വാക്കുകളുടെ സൗന്ദര്യം പ്രവൃത്തിക്കുണ്ടാകുമെങ്കിൽ

വാക്കുകളുടെ സൗന്ദര്യം 

പ്രവൃത്തിക്കുണ്ടാകുമെങ്കിൽ 

ലോകവും ജീവിതവും 

കവിത പോലെ തന്നെ സുന്ദരം.

വാക്കുകൾ ഉപചാരം പോലെ, 

യാന്ത്രികമായി, 

ഹൃദയം തൊടാതെ 

ഒരു മറയായി.

എന്നത് 

ഓരോ ഇൻശാ അല്ലയും 

മാഷാഅല്ലയും 

അൽഹംദുലില്ലയും 

ഓരോ ദിവസവും 

ഓരോ നിമിഷവും 

ഓർമിപ്പിക്കുന്നു.

******

ഉപചാരം പോലെ, 

ആത്മാർത്ഥത അശേഷമില്ലാതെ 

അഭിനയിക്കുന്നവരുടെ മുമ്പിൽ 

നിങ്ങൾക്കും 

ഉപചാരം പോലെ, 

ആത്മാർത്ഥത അശേഷമില്ലാതെ 

അഭിനയിക്കേണ്ടി വരും. 

തുറന്നടിച്ച് കീറിപ്പൊളിച്ച്

അവരെ കാണിക്കാത്തിടത്തോളം

നിങ്ങൾക്കും അഭിനയിക്കേണ്ടി വരും.

തുറന്നടിച്ച് കീറിപ്പൊളിച്ച് 

നിങ്ങളവരെ കാണിച്ചാലോ? 

നിങൾ അവരുടെ ശത്രുവാകും. 

ഇനി ഉപചാരം പോലെ, 

ആത്മാർത്ഥത ഇല്ലാതെ 

എവിടെയെങ്കിലും നിങൾ പോയാലോ? 

അവിടെ നിങ്ങളും 

അഭിനയിക്കുന്നവനാകും. 

തുറന്നടിച്ച് കീറിപ്പൊളിച്ച്

നിങ്ങളെയവർ 

കാണിക്കാത്തിടത്തോളം

അവർക്കും അഭിനയിക്കേണ്ടി വരും.

തുറന്നടിച്ച് കീറിപ്പൊളിച്ച് 

നിങ്ങളെയവർ കാണിച്ചാലോ? 

അവർ നിങ്ങളുടെ ശത്രുവാകും.