താങ്കൾ കഥയറിയാതെ ആട്ടം കാണുകയാണല്ലോ?

Dear friend Shabeer Ali 

സുഹൃത്തേ, താങ്കൾ കഥയറിയാതെ ആട്ടം കാണുകയാണല്ലോ?

പോസ്റ്റിന് അനുകൂലമാവാത്തതും പ്രതികൂലമാവുന്നതുമാണോ ഇവിടെ വിഷയം? 

അല്ല.

ഈ പോസ്റ്റ് വായിച്ചാൽ അങ്ങനെ ആരും പറയില്ലല്ലോ? അതൊരു കുടുംബ ഫോട്ടോ മാത്രമിട്ട പോസ്റ്റല്ലേ?

അദ്ദേഹമാണ് വ്യക്തിയധിക്ഷേപം നടത്തുന്ന രീതിയിലും, തീവ്രതയും അസഹിഷ്ണതയും മാത്രം നടപ്പാക്കണം എന്ന് ഉപദേശിച്ചുകൊണ്ടും ഈയുള്ളവൻ്റെ ഭാര്യയെ പൊതുപ്ലാറ്റ്ഫോമിൽ ഉണർത്തിയത്. (ഒന്ന് വായിച്ചുനോക്കുക)

ഈയുള്ളവൻ ഈ പോസ്റ്റ് ഇടുമ്പോൾ അദ്ദേഹത്തിൻ്റെ പേര് പോലും ബോധപൂർവ്വം തന്നെ വെച്ചില്ല. 

എന്തുകൊണ്ട്? 

അദ്ദേഹത്തിനുള്ള സ്വകാര്യത അനുവദിക്കുക എന്ന സാമാന്യമര്യാദ സൂക്ഷിച്ചത് കൊണ്ട്. (പക്ഷേ അച്ഛൻ പത്തായത്തിൽ ഇല്ലെന്ന് പറയുന്ന കുറ്റബോധപ്പെടുന്ന മനശ്ശാസ്ത്രം വെച്ച് ഇവിടെ ആളെ പിടുത്തം കൊടുക്കുന്നത് അദ്ദേഹം തന്നെയാണ്)

അദ്ദേഹത്തിന് കൊടുക്കേണ്ട മറുപടി അവിടവിടെ തന്നെ നേരിട്ട് കൊടുക്കുകയും ചെയ്തിരുന്നു. വ്യക്തിയധിക്ഷേപം എവിടെയും നടത്താതെ. വ്യക്തിയധിക്ഷേപം നടത്തുക ഒരു നല്ല രീതിയായി ഇന്നിത്തുവരെ ഈയുള്ളവൻ അനുവർത്തിക്കാത്തത് കൊണ്ട്. ഒപ്പം സാധാരണഗതിയിൽ ഒരാൾക്ക് വ്യക്തിയധിക്ഷേപം നടത്തേണ്ടി വരുന്നത് വിഷയം പറയാൻ സാധിക്കാത്തപ്പോഴും വിഷയത്തിൽ പരാജയപ്പെടുമ്പോഴും, ഒന്നുകൊണ്ടും ന്യായം കിട്ടാത്തപ്പോഴുമാണ്. 

ഈയുള്ളവന് ഈയുള്ളവൻ പറയുന്ന കാര്യത്തിൽ ഇന്നിതുവരേ അങ്ങനെയൊരു ഗതികേട് വന്നിട്ടില്ല. കാരണം അത്രക്ക് വ്യക്തതയും ബോദ്ധ്യതയും ഉള്ള കാര്യങ്ങൾ മാത്രമേ, തീർത്തും സ്വതന്ത്രവും നിഷ്പക്ഷവുമായി നിന്ന് മാത്രമേ പറഞ്ഞിട്ടുള്ളൂ, പറയാറുള്ളൂ. എത്രയോ പേർ ഈയുയുള്ളവനെതിരെ തുടർച്ചയായി എത്രയോ കാലം വെറും വ്യക്തിധിക്ഷേപവുമായി വന്നിട്ട് പോലും. 

അക്കാര്യം താങ്കളെ പ്രത്യേകിച്ച് ഉണർത്തേണ്ടതില്ലല്ലോ? 

മതേതര ജനാധിപത്യ സമൂഹത്തിൽ പറയാൻ പറ്റാത്ത വെറും അസഹിഷ്ണുതയും തീവ്രതയും നിറഞ്ഞ കാര്യങ്ങൾ മാത്രം അദ്ദേഹം ഉപദേശിച്ചു. 

താങ്കൾ തന്നെ ഒന്ന് വായിച്ചു നോക്കൂ. മിനഞ്ഞാന്ന് പെരുന്നാൾ വേളയിൽ ഈയുള്ളവൻ ഇട്ട ഭാര്യയോടൊപ്പമുള്ള ഫോട്ടോക്ക് കീഴെയുള്ള അദ്ദേഹം നടത്തിയ കമെൻ്റ്. അദ്ദേഹം പറഞ്ഞത് എന്തെന്നറിയാൻ. സാമാന്യബോധവും വിദ്യാഭ്യാസവും മതേതര ജനാധിപത്യ ബോധവും ഉള്ളവർ ആരെങ്കിലും അങ്ങനെ പറയുമോ എന്നറിയാൻ.

