെ" എന്ന സാമാന്യവൽക്കരണവും ന്യായവും ന്യായീകരണവും എത്രയോ മതിയായത്.
പ്രത്യക്ഷത്തിൽ ഒരു ഭാഗത്ത് ലോകമാസകലം മുസ്‌ലിംകളെയും ഇസ്ലാമിനേയും മാത്രം ഭീകരരായും തീവ്രവാദികളായും കാണാനിടവരുന്ന മഹാഭൂരിപക്ഷം പൊതുജനം കഴുതയായ ജനത പരോക്ഷമായ അടിസ്ഥാനയാഥാർത്ഥ്യം മനസ്സിലാവാതെ ഇതിങ്ങനെ തന്നെ വിശ്വസിച്ചുപോകുകയും ചെയ്യുന്നു.
അങ്ങനെ, ഇങ്ങ് ഇന്ത്യയിലും അങ്ങ് ലോകത്താസകലവും യഥാർത്ഥത്തിൽ അക്രമികപ്പെടുന്നവർ അക്രമികളാവുന്നു, അനീതികൾക്കിരയാവുന്നവർ അനീതിമാന്മാരാവുന്നു, വേട്ടയാടപ്പെടുന്നവർ വേട്ടക്കാരാവന്നു.
ചുരുങ്ങിയത് സ്വാതന്ത്ര്യാനന്തര ഇന്ത്യയുടെ കാര്യം മാത്രമെടുക്കുക.
എന്ത് അക്രമങ്ങളും ആക്രമണങ്ങളും പ്രശ്‌നങ്ങളുമാണ് യഥാർത്ഥത്തിൽ മുസ്‌ലിംകളുടെ പക്ഷത്ത് നിന്നും ഇതുവരെ ഉണ്ടായിട്ടുള്ളത്?
സ്വാതന്ത്ര്യാനന്തര ഇന്ത്യക്ക് അങ്ങുനിന്നിങ്ങോളം ഒരുതരം സ്വസ്ഥതയും സൈര്യവും കൊടുക്കാതിരുന്നവർ ആരാണ്?
ഇന്ന് ചെങ്കോൽ പിടിച്ച് അധികാരത്തിലിരിക്കുന്നവരുടെ പല കോലത്തിലും പേരിലും ഉള്ളവരും അവരുടെ മുൻഗാമികളും.
കഴിഞ്ഞ അമ്പത് വർഷക്കാലമായി ഇന്ത്യൻ മുസ്ലിംകൾ പലകോലത്തിലും പേരിലും ഉളള ഈ വലതുപക്ഷ തീവ്രവിഭാഗത്താൽ പലവിധത്തിൽ ആക്രമിക്കപ്പെട്ടവർ മാത്രം.
ഇപ്പോൾ അതേ വലതുപക്ഷ തീവ്രഭീകര വിഭാഗത്തിന് ചോദ്യം ചെയ്യപ്പെടാത്തവിധമുള്ള അധികാരത്തിൻ്റെ ധൈര്യവും കൂടി ആയപ്പോൾ പലരിലും ധൈര്യമില്ലാതെ ഒളിഞ്ഞിരുന്ന വെറുപ്പും വിദ്വേഷവും കൂടി പുറത്ത് വരുന്നതായി എന്ന് മാത്രം.
കൂട്ടമനശ്ശാസ്ത്രത്തിൽ നായ്ക്കളെ വെല്ലുന്ന ധൈര്യമാണ് ഇന്ത്യൻ ജനതയിലെ ഒരു വലിയ കൂട്ടർക്ക് ചോദ്യം ചെയ്യപ്പെടാത്തവിധമുള്ള അധികാരം നൽകിയിരിക്കുന്നത്.
അല്ലെങ്കിലും തിന്മയും ക്രൂരതയും കൂട്ടമനശ്ശാസ്ത്രം ആവശ്യപ്പെടുന്നു ശരിക്കും പുറന്തള്ളാൻ.
