യാ ഹയ്യു യാ ഖയ്യൂം. ജീവിക്കുന്നതേ, ജീവിപ്പിക്കുന്നതേ.

ആ അഞ്ചു പേർ മരിച്ച 

ആ ആഴക്കടൽ കൂടിയാണ്, 

ആ സ്ഥാനം കൂടിയാണ് 

യഥാർത്ഥ ആരാധനാലയം, ദേവാലയം. 

മരിച്ച ആ അഞ്ചുപേരും കൂടിയാണ് 

യഥാർത്ഥ പ്രവാചകരും 

അവതാരങ്ങളും ദിവ്യൻമാരും. 

അങ്ങനെയുള്ളവർ കൂടി 

തന്ന, തരുന്ന സൂചനകളാണ് 

യഥാർത്ഥ ദിവ്യബോധനം.

******

യാ ഹയ്യു യാ ഖയ്യൂം. 

(ജീവിക്കുന്നതേ, 

ജീവിപ്പിക്കുന്നതേ. 

നിലനിൽക്കുന്നതേ, 

നിലനിൽപ്പിക്കുന്നതേ.) 

നിസ്സഹായത തൊട്ടറിയുന്നവൻ 

പ്രാപഞ്ചികത തന്നെയായ 

ദൈവത്തിൽ എത്തിച്ചേരുന്നു.

******

ഈ പ്രപഞ്ചവും അതിലുള്ളതും 

നിനക്ക് വേണ്ടിയാണ്. 

ശരിയാണ്. 

പക്ഷേ, നിനക്ക് വേണ്ടി മാത്രമല്ല; 

ഓരോ അണുവിനും ഉറുംബിനും 

ആനക്കും വേണ്ടി കൂടിയാണ്. 

നീയും അവയും അകപ്പെട്ട മാനം 

അനുവദിക്കുന്നത്ര, ആവശ്യപ്പെടുന്നത്ര.