താങ്കൾ ഈ കുറിപ്പ് തന്നെയും മുഴുവൻ വായിച്ചെങ്കിൽ കഥയറിയാതെ ഇങ്ങനെ ആട്ടം കാണുകയോ നടത്തുകയോ ഇല്ലായിരുന്നുവെന്ന് തോന്നുന്നു.

ചത്തത് കീചകനെങ്കിൽ കൊന്നത് ഭീമൻ തന്നെ എന്ന നിലപാട് എപ്പോഴും ഈയുള്ളവനെതിരെ വെക്കണം എന്ന നിർബന്ധബുദ്ധി, ഉള്ളിൽ ഉറഞ്ഞ ഏതോ തരം അസഹിഷ്ണുത കാരണം ഉണ്ടെങ്കിൽ പിന്നെ ഒന്നും പറയാനില്ല. അത്തരം മുൻവിധിയിലധിഷ്ടിതമായ നിർബന്ധബുദ്ധി ഒഴിവാക്കുമെങ്കിൽ മാത്രം ഇതൊക്കെയും...

ഈ കുറിപ്പ് മുഴുവൻ അദ്ദേഹം നേരിട്ട് പറഞ്ഞതും അദ്ദേഹത്തിനോട് നേരിട്ട് മറുപടിയായി പറഞ്ഞതുമായ കാര്യങ്ങൾ മാത്രമാണ്. പേരെടുത്ത് പറയാതെ പൊതുവേ എല്ലാവർക്കും ഒരുണർത്ത് പോലെയാവട്ടെ എന്ന് കരുതിക്കൊണ്ട് പൊതുവായി പോസ്റ്റ് ചെയ്തു. 

ഈയുള്ളവൻ പറഞ്ഞതിൽ ഒരു തെറ്റും ഇല്ലെന്ന ഈയുള്ളവൻ്റെ ആത്മവിശ്വാസവും ധൈര്യവും ഇതിങ്ങനെ പോസ്റ്റ് ചെയ്യുന്നതിൽ ഉണ്ട്. പറഞ്ഞത് തെറ്റെന്ന് തോന്നുന്നവന്, എന്നാൽ അത് സമ്മതിക്കാൻ തയ്യാറാവാത്തവന് അങ്ങനെയുള്ള ധൈര്യവും ആത്മവിശ്വാസവും ഉണ്ടാവില്ല. അവർ, പറഞ്ഞത് വെളിച്ചത്ത് വരുന്നത് പേടിക്കും. ഇപ്പോൾ ഇവിടെ സംഭവിക്കുന്നത് പോലെ. ആശാരി മോശമായാൽ ഉപകരണത്തെ കുറ്റം പറയുന്നത് പോലെ അവർ ഇവ്വിധം കുറ്റം മറ്റുള്ളവരിൽ ആരോപിക്കും.

ഈയുള്ളവൻ അദ്ദേഹം ഉപയോഗിച്ച വൃത്തികെട്ട പ്രയോഗങ്ങൾ ബോധപൂർവ്വം മാന്യതക്ക് വേണ്ടി ഒഴിവാക്കി. അദ്ദേഹം പട്ടിയെന്ന് വരെ വിളിച്ചിരുന്നു. കൂടെ ജീവിക്കാനും ഭക്ഷണം കഴിക്കാൻ പാടില്ലെന്നും വരെ ഭാര്യയെ ഉപദേശിച്ചിരുന്നു. അദ്ദേഹത്തിൻ്റെ കുടുംബ ജീവിതത്തിൻ്റെ കഥ അറിയുന്ന ഈയുള്ളവൻ അക്കാര്യമൊന്നും ബോധപൂർവ്വം മിണ്ടാതിരുക്കുക മാത്രം ചെയ്തു.

മതപരമായ, ഉപബോധമനസ്സ് നിശ്ചയിക്കുന്ന നിക്ഷിപ്ത താല്പര്യമുള്ളത് കൊണ്ട് താങ്കൾക്ക് അദ്ദേഹത്തെ അനുകൂലിച്ച് തന്നെ വേണം, പതിവ് പോലെ ഈയുള്ളവനെ എതിർത്ത് തന്നെ വേണം എന്നുണ്ടെങ്കിൽ അത് തുടർന്ന് കൊള്ളുക.

താങ്കൾ ഈ ഉപദേശം യഥാർഥത്തിൽ അദ്ദേഹത്തിന് നൽകേണ്ടതായിരുന്നു. 

താങ്കൾ തന്നെ എത്ര പ്രാവശ്യം ഈയുള്ളവനെതിരെ എതിർത്തുവന്നു. നല്ല മറുപടികൾ പലപ്പോഴായി അപ്പപ്പോൾ തന്നു. വിഷയത്തിൽ കേന്ദ്രീകരിച്ച് കൊണ്ട്.

താങ്കളും മറ്റാരെങ്കിലും വ്യക്തിയധിക്ഷേപം നടത്തുമ്പോൾ അത് വിഷയത്തിന് പുറത്താണ് എന്ന് പറഞ്ഞു കൊണ്ട് തന്നെ മറുപടി തന്നു.

(കമെൻ്റ് കോളത്തിൽ ഒതുങ്ങാത്തത് കൊണ്ട് മാത്രം ഇവിടെ ഇങ്ങനെ പോസ്റ്റ് ചെയ്യേണ്ടി വരുന്നു?)