അസ്ഥാനത്ത് അസമയത്ത് അനാവശ്യമായി വരുന്നത്.

അസ്ഥാനത്ത് 

അസമയത്ത് 

അനാവശ്യമായി വരുന്ന 

എന്തും ഏതും, 

അത് ബുദ്ധനും മുഹമ്മദും 

യേശുവും കൃഷ്ണനും 

ഭക്ഷണവും മരുന്നുമയാലും 

വില നിഷ്ടപ്പെടുന്നത്, 

വിപരീത ഫലമുണ്ടാക്കുന്നത്, 

വിഷമാകുന്നത്.

******

എന്താണ് ജീവിതം?

ശാരീരികമായി അതിജീവിക്കാൻ വേണ്ടി 

അധ്വാനിക്കുന്നതിൻ്റെയും 

രോഗിയാവുന്നതിൻ്റെയും പേര്.

മരിക്കാനുള്ള പേടിയുടെ പേര്.

******

 "എപ്ലസ് വാങ്ങേണ്ടത് 

ഇവിടെ നടക്കുന്ന പരീക്ഷകളില്‍ അല്ല. 

അല്ലാഹുവിന്റെ മുന്‍പിലാണ്. 

അല്ലാഹുവിന്റെ പരീക്ഷയിലാണ്."

ഒരു പ്രൈവറ്റ്‌ സ്കൂള്‍ ടീച്ചർ, 

വളരേ ചെറിയ ക്ലാസ്സിലെ വിദ്യാര്‍ത്ഥികളെ 

പറഞ്ഞ്‌ മനസിലാക്കുന്ന കാരൃം. 

എങ്ങിനെയുണ്ട് ചില സ്കൂളുകള്‍ 

മതം കയറ്റുന്നത്, 

മതം കച്ചവടം ചെയ്യുന്നത്?

******

സ്വാതന്ത്ര്യം എന്നത് നിന്നെ ഒരു അഭിപ്രായ സംഘത്തിലും സ്ഥിരമായി നിൽക്കാൻ പറ്റാത്തവനാക്കുന്നു.

സ്വതന്ത്രചിന്ത എന്നത് നിർബന്ധമായും നിരീശ്വരവിശ്വാസമോ ഈശ്വരവിശ്വാസമോ പ്രദാനം ചെയ്യില്ല.

*******

സ്ഥിരമായി അഭിപ്രായ വ്യത്യാസങ്ങൾ ഉണ്ടാവുക, അഭിപ്രായങ്ങൾ മാറുക എന്നത് സ്വാതന്ത്ര ചിന്തയിൽ സ്വാഭാവികമായ, സത്യസന്ധമായ പ്രക്രിയ

******

 തെളിച്ചമുള്ള ആരും കണ്ണാടി പോലെയാണ്.

 ചുറ്റുവട്ടത്തുള്ളത് പ്രതിബിംബംബിക്കുകയാണ്. 

പ്രതിബിംബംബിക്കുകയെന്നാൽ 

സ്വയം അസസ്ഥപ്പെടുകയല്ല, 

സ്വയം കാലുഷ്യപ്പെടുകയല്ല.

എല്ലാറ്റിലും ജാതിയും രാഷ്ട്രീയവും

 ഗൂഢാലോചന പോലെ ഉണ്ടെന്നും 

പണ്ടു പണ്ടേ ഉണ്ടായിരുന്നുവെന്ന് കരുതുന്നില്ല. 

ചുരുങ്ങിയത് ഈയുള്ളവന് അങ്ങനെയില്ല. 

ഈയുള്ളവനെ പോലെ 

ഈയുള്ളവൻ മറ്റുള്ളവരെ കാണുന്നു. 

എന്നതിൽ തെറ്റുണ്ടെങ്കിൽ അതിന് പരിഹാരവും ഇല്ല.