മാനം തന്നെ വിധിയെന്ന നിൻ്റെ വണ്ടി.

വണ്ടിയിലാണെന്നറിയാതെ 

വണ്ടിയിലാണ്. 

മാനം തന്നേയായ വണ്ടിയിൽ.

വണ്ടിക്കുള്ളിലിരിക്കുന്നത് കൊണ്ടും 

വണ്ടിക്ക് പുറത്ത് കാണാത്തത് കൊണ്ടും 

വണ്ടിയിലാണെന്ന് 

മനസ്സിലാവുന്നില്ല. 

വണ്ടിയുടെ ദിശ മാത്രം 

നീ പോകുന്ന ദിശ. 

നിൻ്റെതായൊരു ദിശയില്ല 

വണ്ടിയുടെ വേഗത തന്നെ 

നിൻ്റെ വേഗത. 

നിൻ്റെതായൊരു വേഗതയില്ല. 

വണ്ടി നിന്നാൽ നീ നിൽക്കും.

നിൻ്റെതായ നിൽപും നടപ്പുമില്ല 

വണ്ടിക്കുള്ളിലുള്ള

എല്ലാ സൗകര്യങ്ങളും അസൗകര്യങ്ങളും

നിൻ്റെ കൂടി അസൗകര്യങ്ങൾ.

വണ്ടിക്കുള്ളിൽ നിന്ന്

നീ സ്വയം തിരിഞ്ഞിരിക്കുന്നത് കൊണ്ട് 

വണ്ടിയുടെ ദിശ മാറ്റാൻ നിനക്കാവില്ല. 

വണ്ടിക്കുള്ളിൽ നീ ധൃതിപിടിച്ചത് കൊണ്ടും 

ഓടിക്കളിച്ചത് കൊണ്ടും 

വണ്ടിയുടെ വേഗത കൂട്ടാൻ നിനക്കാവില്ല. 

നീയകപ്പെട്ട നിൻ്റെ

മാനം തന്നെ 

വിധിയെന്ന നിൻ്റെ വണ്ടി.