അക്രമത്തിൻ്റെയും അധികാരത്തിൻ്റെയും ഗർവ്വും ആദർശവും മാത്രമേ ഇവിടെ ഇന്ത്യയിലും ലോകത്താകെയും ഫാസിസ്റ്റ് സാമ്രാജ്യത്വ ഭീകരർക്ക് മുസ്‌ലിംകൾക്കും ഇസ്‌ലാമിനും എതിരെ നടപ്പാക്കാനുള്ളൂ.
വിശ്വാസപരമായും ആശയപരമായും ഇസ്ലാമിനേയും മുസ്‌ലിംകളെയും നേരിടാൻ സാധിക്കാത്ത എല്ലാ വിഭാഗങ്ങളും ഇവിടെ ഇക്കാര്യത്തിൽ അവരുടെ കൂടെ ഒരുമിച്ച് നിൽക്കുകയാണ്.
അങ്ങാടിയിൽ തോറ്റതിന് അമ്മയോട് എന്നത് പോലെയാണ് ഇസ്ലാമിനേയും മുസ്‌ലിംകളെയും അവർ ഒരുമിച്ച് നിന്ന് നേരിടുന്നത്.
ആ വഴിയിൽ എല്ലാ ആരോപണങ്ങളും ആക്ഷേപങ്ങളും മുസ്ലിംകളുടെയും ഇസ്ലാമിൻ്റെയും മേൽ ചാരി, മറിച്ച് ഏറെ ആകർഷിക്കപ്പെടുന്ന ഇസ്ലാമിൻ്റെയും മുസ്ലിംകളുടെയും മുഖം വികൃതമാക്കി പകതീർക്കുന്നു അവർ.
*********
സ്വാതന്ത്ര്യാനന്തര ഇന്ത്യക്ക് അന്നുമുതൽ ഇന്ന് വരെ സ്വൈര്യം നൽകാതിരുന്നത് ആരാണ്?
വലതുപക്ഷ വർഗ്ഗീയ ഭീകരവാദികൾ.
അല്ലാതെ മുസ്ലിംകൾ അല്ല.
മുസ്‌ലിംകളെ കാണിച്ചും, മുസ്‌ലിംകളെ കുറിച്ച് ഇല്ലാത്തത് ഉണ്ടാക്കിയും പറഞ്ഞും അവരുടെ സ്വന്തം അജണ്ടകൾ നടപ്പാക്കുന്ന കലാപ പരിപാടികളും നാടിന് സ്വൈര്യം നൽകാതിരിക്കലും നിർബാധം തുടർന്നുപോന്നു.
********
വിഭജനത്തോട് എതിർപ്പുള്ളവർ, വിഭജനം മൂലം നടക്കുന്ന അക്രണങ്ങളോടും കുരുതികളോടും എതിർപ്പുള്ളവർ, മാനുഷികവികാരവും മൂല്യവും പൂണ്ട് എല്ലാ തരം വിഭജനങ്ങളെയും അതുമൂലമുണ്ടാകുന്ന എല്ലാ തരം അക്രമങ്ങളെയും കുരുതികളെയും എതിർക്കും.
അല്ലാതെ ഒരേയൊരു ദിശ മാത്രം കണ്ടല്ല കാര്യങ്ങളെ നിരൂപിക്കുക.
******
ഇന്ത്യാ പാക് വിഭജനം ആഗ്രഹിച്ചവർ തന്നെയാണ് ഇന്നും ഇന്ത്യയിൽ വിഭജന - കലാപരാഷ്ട്രീയം കളിക്കുന്നത്.
ഇന്ത്യാ പാക് വിഭജനം മുസ്‌ലിംകളുടെ ആവശ്യമായിരുന്നില്ല എന്നത് വസ്തുത.
നിലവിൽ ഇന്ത്യ ഭരിക്കുന്നവരുടെ മുൻഗാമികളുടെ ആവശ്യമായിരുന്നു ഇന്ത്യാപാക് വിഭജനം.
മുസ്‌ലിംകളുടെ മേൽ പീന്നീട് കെട്ടിയേല്പിക്കപ്പെടുകയും വളരെ വൈകി മാത്രം മുസ്ലിംകൾ അതേറ്റെടുക്കുകയും മാത്രമായിരുന്നു.
