ഇല്ല എന്നതിനേക്കാൾ ഉണ്ട്. എങ്ങനെയൊക്കെയോ ഉണ്ട്.

ഇല്ല എന്നതിനേക്കാൾ ഉണ്ട് എന്നത് തന്നെയാണ് പറയാൻ പറ്റിയത്. 

പക്ഷേ എങ്ങനെയാണ് ആ ഉണ്ട്? 

ആരെങ്കിലും പറഞ്ഞത് പോലെ മാത്രമല്ല ആ ഉണ്ട്. 

പകരം, ഓരോരുത്തനും തോന്നുന്നത് പോലെ  ആ ഉണ്ട്. 

എന്നുവെച്ചാൽ എങ്ങനെയൊക്കെയോ ഉണ്ട്. 

എങ്ങിനെയെന്ന് മാത്രമില്ലാതെ ഒരു ഉണ്ട്. 

സാധിക്കുമെങ്കിൽ ഓരോരുത്തനും വളർന്ന് പ്രാപഞ്ചികതയോളം വളർന്ന് വികസിക്കാനാവുന്ന ഒരു ഉണ്ട്. 

ഒരു ബിംബവും ഇല്ലാതെ പ്രാപഞ്ചികത മാത്രമായ ഒരേയൊരു ബിംബമായി അപ്പോൾ ആ ഒരു ഉണ്ട്.

നിസ്സഹായതയിൽ ഓരോരുത്തനിലേക്കും ചുരുങ്ങുന്നു ആ ഒരു ഉണ്ട്. 

അപ്പോൾ പ്രാപഞ്ചികത തന്നെയായ ഒരു നൂറായിരം ബിംബങ്ങളായി മാറുന്നു ആ ഉണ്ട്.