എളുപ്പം അധികാരവും സമ്പത്തും വർദ്ധിപ്പിക്കാം.

നിങ്ങൾക്ക് എളുപ്പം അധികാരവും സമ്പത്തും വർദ്ധിപ്പിക്കാം.

നിങ്ങൾക്ക് എളുപ്പം രാഷ്ട്രീയ നേതാവും മതനേതാവും പുരോഹിതനുമാകാം.

എപ്പോൾ, എങ്ങിനെ?

മനസ്സാക്ഷി ഒന്ന് കളഞ്ഞ് കുളിച്ചാൽ മതി.

എന്നിട്ട്, നിങ്ങളിരിക്കുന്ന സമൂഹത്തിൻ്റെയും പാർട്ടിയുടെയും (പലപ്പോഴും തീർത്തും തെറ്റായ) വിശ്വാസങ്ങളെയും ആചാരങ്ങളെയും, അവരിലെ വെറുപ്പിനേയും വിദ്വേഷത്തെയും വിഭജനചിന്തയെയും ചോദ്യം ചെയ്യാതെ, എന്നാൽ പ്രോത്സാഹിപ്പിച്ചും വളർത്തിയും കൊണ്ട്. 

അങ്ങനെ അതേ സമൂഹത്തിൻ്റെയും പാർട്ടിയുടെയും തീർത്തും തെറ്റായ വിശ്വാസങ്ങളെയും ആചാരങ്ങളെയും വെറുപ്പിനേയും വിദ്വേഷത്തെയും വിഭജനചിന്തയെയും നിങ്ങൾക്ക് വളരാനുള്ള വളവും വെള്ളവും ആക്കിക്കൊണ്ട്.

അറിയണം; 

ചോദ്യം ചെയ്തവൻ ഒറ്റപ്പെടും. 

ചോദ്യം ചെയ്യുന്നവന് സമ്പത്തും അധികാരവും കിട്ടില്ല. 

ചോദ്യം ചെയ്യുന്നവന് അധികാരവും സ്ഥാനവും കിട്ടില്ല.

ചോദ്യം ചെയ്യുന്നവൻ രാഷ്ട്രീയ നേതാവും മതപുരോഹിതനും ആവില്ല. 

ചോദ്യം ചെയ്യുന്നവൻ മന്ത്രിയും മുഖ്യമന്ത്രിയും പ്രധാനമന്ത്രിയും ആവില്ല.

നമ്മുടെ രാജ്യവും സമൂഹവും പാർട്ടികളും തന്നെ അതിന് നേർസാക്ഷ്യം, തെളിവ്.