ഇന്ത്യൻ മുസ്ലിം മതനേതൃത്വത്തിന് പറ്റിയ തെറ്റ്

ചെറുതുതിനെ microscope വെച്ച് നോക്കി വലുതായി കാണുന്നവർക്ക് വലിയത് കാണില്ല. 

അണുവെ വലുതായി കാണുന്നവൻ യഥാർഥത്തിൽ വലിയ മലയെ കാണില്ല.

അവർ ചെറുതിനെ വലുതാക്കും.

എന്നിട്ട് വലിയ അപകടങ്ങളെ വിളിച്ചുവരുത്തും. 

അവർ അഞ്ച് പൈസക്ക് വേണ്ടി കലഹിച്ച് ബന്ധം വഷളാക്കി അഞ്ച് ബില്യൺൻ്റെ ബന്ധം നഷ്ടമാക്കും.

ഇന്ത്യയിൽ മുസ്‌ലിംകൾക്ക് പറ്റിയതും ഇപ്പോൾ പറ്റുന്നതും ഇത് മാത്രം. പ്രത്യേകിച്ചും ഇന്ത്യൻ മുസ്ലിം മതനേതൃത്വത്തിന് പറ്റിയ തെറ്റ് ഇത് മാത്രം 

ഏകസിവിൽകോഡ് വിഷയത്തിൽ വരെ. 

ചെറിയ കാര്യങ്ങളിലും ചെറിയ കാര്യങ്ങൾക്ക് വേണ്ടിയും വെറും വെറുതേ കലഹിച്ച് വലിയ കാര്യങ്ങൾ കാണാതെ പോയവരും നഷ്ടപ്പെടുത്തിയവരും മുസ്‌ലിംകൾ, അഥവാ ഇവരുടെ മതനേതൃത്വം. 

ഷാബാനു കേസ് അതിന് വലിയ തെളിവ്. 

ഒരു പാവപ്പെട്ട വിവാഹ മോചിതയായ വൃദ്ധസ്ത്രീക്ക് ജീവനാംശം കൊടുക്കുന്നത്, ഖുർആനികമായി ശരിയാണെന്ന് വന്നിട്ട് പോലും, തെറ്റാണെന്ന് പറഞ്ഞ് ഇന്ത്യൻ രാഷ്ട്രീയത്തെ വലതുപക്ഷ ചേരിയിൽ എത്തിച്ചത് ഇതേ മുസ്ലിം യാഥാസ്ഥിതിക മതനേതൃത്വമായിരുന്നു.

ബാബരി മസ്ജിദ് അതിലും വലിയ തെളിവ്. 

ഇപ്പോൾ ഏകസിവിൽകോഡ് നേരിട്ടുള്ള തെളിവ്. 

ശത്രുവിന് തങ്ങളെ അടിക്കാനും ആക്രമിക്കാനുമുള്ള വടിയും ആയുധവും ന്യായവും ഇവർ തന്നെ ഇവരുടെ ചിലവിൽ തന്നെ നൽകും. 

കാരണങ്ങൾ സ്വയം ഉണ്ടാക്കി അടി ചോദിച്ച് വാങ്ങും. 

എന്നിട്ട്, അവസാനം എല്ലാറ്റിനും കുറ്റം ആരുടെയെങ്കിലും തലയിലിട്ട് കരയും. 

ഗൂഢാലോചനാ സിദ്ധാന്തത്തിൽ (conspiracy theoryയിൽ) അഭിരമിക്കും.

ഇതാണ് മുസ്‌ലിംകൾ ലോകമാകെയും ഇന്ത്യയിൽ പ്രത്യേകിച്ചും അനുവർത്തിച്ചു പോരുന്ന ഒരു പ്രത്യേക രീതി. 

അവർ സ്വയം മാറില്ല. മാറ്റത്തെ പരമാവധി പ്രതിരോധിക്കും. 

എന്നിട്ട് മാറാത്തതിന്, അവരെ മാറ്റാത്തതിന് കുറ്റം മറ്റുള്ളവരിൽ ചാരും.  

സ്വയം തീവ്രവാദികളും മതമൗലികവാദികളും ആവും. 

അങ്ങനെ തീവ്രവാദികളും മതമൗലികവാദികളും ആവുന്നതിനുള്ള ന്യായം ഖുർആനിൽ സ്വയം കണ്ടെത്തുകയും അത് അണികളെ പഠിപ്പിക്കുകയും ചെയ്യും. 

എന്നിട്ടോ? തീവ്രവാദത്തിൻ്റെ കുറ്റം അമേരിക്കയിലും ജൂതന്മാരിലും ഗൂഢാലോചനാ സിദ്ധാന്തത്തിലും ചാരി സമാധാനിക്കും, സ്വയം ഉത്തരവാദിത്തത്തിൽ നിന്നും ഒളിച്ചോടും