മുസ്ലിംകളെ ശത്രുസ്ഥാനത്ത് നിർത്താൻ മാത്രമോ ഏകസിവിൽകോഡ്?

തമ്മിലടിച്ചു പലതായി നിന്ന 

ഒരു ഭൂവിഭാഗവും അതിലെ ജനതയും

ഒരുമിച്ച് ഒരു ഭരണഘടനക്ക് കീഴിൽ 

ഒരു രാജ്യമായി. 

ഇപ്പോൾ അതേ രാജ്യം 

വീണ്ടും തമ്മിലടിച്ചു 

നശിക്കാനൊരുങ്ങുന്നു. 

രാജ്യം ഭരിക്കുന്നവരുടെ 

ഒത്താശയോടെ. 

അധികാരം മാത്രമല്ലാത്ത 

മറ്റൊന്നും ലക്ഷ്യമില്ലാത്തവരുടെ 

ദീർഘവീക്ഷണമില്ലായ്മ കാരണം. 

അവരുടെ

ദുഷ്ടലാക്കോടെ മാത്രമുള്ള 

ഹൃസ്വദൃഷ്ടി കാരണം.

******

രാജ്യം ഭരിക്കുന്നവർ തന്നെ 

വെറും ദുഷ്ടലാക്കുള്ളവരായാൽ 

എന്ത് ചെയ്യും? 

അവർ തന്നെ നാട്ടുകാരെ 

മതവും ജാതിയും പറഞ്ഞ് 

തമ്മിലടിപ്പിച്ചാൽ 

എന്ത് ചെയ്യും? 

ഭരണാധികാരികൾ തന്നെ 

വിളതിന്നുന്ന വേലികളായാൽ 

എന്ത് ചെയ്യും?

*****

ഏകസിവൽകോഡ് ഒക്കെ ശരി. 

പക്ഷേ, നികുതിയും വിലയും 

തൊഴിലില്ലായ്മയും കുറച്ചിട്ട് പോരേ? 

ജനജീവിതം 

എളുപ്പമാക്കിയിട്ട് പോരേ? 

വെറുപ്പും വിദ്വേഷവും വളർത്തുന്നത് 

നിർത്തിയിട്ട് പോരെ? 

എല്ലാ ഇന്ത്യക്കാരെയും 

ഒരുപോലെ കാണാൻ പഠിച്ചിട്ട് പോരേ?

******

ക്രിസ്ത്യാനികളും ഗോത്രവർഗക്കാരും 

ഏകസിവിൽകോഡിൻ്റെ പരിധിക്ക് പുറത്തെന്ന്??? അമിത് ഷാ 

ഇനിയുമാരൊക്കെ പുറത്താകും

ഏകസിവിൽകോഡിൽ നിന്ന്? 

ആർക്കറിയാം?

അവസാനം,

മുസ്‌ലിംകളെ കുരുക്കാൻ മാത്രമാണ് 

ഈ ഏകസിവിൽകോഡ് എന്ന് വരുമോ? 

മുസ്ലിംകളെ 

ശത്രുസ്ഥാനത്ത് നിർത്തി 

ഇനിയുമൊരു തെരഞ്ഞെടുപ്പ് ജയിക്കാനുള്ള  

അടവുതന്ത്രം മാത്രമാണ് 

ഭരണകൂടപാർട്ടിക്ക് 

ഈ ഏകസിവിൽകോഡ് എന്നും വരുമോ?