ഏറെക്കുറെ ഇക്കാലമത്രയും ഒളിഞ്ഞും തെളിഞ്ഞും ഇന്ത്യയിൽ അധികാരം കയ്യാളിയതും അവർ തന്നെ.
മുസ്ലിംകൾ ചോദിച്ചു വിഭജിച്ചു വാങ്ങിയെന്ന് പറയുന്നതിന് പകരം തങ്ങളുടെ വലതുപക്ഷ വർഗ്ഗീയ രാഷ്ട്രീയം കൃത്യമായി നടപ്പാക്കാനുള്ള ഒരിടമായി ഇന്ത്യയെ പൂർണമായും ലഭിക്കാൻ മുസ്‌ലിംകളെ പാക്കിസ്ഥാൻ എന്ന പേരിൽ രാജ്യമുണ്ടാക്കി പറഞ്ഞുവിട്ടു എന്നുവേണം പറയാൻ, കണക്കാക്കാൻ.
വിഭജനം അങ്ങനെയുള്ള വലതുപക്ഷ വർഗ്ഗീയാശക്തിക്കാണ് ഇന്ത്യയിൽ സൗകര്യം ഉണ്ടാക്കിക്കൊടുത്തത്.
സാങ്കൽപ്പിക അവിഭക്ത ഇന്ത്യായിരുന്നു ഇവിടെ ഉണ്ടായിരുന്നതെങ്കിൽ ഇന്നവർ കളിക്കുന്ന വെറുപ്പിൻ്റെയും വിഭജനത്തിൻ്റെയും കളവിൻ്റെയും രാഷ്ട്രീയം ഒരിക്കലും ഇവ്വിധം കളിക്കാൻ കഴിയില്ലായിരുന്നു.
അതുകൊണ്ട് തന്നെ സംഗതി വ്യക്തമാക്കേണ്ടതാണ്:
മുസ്ലിംകൾ അല്ലാത്ത ആരുടെയൊക്കെയോ താത്പര്യമായിരുന്നു വലിയ ആക്ഷേപമായി പറയപ്പെടുന്ന ഇന്ത്യാവിഭജനമെന്ന്.
മുസ്ലിംകൾ വെറും ഇരകളായി അവരൊരുക്കിയ വലയിൽ വീണു എന്ന് മാത്രം പറയണം.
ഫാസിസ്റ്റ് ചിന്താഗതിക്കാരുടെ ആവശ്യമായി നടന്ന വിഭജനത്തിൻ്റെ പേരിൽ ഇന്നും മുസ്ലിംകൾ അതിനാൽ ചെണ്ടകളായി നിന്ന് അടി വാങ്ങുന്നു, പഴികേൾക്കുന്നു എന്ന് മാത്രം.
മുസ്ലിംകൾ യഥാർത്ഥത്തിൽ ആവശ്യപ്പെട്ടത് മൂന്ന് കോൺഫെഡറഷനുകൾ ആയി നിലകൊള്ളുന്ന വിശാല ഇന്ത്യയായിരുന്നു. വെറും അവിഭക്ത ഇന്ത്യ.
നിലവിൽ ഇന്ത്യ ഭരിക്കുന്നവരുടെ മുൻഗാമികൾ അതിലെ അപകടം മുൻകൂട്ടി ഗണിച്ചു.
അവർ ഉദ്ദേശിക്കുന്ന കാര്യങ്ങൾ ഇന്ത്യ അവിഭക്തമായിരുന്നാൽ നടത്താൻ കഴിയില്ലെന്ന അപകടം അവർ മുൻകൂട്ടി മണത്തു.
ഇപ്പോൾ ഇന്ത്യയിലവർ കളിക്കുന്നത് പോലുള്ള, ഇനിയങ്ങോട്ട് അവർ കളിക്കാൻ ഉദ്ദേശിക്കുന്നത് പോലുള്ള വെറുപ്പിൻ്റെയും വിഭജനത്തിൻ്റെയൂം ഫാസിസ്റ്റ് രാഷ്ട്രീയം അവിഭക്ത ഇന്ത്യയിൽ കളിക്കാൻ കഴിയില്ലെന്ന് അവർ മുൻകൂട്ടി കണ്ടു.
.jpg)